ທ່ານນາຍົກລັດຖະມົນຕີ ທອງສິງ ທໍາມະວົງ ໄດ້ເນັ້ນໃຫ້ທຸກຂະ ແໜງການຈົ່ງໄດ້ກະກຽມຄວາມພ້ອມໃນໜ້າທີ່ຮັບຜິດຊອບຂອງຕົນໃຫ້ດີເພື່ອກະກຽມສະເຫລີມສະຫລອງວັນປະຫວັດສາດສໍາຄັນຂອງຊາດ
ແລະ ເຫດການສໍາຄັນອື່ນໆທີ່ຈະມີຂຶ້ນໃນຕໍ່ໜ້ານີ້.
ການເນັ້ນຕໍ່ບັນຫາດັ່ງກ່າວມີຂຶ້ນໃນລະຫວ່າງການໂອ້ລົມຊີ້ນໍາຕໍ່ກອງປະຊຸມຄະນະລັດຖະບານປະຈໍາເດືອນພະຈິກ 2015 ຂອງທ່ານນາຍົກລັດຖະມົນຕີ, ເຊິ່ງທ່ານໄດ້ກ່າວວ່າ:
ແຕ່ນີ້ຮອດເດືອນທັນວາ 2015 ຈະມີຫລາຍວຽກ ແລະ ຫລາຍເຫດການສາຄັນຂອງຊາດ,
ໂດຍສະເພາະແມ່ນການກະກຽມສະເຫລີມສະຫລອງວັນຊາດທີ 2 ທັນວາຄົບຮອບ 40 ປີ, ເຊິ່ງໃນໂອກາດດັ່ງກ່າວກໍມີບຸນພະທາດຫລວງ,
ບຸນປີໃໝ່ສາກົນ,ການຈັດງານວາງສະແດງສີນຄ້າວຽງຈັນ
2015, ການໂຮມຊຸມນຸມໃຫຍ່, ການສວນສະໜາມຂອງກ້ອນກໍາລັງຕ່າງໆ,
ການຕ້ອນຮັບແຂກການນໍາຂັ້ນຈາກຕ່າງ
ປະເທດທີ່ຈະມາຢ້ຽມຢາມ, ຈຶ່ງສະເໜີໃຫ້ທຸກພາກສ່ວນເອົາໃຈໃສ່ກະກຍມໃຫ້ດີເປັນຕົ້ນດ້ານ
ເນື້ອໃນ, ບັນຫາຄວາມເປັນລະບຽບຮຽບຮ້ອຍໃນສັງຄົມ,
ຄວາມສະຫງົບປອດໄພຮອບດ້ານ ແລະການປະດັບປະດາຕົບແຕ່ງດ້ວຍທຸງຊາດ, ທຸງພັກ, ທຸງທິວ, ຕິດຕັ້ງດອກໄຟປະດັບປະດາປ້າຍຄໍາຂວັນຕາມຕົວເມືອງກໍຄືສໍານັກງານ,
ອົງການໃຫ້ມີຄວາມສະອາດຈົບງາມ, ອັນສໍາຄັນແມ່ນເຮັດໃຫ້ງານສະເຫລີມສະຫລອງຄັ້ງນີ້ມີບັນຍາກາດທີດີ
ແລະ ມີຜົນສໍາເລັດຈົບງາມ.
No comments:
Post a Comment