ວັນທີ
18 ທັນວານີ້, ເມືອງສີສັດຕະນາກໄດ້ຈັດກອງປະຊຸມສະຫຼຸບຕີລາຄາການຈັ້ດຕັ້ງປະຕິບັດວຽກງານປ້ອງກັນ ແລະ ສະກັດກັ້ນພະຍາດໄຂ້ເລືອດອອກປະຈຳປີ 2015 ຂຶ້ນທີ່ຫ້ອງການປົກຄອງເມືອງດັ່ງກ່າວ, ໂດຍໄດ້ຕີລາຄາວ່າ: ດ້ວຍຄວາມເອົາໃຈໃສ່ຂອງອຳນາດການປົກຄອງ, ກໍຄືໜ່ວຍງານສາທາລະນະສຸກເມືອງ ແລະ ປະຊາຊົນໃນການປ້ອງກັນ ແລະ ສະກັດກັ້ພະຍາດໄຂ້ເລືອດອອກຈຶ່ງເຮັດໃຫ້ປີຜ່ານມານີ້ເມືອງສີສັດຕະນາກບໍ່ມີການລະບາດຂອງພະຍາດໄຂ້ເລືອດອອກ, ມີພຽງຈຳນວນຜູ້ຕິດເຊື້ອສະສົມ 13 ກໍລະນີີ້, ໃນໂອກາດດັ່ງກ່າວທ່ານຮອງຫົວໜ້າພະແນກສາທາລະນະສຸກນະຄອນຫຼວງວຽງຈັນໄດ້ສະແດງຄວາມຊົມເຊີຍຕໍ່ເມືອງສີສັດຕະນາກທີ່ຈັດຕັ້ງປະຕິບັດວຽກງານດັ່ງກ່າວ, ໂດຍສະເພາະແມ່ນ
ຄວາມເປັນເຈົ້າການມີສ່ວນຮ່ວມຂອງປະຊາຊົນ, ແຕ່ເຖິງຢ່າງໃດກໍດີທ່ານໄດ້ເນັ້ນໃຫ້ເມືອງດັ່ງກ່າວສືບຕໍ່ຈັດຕັ້ງວຽກງານດັ່ງກ່າວໃຫ້ມີປະສິດທິຜົນ, ໂດຍຖືເອົາການປະຕິບັດຕາມຄຳຂວັນ 5 ປ ທີ່ກະຊວງວາງອອກຢ່າງເຂັ້ມງວດ, ພ້ອມທັງຂະຫຍາຍທະນາຄານການລ້ຽງປາຫາງນົກຍຸງໃຫ້ບັນລຸຕາມເປົ້າໝາຍ 1 ເມືອງໜຶ່ງແສນໂຕ,
ແລະ ສືບຕໍ່ເຮັດສັນຍານຳຄອບຄົວຂອງປະຊາຊົນເພື່ອເຮັດແນວໃດບໍ່ໃຫ້ມີການລະບາດຂອງພະຍາດດັ່ງກ່າວ.
No comments:
Post a Comment