ກອງປະຊຸມອົງຄະນະພັກຫ້ອງວ່າການສູນກາງພັກເນັ້ນຍົກສູງຄວາມອາດສາມາດຂອງຕົນ

ອົງຄະນະພັກຫ້ອງວ່າການສູນກາງພັກໄດ້ຈັດກອງປະຊຸມຂອງຕົນຂຶ້ນໃນວັນທີ 22 ຕຸລານີ້ ໂດຍເປັນກຽດເຂົ້າຮ່ວມຂອງສະ ຫາຍ ບຸນຍັງ ວໍລະຈິດ ກຳມະ ການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດເພື່ອສະຫລຸບຕີລາຄາການເຄື່ອນໄຫວຊີ້ນຳ-ນຳພາ ຂອງອົງຄະນະພັກຫ້ອງວ່າການດັ່ງກ່າວໃນໄລຍະ 5 ປີ ຜ່ານມາ (2010-2015) ແລະ ວາງໜ້າທີ່ຈຸດສຸມໃນຕໍ່ໜ້າ, ພ້ອມໄດ້ປ່ອນບັດຄັດເລືອກເອົາຜູ້ແທນສົມບູນຈຳນວນ 5 ສະຫາຍ ແລະ ສຳຮອງ 2 ສະຫາຍ ເພື່ອເປັນຕົວແທນໃຫ້ແກ່ອົງຄະນະພັກຫ້ອງວ່າການສູນກາງພັກໄປຮ່ວມກອງປະຊຸມຜູ້ແທນທົ່ວປະເທດຄັ້ງທີ X ຂອງພັກ ທີ່ຈະໄຂຂຶ້ນໃນຕົ້ນປີ 2016 ທີ່ຈະມາເຖິງ.

ສະຫາຍ ບຸນຍັງ ວໍລະຈິດ ໄດ້ມີຄຳເຫັນໂອ້ລົມຕໍ່ກອງປະຊຸມວ່າ: ໃນຊຸມປີຕໍ່ໜ້້ານີ້ແມ່ນໄລຍະທີ່ພັກເຮົາສືບຕໍ່ບູລະນະ ແລະ ຈັດຕັ້ງປະຕິບັດແນວທາງປ່ຽນແປງໃໝ່ຮອບດ້ານທີ່ມີຫລັກການຂອງພັກເພື່ອນຳພາທົ່ວສັງຄົມປະຕິບັດ 2 ໜ້າທີ່ຍຸດທະສາດຄືປົກປັກຮັກສາ ແລະ ສ້າງສາປະເທດຊາດ, ນຳເອົາປະເທດຊາດຫລຸດພົ້ນອອກຈາກ ຄວາມດ້ອຍພັດທະນາໃນປີ

ກອງປະຊຸມໃຫຍ່ອົງຄະນະພັກກະຊວງແຮງງານ ແລະ ສະຫວັດດີການສັງຄົມຄັ້ງທີ V ຈະໄຂ ຂຶ້ນໃນວັນທີ 26 ຕຸລານີ້

ທ່ານ ຄຳຂານ ພິນສະຫວັນ ຫົວໜ້າຫ້ອງການກະຊວງແຮງ ງານ ແລະ ສະຫວັດດີການສັງຄົມ ໄດ້ຖະແຫລງໃນວັນທີ 22 ຕຸລານີ້ ວ່າ: ຄະນະພັກກະຊວງແຮງງານ ແລະ ສະຫວັດດີການສັງຄົມພ້ອມ ຈະໄຂກອງປະຊຸມໃຫຍ່ອົງຄະນະ ພັກຄັ້ງທີ V ຂອງຕົນຂຶ້ນໃນວັນທີ 26 ຕຸລານີ້, ທີ່ນະຄອນຫລວງວຽງຈັນ, ໂດຍການກຽມພ້ອມ ທາງດ້ານເນື້ອໃນ, ບຸກຄະລາກອນ, ຂະບວນການຕ່າງໆ, ຊຶ່ງມາຮອດ ປັດຈຸບັນໄດ້ສຳເລັດຕາມແຜນການແລ້ວ ແລະ ຄາດວ່າຈະມີຜູ້ແທນ ສົມບູນເຂົ້າ ຮ່ວມທັງໝົດ 125 ສະ ຫາຍ, ຍິງ 31 ສະຫາຍ.

