ໃນວັນທີ 6 ຕຸລານີ້, ຢູ່ກະຊວງວິທະຍາສາດ ແລະ ເຕັກໂນໂລຊີ, ໄດ້ມີກອງປະຊຸມເຜີຍແຜ່ຄວາມຮູ້ກ່ຽວກັບວຽກງານລິຂະສິດໃຫ້ຜູ້ປະກອບການຕ່າງໆທີ່ມີຜົນງານການປະດິດແຕ່ງ, ຄ້າຍເພງ ແລະ ຕົວແທນຈົດທະບຽນຊັບສີນທາງປັນຍາ, ໂດຍການເປັນປະທານຂອງທ່ານ ມາຄະ ຈັນທະລາ ຫົວໜ້າກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ, ເພື່ອໃຫ້ຜູ້ເຂົ້າຮ່ວມເຫັນໄດ້ຄວາມສໍາຄັນໃນການຄຸ້ມຄອງ ແລະ ປົກປ້ອງຜົນງານຂອງຕົນເອງທີ່ໄດ້ສ້າງ ແລະປະດິດຄິດແຕ່ງຂຶ້ນມາ ໂດຍສະເພາະ ລະບຽບການທີ່ພົວພັນກັບວຽກງານຄຸ້ມຄອງ, ການປົກປ້ອງລິຂະສິດ ແລະ ສິດກ່ຽວຂ້ອງກັບລິຂະສິດ, ການບໍລິຫານ ແລະ ຄຸ້ມຄອງລິຂະສິດແບບລວມໝູ່ ແລະ ຮັບຮູ້ເຖິງສິດຂອງຕົນເອງແມ່ນຫຍັງ, ກົດໝາຍໄດ້ໃຫ້ສິດແນວໃດກ່ຽວກັບນັກປະດິດຄິດແຕ່ງ, ນັກສ້າງສັນຜົນງານທາງດ້ານສິລະປະກຳ, ວັນນະກຳ, ດ້ານວິທະຍາສາດ ແລະ ເອກະສານທີ່ນຳມາເຜີຍແຜ່ຄັ້ງນີ້ປະກອບມີ: ກົດໝາຍວ່າດ້ວຍຊັບສິນທາງປັນຍາ, ລະບຽບການປົກປ້ອງວຽກງານລິຂະສິດ ແລະ ສິດກ່ຽວຂ້ອງກັບລິຂະສິດ, ບົດບາດຄວາມສຳຄັນຂອງສະມາຄົມບໍລິຫານ-ຄຸ້ມຄອງລິຂະສິດແບບລວມໝູ່ ແລະ ລະບຽບການທີ່ກ່ຽວຂ້ອງອື່ນໆອີກ.
No comments:
Post a Comment