ຊຸດອົບຮົມໄລຍະສັ້ນເພື່ອຍົກສູງທັກສະການລາຍງານຂ່າວໃຫ້ບັນນາທິການ ແລະ ນັກຂ່າວຈາກຂະແໜງການຕ່າງໆຂອງລາວອ້ອມຂ້າງສູນກາງຫລາຍກວ່າ 40 ຄົນເຂົ້າຮ່ວມ ໄດ້ຈັດຂຶ້ນໃນວັນທີ
21-25 ທັນວານີ້ ໂດຍສະຖາບັນສື່ມວນຊົນ,
ວັດທະນະທຳ ແລະ
ທ່ອງ ທ່ຽວ ເຊິ່ງໄດ້ຮັບການຊ່ວຍເຫລືອຈາກກົມສື່ມວນຊົນ ກະຊວງຖະແຫລງຂ່າວ ແລະ
ສື່ສານ ສສ
ຫວຽດນາມ.
ທ່ານ
ວິໄລທອງ ສີຊານົນ
ຫົວໜ້າສະຖາບັນດັ່ງກ່າວ ໃຫ້ຮູ້ວ່າ: ຕະຫລອດໄລຍະ
4 ວັນຂອງການເຝິກອົບຮົມຈະໄດ້ຮັບຟັງການບັນລະຍາຍບົດຮຽນ ແລະ ປະສົບການຕ່າງໆຂອງນັກວິທະຍາ ກອນຜູ້ມີປະສົບການດ້ານການຂ່າວຈາກ ສສ ຫວຽດນາມ
ເພື່ອນັກຂ່າວ ແລະ
ບັນນາທິການຂ່າວຂອງລາວໄດ້ແລກປ່ຽນບົດຮຽນເພື່ອຍົກສູງທັກສະ ແລະ ຄວາມອາດສາມາດຂອງຕົນໃນການລາຍງານເຫດການໃຫຍ່
ສຳຄັນຕ່າງໆ ນັບທັງຢູ່ພາຍໃນ ແລະ
ສາກົນ ໂດຍສະເພາະແມ່ນໃນສະເພາະໜ້ານີ້ ລາວເຮົາໄດ້ຮັບກຽດເປັນປະທານອາຊຽນເປັນປີທຳອິດຂອງການເຂົ້າຮ່ວມປະຊາຄົມເສດຖະກິດອາຊຽນ ເຊິ່ງຈະມີຫລາຍເຫດການສຳຄັນທີ່ນັກຂ່າວພວກເຮົາຈະໄດ້ເອົາໃຈໃສ່ ແລະ ລາຍງານຂ່າວໃຫ້ວ່ອງໄວຖືກຕ້ອງ ແລະ
ທັນເຫດການ.
ຂ່າວໃຫ້ຮູ້ອີກວ່າ:
ໃນວັນທີ 21 ທັນວານີ້, ກົມສື່ມວນຊົນ ກະຊວງຖະແຫລງຂ່າວ,
ວັດທະ ນະທຳ ແລະ
ທ່ອງທ່ຽວ ກໍໄດ້ຈັດກອງປະຊຸມປຶກສາຫາລືການເພີ່ມທະວີຄຸ້ມຄອງວຽກງານຖະແຫລງຂ່າວ ແລະ ສື່ມວນຊົນຮ່ວມກັບຜູ້ເຮັດວຽກງານດັ່ງກ່າວຈາກແຂວງຕ່າງໆເຂົ້າຮ່ວມຢ່າງພ້ອມພຽງ.
ທ່ານ ປິ່ນປາຖະໜາ
ພັນທະມາລີ ຫົວໜ້າກົມສື່ມວນຊົນ ໃນນາມປະທານກອງປະຊຸມດັ່ງກ່າວ ໃຫ້ຮູ້ວ່າ:
ກອງປະຊຸມຄັ້ງນີ້ເພື່ອແນໃສ່ປັບປຸງການຄຸ້ມຄອງວຽກງານຖະແຫລງຂ່າວ-ສື່ມວນຊົນໃຫ້ມີຄວາມຮັບປະກັນການເຮັດໜ້າທີ່ວຽກງານການເມືອງໃນໄລຍະໃໝ່ໃຫ້ທັນສະໄໝ, ມີຄຸນນະພາບ ແລະ
ມາດຕະຖານ ເພື່ອກະກຽມໃຫ້ແກ່ການເຂົ້າເປັນປະຊາຄົມອາຊຽນໃນສະເພາະໜ້ານີ້ໃຫ້ມີປະສິດທິຜົນ ໂດຍສະເພາະແມ່ນການຄຸ້ມຄອງວຽກງານໂຄສະນາ, ຊ່ອງ ແລະ
ລາຍການໂທລະພາບໃຊ້ສາຍ ແລະ ບໍ່ໃຊ້ສາຍ,
ສິດກ່ຽວກັບລິຂະສິດຕໍ່ຜະລິດຕະພັນດາວທຽມ, ພ້ອມບົດບາດສິດ ແລະ
ໜ້າທີ່ຂອບເຂດການເຄື່ອນໄຫວຂອງນັກຂ່າວໃຫ້ຮັບປະກັນ, ພ້ອມນັ້ນນັກສຳມະນາກອນຍັງຈະໄດ້ເຊື່ອມຊຶມຕື່ມອີກບັນດາກົດໝາຍ ແລະ ນິຕິກຳຕ່າງໆກ່ຽວຂ້ອງກັບວຽກງານຄຸ້ມຄອງສື່ມວນຊົນ ໂດຍສະເພາະແມ່ນຕໍ່ກັບບົດບາດການຄຸ້ມຄອງສື່ແບບໃໝ່ ແລະ ວຽກງານດາວທຽມໃຫ້ມີຄວາມເຂັ້ມແຂງ.
No comments:
Post a Comment