ກອງປະຊຸມດັ່ງກ່າວ ຈະໄດ້ ພ້ອມກັນຄົ້ນຄວ້າ, ສັງເກດຕີລາຄາ ສະພາບ ການເຄື່ອນໄຫວຊີ້ນຳ-ນຳພາຂອງຄະນະພັກຊຸດເກົ່າໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ IV ຜ່ານມາ, ພ້ອມທັງຊອກ ໃຫ້ເຫັນບັນດາຜົນສຳເລັດເພື່ອສົ່ງ ເສີມ ແລະ ຈຸດອ່ອນ, ຂໍ້ຄົງຄ້າງ ເພື່ອປັບປຸງນອກຈາກນີ້ ບັນດາຜູ້ ແທນຍັງຈະໄດ້ໃຊ້ສິດເລືອກຕັ້ງເອົາຄະນະບໍລິຫານງານພັກຊຸດໃໝ່, ເພື່ອສືບຕໍ່ຊີ້ນຳ-ນຳພາ ຈັດຕັ້ງປະ ຕິບັດມະຕິຂອງກອງປະຊຸມໃຫຍ່ຄັ້ງທີ V ໃຫ້ມີຜົນສຳເລັດຢ່າງຕໍ່ເນື່ອງ ແລະ ມີໝາກຜົນຫລາຍຂຶ້ນກວ່າ ເກົ່າ.

ນະຄອນຫລວງອອກຫລາຍຂໍ້ຫ້າມໃນງານບຸນອອກພັນສາ ແລະ ຊ່ວງເຮືອທ່າວັດຈັນ

ເພື່ອເຮັດໃຫ້ການສະຫລອງ ແລະ ຄົບງັນໃນໂອກາດບຸນອອກພັນສາປະວໍລະນາ 2558 ແລະ ບຸນຊ່ວງເຮືອປະເພນີປະຈຳປີ 2015 ທີ່ທ່າວັດຈັນ ມີບັນຍາກາດ ເບີກບານມ່ວນຊື່ນ ແລະ ຟົດຟື້ນທັງ ຮັບປະກັນໄດ້ຄວາມເປັນລະບຽບ ຮຽບຮ້ອຍ, ຄວາມສະຫງົບປອດ ໄພຮີດຄອງປະເພນີອັນດີງາມຂອງຊາດ ແລະ ສາມາດດຶງດູດການ ທ່ອງທ່ຽວ, ດັ່ງນັ້ນ ເຈົ້າຄອງນະ ຄອນຫລວງວຽງຈັນ ຈຶ່ງໄດ້ອອກ ຂໍ້ຫ້າມຕ່າງໆໄວ້ຄື: ຫ້າມໂຄສະ ນາທຸກຮູບແບບທີ່ຜິດຕໍ່ລະບຽບກົດໝາຍຂອງ ສປປ ລາວ, ຫ້າມຂາຍ ຫຼືນຳເອົາອາວຸດທຸກປະເພດເຊັ່ນ: ງ້າວ, ໜ້າ, ກະຖຸນ, ສະໜັບມື, ໂຄມ ໄພລອຍ ແລະ ສິ່ງຕ້ອງຫ້າມອື່ນໆ ເຂົ້າໄປໃນງານບຸນຢ່າງເດັດຂາດ (ຍົກເວົ້ນແຕ່ເຈົ້າໜ້າທີ່ທີ່ໄດ້ຮັບອະນຸຍາດ), ຫ້າມຂາຍ ແລະ ນຳເອົາ ຢາເສບຕິດ, ທາດເບື່ອ, ສານເຄມີທີ່ ອອກລິດຕໍ່ລະບົບປະສາດທຸກຊະ ນິດ, ຫ້າມນຳເອົາໝາກກະໂພກ, ວັດຖຸທີ່ເກີດສຽງແຕກ, ສຽງດັງ ເກີນຂອບເຂດເຂົ້າມາວາງ

