ທ່ານລັດຖະມົນຕີວ່າການກະຊວງພະລັງງານ ແລະ ບໍ່ແຮ່ ດຣ ຄໍາມະນີ ອິນທິລາດ ໃຫ້ຮູ້ວ່າ: ພິທີອັນມີຄວາມໝາຍສໍາຄັນນີ້ໄດ້ຈັດຂຶ້ນໃນທ່າມກາງທີ່ທົ່ວພັກ, ທົ່ວປວງຊົນລາວທັງຊາດພວມກະ ກຽມໃຫ້ແກ່ການສະເຫລີມສະຫລອງວັນສະຖາປະນາ
ສາທາລະນະລັດປະຊາທິປະໄຕ ປະຊາຊົນລາວ ຄົບຮອບ 40 ປີໃຫ້ມີບັນຍາກາດຟົດຟື້ນ ແລະ ສໍາລັບໂຄງການພັດທະນາກໍ່ສ້າງເຂື່ອນໄຟຟ້າຕາມສາຍນໍ້າອູແມ່ນມີທັງໝົດ 7 ເຂື່ອນທີ່ນອນໃນແຜນແມ່ບົດການພັດທະນາລະບົບໄຟຟ້າຂອງລາວ, ໂດຍໄດ້ແບ່ງອອກຄື: ໄລຍະທີ
1 ປະກອບມີ 3 ໂຄງການຄື: ເຂື່ອນນໍ້າອູ 2 ແຂວງຫລວງພະບາງ, ນໍ້າອູ 5 ແລະ ນໍ້າອູ 6 ແຂວງຜົ່ງສາລີ, ຊຶ່ງມີກໍາລັງຕິດຕັ້ງທັງໝົດ 540 ເມກາວັດ, ສາມາດຜະລິດພະລັງງານໄຟຟ້າສະເລ່ຍໄດ້ປະມານ 2.334 ລ້ານກິໂລວັດໂມງຕໍ່ປີ ແລະ ໄລຍະທີ 2 ປະກອບມີ: ເຂື່ອນນໍ້າອູ 1,3,4 ແລະ 7, ຊຶ່ງມີກໍາລັງຕິດຕັ້ງທັງໝົດ 732 ເມກາວັດ ແລະ ສາມາດຜະລິດກະແສໄຟຟ້າໄດ້ປະມານ 2.862 ລ້ານກິໂລວັດໂມງຕໍ່ປີ, ມີມູນຄ່າການກໍ່ສ້າງທັງໝົດປະມານ 2.800 ລ້ານໂດລາສະຫະລັດ, ໂດຍແມ່ນການລົງທຶນຂອງຕ່າວປະເທດໃນຮູບແບບ(BOT) ແລະ ມີໄລຍະສໍາປະທານທັງໝົດ 29 ປີ,
ເຊິ່ງໂຄງການດັ່ງກ່າວຄາດວ່າຈະໄດ້ຮັບການພັດທະນາໃນໄວໆນີ້.
ການເປີດການຜະລິດກະແສໄຟຟ້າເຄື່ອງຈັກໜ່ວຍທີ 1 ຂອງເຂື່ອນໄຟຟ້ານໍ້າອູ
2 ນີ້ແມ່ນບາດ ກ້າວເລີ່ມຕົ້ນຂອງການສະໜອງກະແສໄຟຟ້າໃຫ້ແກ່ການຊົມໃຊ້ພາຍໃນໄດ້ໃນລະດັບໜຶ່ງເພື່ອປະ
ກອບສ່ວນສໍາຄັນເຂົ້າໃນການພັດທະນາເສດຖະກິດ-ສັງຄົມຂອງທ້ອງຖິ່ນເພື່ອຫລຸດຜ່ອນຄວາມທຸກຍາກຂອງປະຊາຊົນ ແລະ ຫລຸດຜ່ອນການນໍາເຂົ້າໄຟຟ້າຈາກປະເທດໃກ້ຄຽງລົງເທື່ອລະກ້າວ.
ທ່ານລັດຖະມົນຕີວ່າການກະຊວງພະລັງງານ ແລະ ບໍ່ແຮ່ກ່າວວ່າ: ສໍາລັບໂຄງການເຂື່ອນນໍ້າອູແມ່ນໄດ້ມີການກໍ່ສ້າງລະບົບສາຍສົ່ງ 230 ກິໂລໂວນ, ກວມເອົາ
3 ແຂວງຄື: ຫລວງພະບາງ, ອຸດົມໄຊ ແລະ ຜົ້ງສາລີທີ່ຈະລໍາລຽງກະແສໄຟຟ້າໄປສະໜອງໃຫ້ບັນດາແຂວງພາກເໜືອ, ກາງ ແລະ ໃຕ້ ແລະ ສົ່ງອອກຈໍາໜ່າຍໃຫ້ແກ່ຕ່າງປະເທດຈໍານວນໜຶ່ງ ແລະ
ພິເສດໂຄງການດັ່ງກ່າວແມ່ນເພື່ອກະກຽມຄວາມພ້ອມພື້ນຖານໃນການສະໜອງໄຟຟ້າຮັບໃຊ້ໂຄງການກໍ່ສ້າງທາງລົດໄຟລາວ-ຈີນໃນຕໍ່ໜ້າອີກດ້ວຍ.
No comments:
Post a Comment