ຫົວໜ້າພະແນກສາທາລະນະສຸກນະຄອນຫຼວງ ວຽງຈັນໄດ້ໃຫ້ສຳພາດຕໍ່ນັກຂ່າວລາວພັດທະນາໃນວັນທີ 26 ຕຸລານີ້ວ່າ: ກໍດັ່ງທຸກໆປີພໍໃກ້ຈະຮອດງານບຸນປະເພນີສຳຄັນຕ່າງໆເຊັ່ນ: ບຸນອອກພັນສາ
ແລະ ຊ່ວງເຮືອປະເພນີປະຈຳປີ, ກໍຄືບຸນພະທາດຫຼວງ, ທາງພະແນກສາທານະຄອນຫຼວງວຽງຈັນຈະໄດ້ເລັ່ງໃສ່ປ້ອງກັນພະຍາດຕິດແປດຕ່າງໆທີ່ອາດຈະເກີດຂຶ້ນ, ໂດຍໄດ້ຈັດຕັ້ງໜ່ວຍບໍລິການດ້ານສຸຂະພາບມວນຊົນຜູ້ມາທ່ຽວຊົມງານບຸນ ແລະ ຊາວຄ້າຂາຍເມື່ອມີກໍລະນີໃດໜຶ່ງເກີດຂຶ້ນ, ພ້ອມເຮັດໜ້າທີ່ໂຄສະນາການໃຫ້ມວນຊົນເອົາໃຈໃສ່ປະຕິບັດຫຼັກການອະນາໄມ
3 ສະອາດຫຼາຍຂຶ້ນ ແລະ
ເຮັດໜ້າທີ່ກວດກາສິນຄ້າເຄື່ຶອງອຸປະໂພກຕ່າງໆທີ່ນຳເຂົ້າມາຈຳໜ່າຍໃນງານບຸນໃຫ້ມີຄວາມປອດໄພ, ໂດຍສະເພາະແມ່ນອາຫານ, ເຄື່ອງດື່ມ ແລະ ໝາກໄມ້ປະເພດຕ່າງໆ.
ຮອງຫົວໜ້າພະແນກດັ່ງກ່າວໃຫ້ຮຸູ້ອີກວ່າ: ໃນງານບຸນປີຜ່ານມາເຫັນວ່າຍັງມີການຈຳໜ່າຍ ອາຫານການກິນຈຳນວນໜຶ່ງທີ່ບໍ່ຖືກຕາມຫຼັກອະນາໄມຢູ່ໃນງານບຸນໃຫ່ຍຕ່າງໆເຊັ່ນ:
ການວາງຂາຍອາຫານຕ້ອງສູງຈາກໜ້າດິນຢ່າງໜ່ອຍ 60 ຊັງຕີແມັດເພື່ອຫຼີກເວັ້ນສະພາບຂີ້ຝຸ່ນ, ຫ້າມນຳເອົາເຈ້ຍທີ່ໃຊ້ງານແລ້ວມາຫໍ່ອາຫານ ແລະ ການນຳໃຊ້ສານກັນບູດໃນອາຫານ, ບາງຮ້ານຍັງນຳເອົາສິນຄ້າລອກຮຽນແບບ, ສິນຄ້າໝົດອາຍຸການໃຊ້ງານເສຍຄຸນມາຈຳໜ່າຍໃນງານບຸນກໍມີ, ໂດຍສະເພາະແມ່ນອາຫານ ແລະ ເຄື່ອງດື່ມບາງຊິະນິດ, ດັ່ງນັ້ນ ຈຶ່ງເຕືອນມາຍັງມວນຊົນ ແລະ ຜູ້ບໍລິໂພກທັງຫຼາຍຈົ່ງມີສະຕິລະວັງຕົວໃນການເລືອກຊື້, ເລືອກບໍລິໂພກອາຫານ ແລະ ເຄື່ອງດຶ່ມຕ່າງໆເພື່ອຄວາມປອດໄພດ້ານສຸຂະພາບ.
No comments:
Post a Comment