ກອງປະຊຸມຄະນະປະສານງານບັນດາແຂວງພາກເໜືອລາວກັບແຂວງຢູນນານ ສປ ຈີນ

ກອງປະຊຸມ ຄັ້ງທີ VII ຂອງ ຄະນະປະສານງານບັນດາແຂວງ ພາກເໜືອ ສປປ ລາວ ກັບແຂວງ ຢູນນານ ສປ ຈີນ ໄດ້ຈັດຂຶ້ນໃນວັນ ທີ 20-21 ຕຸລາ 2015 ນີ້ ຢູ່ແຂວງ ວຽງຈັນໂດຍການເຂົ້າຮ່ວມຂອງ ທ່ານ ວິຈິດ ຊິນດາວົງ ຜູ້ຊ່ວຍລັດ ຖະມົນຕີກະຊວງແຜນການ ແລະ ການລົງທຶນ, ຮອງປະທານຄະນະ ກຳມາທິການຮ່ວມມື ລາວ-ຈີນ, ຫົວໜ້າຄະນະປະສານງານຮ່ວມມືຝ່າຍລາວ ແລະ ທ່ານ ກ່າວ ຊູ້ຊຸນ (Gao Shuxun) ຮອງເຈົ້າ ແຂວງຢຸນນານ, ຫົວໜ້າຄະນະປະ ສານງານຮ່ວມມືແຂວງຢູນນານ ກັບພາກເໜືອລາວເພື່ອທົບທວນ ຄືນຜົນຂອງການຈັດຕັ້ງປະຕິບັດ ບົດບັນທຶກກອງປະຊຸມຄັ້ງທີ VI ທີ່ ນະຄອນພູເອີ້ ສປ ຈີນ.

ກອງປະຊຸມເປັນເອກະພາບ ກັນກະຕຸກຊຸກຍູ້ໃຫ້ຂະແໜງການ ກ່ຽວຂ້ອງທັງສູນກາງ ແລະ ທ້ອງ ຖິ່ນສືບຕໍ່ແລກປ່ຽນຢ້ຽມຢາມໃນ ຫລາຍລະດັບເພື່ອເພີ່ມຄວາມເຂົ້າ ອົກເຂົ້າໃຈກັນ, ເພີ່ມທະວີການ ຮ່ວມມືພັດທະນາຊັບພະຍາກອນ ມະນຸດໃນແຕ່ລະດ້ານໃຫ້ຫລາຍ ຂຶ້ນ, ສົ່ງເສີມການຮ່ວມມືດ້ານເຕັກ ນິກວິຊາການຂອງບັນດາຂະແໜງການຕ່າງໆ ເປັນຕົ້ນກະສິກຳເຊິ່ງ ແມ່ນຂະແໜງການຜະລິດພື້ນຖານທີ່ມີທ່າແຮງຂອງປະເທດລາວ, ຮ່ວມມືພັດທະນາສີມືແຮງງານ ຂອງປະຊາຊົນເຂດ

ຄະນະກຳມະການຄຸ້ມຄອງຫລັກຊັບຈັດສຳມະນາຄວາມຮູ້ດ້ານການລົງທຶນຢ່າງມືອາຊີບ

ສໍານັກງານຄະນະກຳມະ ການຄຸ້ມຄອງຫຼັກຊັບ ( ສ.ຄຄຊ ) ຮ່ວມກັບສະຖາບັນການທະນາ ຄານໄດ້ຈັດສຳມະນາເພື່ອການຍົກ ລະດັບຄວາມຮູ້ດ້ານການລົງທຶນ ຢ່າງມືອາຊີບຂຶ້ນໃນວັນທີ 21 ຕຸລາ ນີ້ ທີ່ສະຖາບັນດັ່ງກ່າວໂດຍມີບັນ ດາພະນັກງານຄູ-ອາຈານ ແລະ ນັກສຶກສາຈາກສະຖາບັນເຂົ້າຮ່ວມຫຼາຍຮ້ອຍຄົນເພື່ອເຮັດໃຫ້ສັງຄົມກໍຄືພະນັກງານຄູ-ອາຈານ ແລະ ນັກ ສຶກສາຮັບຮູ້ ແລະ ເຂົ້າໃຈການລົງ ທຶນ ແລະ ວິທີສຶກສາຂໍ້ມູນກ່ອນຕັດ ສິນໃຈລົງທຶນ.

