ວັນທີ
23 ຕຸລານີ້, ຢູ່ຫ້ອງການປົກຄອງນະຄອນຫຼວງວຽງຈັນ, ໄດ້ມີຫຼາຍບໍລິສັດ ຫ້າງຮ້ານ ມາມອບເງິນສະໜັບສະໜູນການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີທີ່ທ່ວັດຈັນປີນີ້ເປັນຈຳນວນຫຼາຍຄື: ບໍລິສັດ ເບຍລາວ 521 ລ້ານກີບ, ບໍລິສັດ ຟ້າພັດທະນາ 15 ລ້ານກີບ, ບໍລິສັດ ເພັດບັນດິດກໍ່ສ້າງ 10 ລ້ານກີບ, ບໍລິສັດ ໂຕໂຍຕ້າລາວທານີ
10 ລ້ານກີບ, ບໍລິສັດ CP 10 ລ້ານກີບ, ບໍລິສັດ ຜະລິດໄຟຟ້າມະຫາຊົນ 5 ລ້ານກີບ, ບໍລິສັດ ລາວໂຕໂຍຕ້າບໍລິການ 5 ລ້ານກີບ, ບໍລັດສັດ ເອເຊຍລົງທຶນ 5 ລ້ານກີບ, ຕະຫຼາດເຊົ້າຊ໋ອບປີ້ງມໍ 3 ລ້ານກີບ, ນອກນັ້ນຍັງມີບໍລິສັດ ຄູໂບຕ້າ, ບໍລິສັດ ຄຳໄພຊະນະກໍ່ສ້າງ ແລະ ອີກຫຼາຍບໍລິສັດຫ້າງຮ້ານທີ່ໃຫ້ການສະໜັບສະໜູນການຈັດງານບຸນດັ່ງກ່າວມີບັນຍາກາດຟົດຟື້ນ.
ປະທານຈັດງານບຸນດັ່ງກ່າວໃຫ້ຮູ້ວ່າ: ດັ່ງທີ່ພວກເຮົາຮູ້ນຳກັນແລ້ວວ່າບຸນອອກພັນສາ
ແລະ ຊ່ວງເຮືອປະເພນີປະຈຳປີທີ່ທາວັດຈັນເປັນປາງບຸນໃຫຍ່, ຊຶ່ງຕ້ອງໃຊ້ງົບປະມານເປັນຈຳນວນຫຼາຍໃນການຈັດ ແລະ ອາໃສ່ພຽງງົບປະມານ
ຂອງນະຄອນຫຼວງພຽງຢ່າງດຽວນັ້ນແມ່ນບໍ່ພຽງພໍ, ດັ່ງນັ້ນການປະກອບສ່ວນຊ່ວຍເຫຼືອສະໜັບສະໜູນຂອງບັນດາບໍລິສັດຫ້າງຮ້ານຕ່າງຄືດັງກ່າວນັ້ນແມ່ນສຳຄັນຫຼາຍ, ເພື່ອປະກອບສ່ວນເຂົ້າໃນການຈັດງານບຸນດັ່ງກ່າວຄັ້ງນີ້ໃຫ້້ດຳເນີນໄປດ້ວຍຄວາມເບີກບານມວນຊື່ນ ແລະ ມີບັນຍາກາດຟົດຟື້ນ, ເພື່ອຄຳນັບຮັບຕ້ອນວັນຊາດວັນທີ 2 ທັນວາຄົບຮອບ 40 ໃຫ້ມີຄວາມໝາຍສຳຄັນຍິ່ງຂຶ້ນ.
No comments:
Post a Comment