ໃນໂອກາດໂອ້ລົມຕໍ່ກອງປະຊຸມຜູ້ຊົງຄຸນວຸດທິທົ່ວປະເທດຂອງສະຫາຍເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ,
ປະທານປະເທດ ຈູມມາລີ ໄຊຍະສອນ
ໃນວັນທີ 30 ພະຈິກນີ້, ທີ່ຫໍປະຊຸມແຫ່ງຊາດ, ຊຶ່ງສະຫາຍໄດ້ເນັ້ນວ່າ: ໃນຕໍ່ໜ້ານີ້, ຂໍຮຽກຮ້ອງໃຫ້ຄະນະຜູ້ແທນຊົນເຜົ່າກໍຄືຜູ້ຊົງຄຸນວຸດທິໃນທົ່ວປະເທດຈົ່ງສືບຕໍ່ເອົາໃຈໃສ່ເສີມຂະຫຍາຍມູນເຊືອຄວາມສາມັກ ຄີຂອງປະຊາຊົນບັນດາເຜົ່າໃຫ້ໜັກແໜ້ນກວ່າເກົ່າຄື: (1) ສືບຕໍ່ເພີ່ມທະວີສ້າງຄວາມສາມັກຄີເປັນເອກະພາບປຶກແຜ່ນ ແລະຄວາມປອງດອງພາຍໃນຊາດພາຍໃຕ້ການນຳພາຂອງພັກເພື່ອເປັນເງື່ອນໄຂໃຫ້ແກ່ການສ້າງສາພັດທະນາປະເທດຊາດ ແລະຄວາມສະຫງົບຂອງສັງຄົມ, ຊຶ່ງບັນດາຜູ້ຊົງຄຸນວຸດທິແຕ່ລະຂົງເຂດປຽບເໝືອຄັນທຸງເຕົ້າໂຮມຄວາມສາມັກຄີໃນເຊື້ອເຜົ່າວົງຕະກຸນ, ຊຸມຊົນ ແລະ ອົງການຂອງຕົນ, ທັງເປັນພື້ນຖານໃຫ້ແກ່ການເຕົ້າໂຮມຄວາມສາມັກຄີຊົນເຜົ່າ, ສາສະໜາ ແລະ
ຊັ້ນຄົນໃນທົ່ວສັງຄົມ. (2) ກຽມພ້ອມສູ່ບາດລ້ຽວໃໝ່ໃນການພັດທະນາຕາມທິດຍືນຍົງ, ໂດຍສຸມໃສ່ການແກ້ໄຂຄວາມທຸກຍາກຂອງປະຊາຊົນ ແລະນຳພາປະເທດຊາດຫຼຸດພົ້ນອອກຈາກສະຖານະພາບດ້ອຍພັດທະນາ, ເຊື່ອມໂຍງກັບສາກົນ ແລະ ພາກພື້ນ, ຊຶ່ງຜູ້ຊົງຄຸນວຸດທິມີຄວາມສຳຄັນຫຼາຍໃນການສະໜັບສະໜູນການເຂົ້າຮ່ວມຈັດຕັ້ງປະຕິບັດນະໂຍບາຍລວມຂອງພັກ-ລັດ, ໂດຍສະເພາະແມ່ນການໂຄສະນາ, ຊຸກຍູ້ປຸກລະດົມປະຊາຊົນບັນດາເຜົ່າຫັນປ່ຽນແບບແຜນການດຳລົງຊີວິດ, ວິທີການທຳມາຫາກິນຕິດພັນກັບວິທະຍາສາດ, ວິທະຍາການອັນໃໝ່, ປົກປັກຮັກສາສິ່ງແວດລ້ອມ, ປັງປຸງຊີວິດການເປັນຢູ່ຂອງເຂົາເຈົ້າໃຫ້ນັບມື້ດີຂຶ້ນ.(3) ປົກປັກຮັກສາ ແລະ ເສີມຂະຫຍາຍວັດທະນະທຳ, ຮີດຄອງປະເພນີອັນດີງາມຂອງຊາດ ແລະ ຂອງເຜົ່າຕິດພັນກັບການຍົກລະດັບການສຶກສາ ແລະ ການພັດທະ ນາຊັບພະຍາກອນມະນຸດ,