ການລົງທຶນຄືການໃຊ້ຈ່າຍ ເງິນຮູບແບບໜຶ່ງໂດຍຫວັງຜົນ ຕອບແທນໃນຕໍ່ໜ້າຊຶ່ງຜູ້ລົງທຶນເຊື່ອວ່າເງິນສົດ ຫຼື ຜົນຕອບແທນສ່ວນ ເພີ່ມທີ່ຈະໄດ້ຮັບຄືນນັ້ນຈະສາມາດຊົດເຊີຍໄດ້ຢ່າງຄຸ້ມຄ່າໂດຍບໍ່ຄຳ ນຶງເຖິງຄວາມສ່ຽງຕ່າງໆ. ດັ່ງນັ້ນ ຜູ້ທີ່ຈະລົງທຶນຕ້ອງຮູ້ 4 ຮ ຄື: ຮູ້ຮຸ້ນ ແມ່ນຫຍັງ ?  ຮຸ້ນແມ່ນຫຼັກຊັບປະ ເພດໜຶ່ງທີ່ບໍລິສັດອອກໃຫ້ຜູ້ຖືຮຸ້ນ ເພື່ອລະດົມທຶນໄປໃຊ້ໃນກິດຈະ ການເຊິ່ງຜູ້ຖືຮຸ້ນມີຖານະເປັນເຈົ້າ ຂອງທຸລະກິດ ແລະ ໄດ້ຮັບຜົນຕອບ ແທນຈາກການປັນຜົນ, ຮູ້ຕະຫຼາດ ຂັ້ນໜຶ່ງ ແລະ ຕະຫຼາດຂັ້ນສອງ, ຮູ້ ຜົນຕອບແທນ-ຄວາມສ່ຽງ ແລະ ຮູ້ແຫຼ່ງຂໍ້ມູນຂ່າວສານ,

ຍີ່ປຸ່ນມອບລົດມອດໄຟໃຫ້ລາວ 22 ຄັນ

ສະມາຄົມສົ່ງເສີມສາຍພົວພັນແຫ່ງປະເທດຍີ່ປຸ່ນໄດ້ນຳເອົາລົດມອດໄຟ 22 ຄັນ ມາມອບໃຫ້ກະຊວງປ້ອງກັນຄວາມສະຫງົບ ພ້ອມເຄື່ອງນຸ່ງກັນຄວາມຮ້ອນຈຳ ນວນ 93 ຊຸດ ລວມ ມູນຄ່າ 95 ລ້ານກວ່າເຢັນ (ສະກຸນເງິນຍີ່ປຸ່ນ), ເພື່ອປະກອບສ່ວນເຂົ້າໃນວຽກ ງານສະກັດກັ້ນ ແລະ ຕ້ານອັກຄີໄພ ຂອງລາວໃຫ້ມີປະສິດທິຜົນຫລາຍຂຶ້ນ.

ຜູ້ຈັດການຝ່າຍຕ່າງປະເທດ ສະມາຄົມສົ່ງເສີມສາຍພົວພັນແຫ່ງປະເທດຍີ່ປຸ່ນ ກ່າວວ່າ: ການຊ່ວຍ ເຫລືອດັ່ງກ່າວແມ່ນປະຕິບັດຕາມ ສັນຍາຮ່ວມມືລະຫວ່າງສອງຝ່າຍ ໂດຍສະມາຄົມດັ່ງກ່າວໄດ້ປະສານງານໄປຍັງລັດຖະບານຍີ່ປຸ່ນເພື່ອ ທ້ອນໂຮມເອົາລົດມອດໄຟມືສອງ ທີ່ຍັງສາມາດໃຊ້ງານໄດ້ມາມອບ ໃຫ້ຝ່າຍລາວເປັນ 3 ໄລຍະຄື: ໄລ ຍະທຳອິດມອບໃຫ້ 7 ຄັນ, ໄລຍະ ທີສອງ 21 ຄັນ ແລະ ໄລຍະທີ

