ທ່ານ
ປ້ານ ນ້ອຍມະນີ ປະທານສູນກາງສະຫະພັນກຳມະບານລາວ, ໄດ້ຖະແຫລງຕໍ່ສື່ມວນຊົນໃນວັນທີ 7 ຕຸ ລານີ້ວ່າ:ກອງປະຊຸມໃຫຍ່ຄັ້ງທີ VII ຂອງຜູ້ແທນສະຫະພັນກຳມະບານລາວທົ່ວປະເທດຈະໄຂຂຶ້ນຢ່າງເປັນທາງການໃນລະຫວ່າງວັນທີ 14-15 ຕຸລານີ້ຢູ່ນະຄອນຫລວງວຽງຈັນ, ເຊິ່ງຈະມີຜູ້ແທນສົມບູນຫລາຍກວ່າ 400 ຄົນທີ່ຕາງໜ້າສະມາຊິກກຳມະບານລາວໃນທົ່ວປະເທດຫລາຍກວ່າ 184 ພັນຄົນເຂົ້າຮ່ວມ.
ກອງປະຊຸມດັ່ງກ່າວຈະໄດ້ຄົ້ນຄວ້າ ແລະ ຕົກລົງຫລາຍບັນຫາສຳຄັນຄື: ຜ່ານຮ່າງບົດລາຍງານການເມືອງການຈັດຕັ້ງມະຕິກອງປະຊຸມໃຫຍ່ຜູ້ແທນສະຫະພັນກຳມະບານລາວທົ່ວປະເທດຄັ້ງທີ VII ແລະ ວາງທິດທາງແຜນການໃນ
5 ປີ
ໃນຕໍ່ໜ້າ, ຄົ້ນຄວ້າ ແລະ ຮັບຮອງເອົາແຜນຍຸດທະສາດການພັດທະນາກຳມະບານລາວແຕ່ປີ
2016-2020 ແລະ ແຕ່ປີ
2020-2025 ແລະ ວິໄສທັດໃນການພັດທະນາກຳມະບານລາວເຖິງປີ
2030,
ຮັບຮອງເອົາຮ່າງກົດລະ ບຽບສະບັບປັບປຸງຂອງສະຫະພັນກຳມະບານລາວສະໄໝທີ
VII ແລະ ຮັບຮອງເອົາຮ່າງຂໍ້ແຂ່ງຂັນ 2 ດີ
5 ເປັນເຈົ້າສະບັບປັບປຸງ, ສຳຫລວດກວດກາການຊີ້ນຳ-ນຳພາຂອງຄະນະບໍລິຫານງານສະໄໝທີ
VI ແລະ ເລືອກຕັ້ງເອົາຄະນະບໍລິຫານງານສູນກາງສະຫະພັນກຳມະບານສະໄໝທີ
VII. ນອກນັ້ນ ຍັງຈະໄດ້ຮັບຟັງການໂອລົມຈາກກົມການເມືອງສູນກາງພັກເພື່ອເປັນທິດໃນການພັດທະນາສະຫະພັນກໍາມະບານລາວໃນຕໍ່ໜ້າອີກດ້ວຍ.
No comments:
Post a Comment