ໂດຍສະເພາະແມ່ນໃນຂົງເຂດຊົນນະບົດ, ຊົນເຜົ່າ, ຊຶ່ງຜູ້ຊົງຄຸນວຸດທິຈາກເຂດແຂວງ, ເຜົ່າຊົນ ແລະຊັ້ນຄົນຕ່າງໆລ້ວນແຕ່ມີບົດບາດສຳຄັນໃນພາລະກິດອະນຸລັກຮັກສາ ແລະ ເສີມຂະຫຍາຍວັດທະນະທຳຂອງຊາດ ແລະ ຂອງເຜົ່າ, ພ້ອມກັນນັ້ນ, ກໍຍັງເປັນເໝືອນທຶນຮອນ ແລະ ແບບຢ່າງໃນການປຸກລະດົມຄວາມຕື່ນຕົວ ແລະ ຄວາມກະຕືລືລົ້ນຂອງລູກຫຼານໃນບັນດາເຜົ່າໃຫ້ເອົາໃຈໃສ່ຮ່ຳຮຽນ, ພັດທະນາຍົກລະດັບການສຶກສາ, ການປະກອບອາຊີບຕາມແບບຢ່າງທີ່ດີເດັ່ນຂອງພວກທ່ານ.(4) ສືບຕໍ່ເພີ່ມທະວີການແກ້ໄຂບັນຫາຫຍໍ້ທໍ້ຕ່າງໆເຊັ່ນ: ຢາເສບຕິດ, ການຄ້າຂາຍຜິດການໝາຍ, ການຄ້າມະນຸດ, ຄວາມບໍ່ປອດໄພໃນຊີວິດ ແລະ ຊັບສິນຂອງປະຊາຊົນ ແລະ ບັນຫາອາດຊະຍາກຳອື່ນໆ, ຊຶ່ງບັນດາຜູ້ຊົງຄຸນວຸດທິຄືຜູ້ຮັກສາບົດບາດອັນໂດດເດັ່ນໃນການສຶກສາອົບ
ຮົມ, ການໃຫ້ຄຳປຶກສາຫາລື ແລະ ເຂົ້າຮ່ວມໃນການໄກ່ເກ່ຍຂໍ້ຂັດແຍ່ງຫຼືຄະດີຕ່າງໆຢູ່ຮາກຖານ. (5)ເອົາໃຈໃສ່ວຽກງານສ້າງບ້ານພັດທະນາຕິດພັນກັບການກໍ່ສ້າງຮາກຖານການເມືອງໃຫ້ເຂັ້ມແຂງຕາມທິດ 3 ສ້າງ, ຊຶ່ງຜູ້ຊົງຄຸນວຸດທິ,
ນັບທັງຜູ້ເຖົ້າຜູ້ແກ່ທີ່ມີບົດບາດຢູ່ບ້ານ ແລະ ຊຸມຊົນ, ອະດີດພະນັກງານອາວຸໂສບຳນານ, ຜູ້ທີ່ເຄື່ອນໄຫວທາງສັງຄົມ, ຈົນຮອດຜູ້ປະກອບການຕ່າງໆໃນວຽກທີ່ກ່າວມານັ້ນລ້ວນແຕ່ເປັນປັດໄຈສຳຄັນເພື່ອສ້າງບ້ານໃຫ້ກາຍເປັນຫົວໜ່ວຍພັດທະນາອັນແທ້ຈິງຕາມຈິດໃຈ 3 ສ້າງ. (6) ສ້າງລັດທີ່ປົກຄອງດ້ວຍກົດໝາຍ ແລະ ຮັບປະກັນຄວາມຍຸດຕິທຳໃນສັງຄົມ, ນີ້ເປັນບັນຫາທີ່ສຳຄັນຕິດພັນກັບການປັບປຸງລະບົບການຈັດຕັ້ງລັດປັບປຸງລັດຖະທຳມະນູນສະບົບປີ 2003 ທີ່ກຳລັງດຳເນີນຢູ່ ແລະ ເຊື້ອໝັ້ນວ່າຜູ້ຊົງຄຸນວຸດທິທັງຫຼາຍຈະເປັ້ນເຈົ້າການເຂົ້າຮ່ວການຈັດ
ຕັ້ງຕ່າງໆ, ທັງປະກອບຄຳຄິດເຫັນ, ຕິດຕາມຊຸກຍູ້ການປະຕິບັດໜ້າທີ່ຕາມກົດໝາຍຂອງອົງການຈັດຕັ້ງຕ່າງໆຢ່າງເຂັ້ມງວດ.
ໃນຕອນບ່າຍຂອງມື້ດຽວກັນຄະນະຜູ້ແທນຜູ້ຊົງຄຸນວຸດທິໄດ້ໄປຢຽມຊົມເຂດເສດຖະກິດສະເພາະບຶງທາດຫຼວງ, ຊຶ່ງເປັນໂຄງການພັດທະນາຂະໜາດໃຫຍ່ເຂດໜຶ່ງທີ່ມີຄວາມໂດດເດັ່ນຢູ່ນະຄອນ ຫຼວງວຽງຈັນທີ່ພວມເລັ່ງດຳເນີນການກໍ່ສ້າງໃນປັດຈຸບັນ.
No comments:
Post a Comment