ບໍ່ຄໍາ-ທອງ ເຊໂປນບັນລຸເປົ້າ ໝາຍການຜະລິດໃໝ່ໃນໄຕມາດທີ 3

ບໍໍລິສັດ MMG LXML ເຊໂປນ (ໂຄງການບໍ່ຄໍາ-ທອງເຊໂປນ) ບັນລຸໄດ້ເປົ້າໝາຍການ ຜະລິດປະຈໍາໄຕມາດທີ 3 ຂອງປີ 2015 ທີ່ສືບເນື່ອງມາຈາກຜົນ ການຜະລິດ ແລະ ການດໍາເນີນງານທີ່ມີປະສິດທິຜົນຄືສາມາດຜະລິດແຜ່ນທອງແດງໄດ້ຫລາຍກວ່າ 24.000 ໂຕນ, ສູງກວ່າການຜະລິດໃນໄຕມາດທີ່ຜ່ານມາ 3% ແລະ 11% ເມື່ອທຽບກັບຜົນການຜະລິດໃນໄຕມາດດຽວກັນຂອງປີ 2014. ຜົນການຜະລິດແຜ່ນທອງ ແຕ່ຕົ້ນປີຈົນເຖິງປັດຈຸບັນບັນລຸໄດ້ ແລ້ວ 68.694 ໂຕນ ເຊິ່ງສູງກວ່າ 7% ເມື່ອທຽບໃສ່ການຜະລິຂອງປີ 2014.

ທ່ານ ຊູເຣັດ ວາດນາກຣາ, ຜູ້ຈັດການໃຫຍ່ ບໍ່ຄໍາ-ທອງ ເຊໂປນ ກ່າວວ່າ: ຜົນການຜະລິດໄດ້ສະ ແດງໃຫ້ເຫັນຄວາມສໍາຄັນໃນການປັບປຸງຊັບສິນທີ່ມີຢູ່ກໍຄືການປັບປຸງສາຍການຜະລິດ, ໂດຍສຸມໃສ່ການ ເພີ່ມປະສິດທິຜົນການດໍາເນີນງານຂອງໂຮງງານ, ການນໍາໃຊ້ຊັບ ສິນທີ່ມີ ແລະ ປັບປຸງປະສິດທິພາບການຜະລິດໃນປັດຈຸບັນ. ການປັບ ປຸງດັ່ງກ່າວໄດ້ມີຄວາມໝາຍ ຄວາມສໍາຄັນສູງໃນໄລຍະ

ສປ.ຈີນ ມອບຫໍສະໝຸດໃຫ້ ມສ ວຽງຈັນ

ພິທີມອບ-ຮັບຫ້ອງອ່ານປຶ້ມ ຈາກລັດຖະບານຈີນ, ລະຫວ່າງ ທ່ານ ກວນ ຮົວປິງ ເອກອັກຄະລັດ ຖະທູດ ສປ ຈີນ ປະຈຳລາວ ແລະ ທ່ານ ລີຕູ້ ບົວປາວ ລັດຖະມົນຕີ ຊ່ວຍວ່າການກະຊວງສຶກສາທິ ການ ແລະ ກິລາ ໄດ້ມີຂຶ້ນໃນວັນທີ 21 ຕຸລານີ້, ທີ່ໂຮງຮຽນ ມສ ວຽງ ຈັນ ເພື່ອໃຫ້ນັກຮຽນ ແລະ ຄູອາ ຈານສາມາດສໍາຜັດເຖິງໄມຕີຈິດ ຕະພາບອັນເລິກເຊິ່ງຂອງວັດທະ ນະທໍາ ແລະ ຮີດຄອງປະເພນີຂອງ ປະຊາຊົນລາວ-ຈີນ ທີ່ມີມູນເຊື້ອມາ ແຕ່ດົນນານນັ້ນ ເຂົ້າໃຈກັນຂື້ນ, ໂດຍສະເພາະການຮ່ວມມືຂົງເຂດ ຕ່າງໆໃຫ້ມີໝາກຜົນ. ຫ້ອງອ່ານ ປື້ມນີ້ ປະກອບມີ: ປື້ມວັນນະຄະດີ, ປະຫວັດສາດ, ແບບຮຽນພາສາ ຈີນ ແລະ ປື້ມເລື່ອງອື່ນໆສ່ວນຫຼາຍ ເປັນພາສາລາວລວມທັງໝົດ 5.000 ກວ່າຫົວ. ນອກຈາກນີ້ ຍັງ ໄດ້ມອບເຄື່ອງຄອມພິວເຕີ 5 ຊຸດ, ເຄື່ອງປັບອາກາດ 1 ໜ່ວຍ, ລວມ ມູນຄ່າ 24 ພັນໂດລາສະຫະລັດໃຫ້ ໂຮງຮຽນແຫ່ງດັ່ງກ່າວອີກດ້ວຍ.

