ງານໂຮມຊຸມນຸມໃຫຍ່ສະເຫລີມສະຫລອງວັນຄ້າຍວັນເກີດປະທານ ໄກສອນ ພົມວິຫານ
ຄົບຮອບ
95 ປີ
(13/12/1920-13/12/2015) ໄດ້ຈັດຂຶ້ນທີ່ແຂວງສະຫວັນນະເຂດ ເຊິ່ງເປັນບ້ານເກີດເມືອງນອນຂອງເພິ່ນ ໃນເຊົ້າວັນທີ 13 ທັນວານີ້ ໂດຍການເຂົ້າຮ່ວມຂອງທ່ານ ສົມສະຫວາດ ເລັ່ງສະຫວັດກຳມະການກົມການເມືອງສູນກາງພັກ, ຮອງນາຍົກລັດຖະມົນຕີແຫ່ງ ສປປ ລາວ,
ທ່ານລັດຖະມົນຕີກະຊວງແຜນການ ແລະ ການລົງທຶນ, ທ່ານເຈົ້າແຂວງສະຫວັນນະເຂດ ພ້ອມນາຍ ແລະ ພົນທະຫານ, ຕຳຫລວດ
ແລະ ມວນຊົນຊາວແຂວງສະຫວັນນະເຂດເຂົ້າຮ່ວມເປັນຈຳນວນຫລາຍ.
ໃນບົດປາໄສຂອງທ່ານ ສຸພັນ ແກ້ວມີໄຊ
ເລຂາພັກແຂວງ, ເຈົ້າແຂວງສະຫວັນນະເຂດໄດ້ສະແດງຄວາມຮູ້ບຸນຄຸນຢ່າງລົ້ນເຫລືອຕໍ່ຄຸນງາມຄວາມດີອັນໃຫຍ່ຫລວງຂອງປະທານ ໄກສອນ ພົມວິ ຫານ ທີ່ມີຕໍ່ປະເທດຊາດ ແລະ ປະຊາຊົນລາວບັນດາເຜົ່າ. ທ່ານເຈົ້າແຂວງຢືນຢັນວ່າ:
ປະທານ ໄກ ສອນ
ພົມວິຫານ ເປັນຜູ້ນຳທີ່ແສນເຄົາລົບຮັກຂອງປະຊາຊົນລາວບັນດາເຜົ່າ, ເພິ່ນເປັນຜູ້ໃຫ້ກຳເນີດພັກປະຊາຊົນປະຕິວັດລາວ, ເປັນຄົນປີຊາສາມາດສະຫລາດສ່ອງໃສກ້າຫານເດັດຂາດໃນການນຳພາ, ມີຄຸນສົມບັດສິນທຳປະຕິວັດອັນສູງສົ່ງ, ມີຄວາມຮູ້ຢ່າງເລິກເຊິ່ງໃນຫລາຍສາຂາວິຊາ, ມີສະຕິປັນຍາອັນລ້ຳເລີດແຫລມຄົມ, ສະດຸ້ງໄວ ແລະ ມີພິກໄຫວຮອບຮູ້ທັນໂລກ, ທັນເຫດການ ແລະ ເລ່ຫລ່ຽມກົນອຸບາຍຂອງສັດຕູ, ເພິ່ນໄດ້ອຸທິດເລືອດເນື້ອ ແລະ ພູມປັນຍານຳພາການປະຕິວັດລາວກ້າວຂຶ້ນປົດປ່ອຍຊາດ ແລະ ປະຊາຊົນໃຫ້ຫລຸດພົ້ນອອກຈາກແອກຄອບຄອງຂອງຈັກກະພັດຜູ້ຮຸກຮານໄດ້ຢ່າງມີໄຊ,
ສະຖາປະນາປະເທດຊາດເປັນສາທາລະນະລັດ ປະຊາທິປະໄຕ ປະຊາຊົນລາວ ຢ່າງສົມບູນໃນວັນທີ 2 ທັນວາ 1975.
ທ່ານເຈົ້າແຂວງກ່າວວ່າ: ຜົນງານ ແລະ ຄຸນງາມຄວາມດີອັນຍິ່ງໃຫຍ່ ແລະ ວິລະກຳອັນລ້ຳເລີດ ແລະຄຸນສົມບັດສິນທຳປະຕິວັດອັນປະເສີດຂອງປະທານ ໄກສອນ ພົມວິຫານ ໄດ້ກາຍເປັນຕົວແບບ ແລະສັນຍາລັກແຫ່ງສັດຈະທຳອຳມະຕະຈະຍັງເບັ່ງບານຫອມຫວນສະຖິດສະຖານຢູ່ໃນຄວາມຊົງຈຳ
ແລະຜູກພັນແນບແໜ້ນເໝືອນກາຍອິນຊີຄືຊີວິດ ແລະ ເລືອດເນື້ອຢູ່ໃນດວງໃຈຂອງປະຊາຊົນລາວບັນດາເຜົ່າ, ເວົ້າສະເພາະກໍແມ່ນຊາວແຂວງສະຫວັນນະເຂດພ້ອມທັງຈະຈາລຶກລະນຶກໄວ້ເປັນອານຸສອນຂອງປະເທດຊາດ ແລະ ແຜ່ນດິນທີ່ສັກກາລະນີ້ຕໍ່ໄປຊົ່ວນິລັນດອນ.
ເນື່ອງໃນໂອກາດລະນຶກວັນຄ້າຍວັນເກີດປະທານ ໄກສອນ ພົມວິຫານ
ຄົບຮອບ
95 ປີນີ້, ພັກ-ລັດເຮົາກໍໄດ້ຈັດຕັ້ງຫລາຍກິດຈະກຳຄືຢູ່ເມືອງວຽງໄຊ
ແຂວງຫົວພັນທີ່ໝັ້ນຂອງການປະຕິວັດໃນເມື່ອກ່ອນ ເຊິ່ງເປັນບ່ອນທີ່ປະທານ ໄກສອນພົມວິຫານ ໄດ້ອາໄສຢູ່ ແລະ ຊີ້ນຳ-ນຳພາຂະບວນການປະຕິວັດລາວໃນເມື່ອກ່ອນກໍໄດ້ຈັດຕັ້ງການສະເຫລີມສະຫລອງຢ່າງຍິ່ງໃຫຍ່ ແລະມີຄວາມໝາຍບົນຈິດໃຈຕາມຮອຍປະທານ ໄກສອນ ພົມວິຫານ.
No comments:
Post a Comment