ທ່ານ ຄໍາຕັນ ຫົວໜ້າອໍານວຍ ການໃຫຍ່ ໂຮງຮຽນ ມສ ວຽງຈັນ ກ່່າວວ່າ: ຫໍສະໝຸດແຫ່ງນີ້ ມີຂຶ້ນໄດ້ ກໍຍ້ອນການຊ່ວຍເຫຼືອດ້ວຍຄວາມຈິງໃຈຂອງຫລາຍພາກສ່ວນນັບ ທັງພາຍໃນ ແລະ ຕ່າງປະເທດ ແລະ ການຊ່ວຍເຫລືອຂອງລັດຖະ ບານຈີນຄັ້ງນີ້ຈະເປັນສ່ວນສຳຄັນໃນການຊຸກຍູ້ສົ່ງເສີມໃຫ້ຄູອາຈານ ແລະ ນັກຮຽນມີຄວາມສະດວກໃນການຄົ້ນຄວ້າ, ສຶກສາຮໍ່າຮຽນ ໂດຍສະເພາະການຮຽນຮູ້ວັດທະ ນະທໍາ, ການດຳລົງຊີວິດ ແລະ ຮີດຄອງປະເພນີຂອງຈີນຫລາຍຂຶ້ນ.

ອຸຕຸແຈ້ງອາກາດຈະໜາວລົງຢູ່ບັນດາແຂວງພາກເໜືອ

ກົມອຸຕຸນິຍົມ ແລະ ອຸທົກກະ ສາດ ໃຫ້ຮູ້ວ່າ: ນັບແຕ່ວັນທີ 23- 27 ຕຸລານີ້, ບໍລິເວນຄວາມກົດດັນ ສູງຂອງອາກາດເຢັນຈາກປະເທດຈີນ, ຈະປົກຄຸມຢູ່ທົ່ວທຸກພາກຂອງ ລາວ ສົມທົບກັບກະແສລົມຕາເວັນ ອອກສ່ຽງເໜືອພັດປົກຄຸມດ້ວຍກຳລັງອ່ອນ ຫາ ປານກາງ, ເຊິ່ງຈະ ເຮັດໃຫ້ອາກາດເຢັນຢູ່ເຂດພາກ ເໜືອ, ດ້ານຕາເວັນອອກຂອງ ພາກກາງ ແລະ ເຂດພູພຽງບໍລະ ເວນປາກຊ່ອງ, ພ້ອມຈະມີໝອກ ໜາປົກຫຸ້ມໃນຕອນເຊົ້າ, ສ່ວນພາກ ກາງ ແລະ ພາກໃຕ້ອາກາດຈະເຢັນ ໃນຕອນເຊົ້າພ້ອມມີໝອກບາງປົກຫຸ້ມຢູ່ທົ່ວໄປຈະມີຝົນຕົກໃນລະດັບ ຄ່ອຍຢູ່ບາງທ້ອງຖິ່ນແຂວງພາກ ເໜືອ.

ໃນລະຫວ່າງວັນທີ 23-25 ຕຸລານີ້, ອາກາດຈະໜາວເຢັນຢູ່ ບັນດາແຂວງພາກເໜືອ, ດ້ານຕາ ເວັນອອກຂອງພາກກາງ ແລະ ເຂດພູພຽງບໍລະເວນປາກຊ່ອງ ແລະ ໃນວັນທີ 26-27 ຕຸລານີ້ ອາ ກາດຈະອຸ່ນຂຶ້ນໃນແຕ່ລະພາກ ແລະ ວັນທີ 22-24 ຈະມີຝົນຕົກໃນ ລະດັບຄອ່ຍຢູ່ຕາມທ້ອງຖິ່ນແຂວງພາກເໜືອ, ເຊິ່ງຄາດຄະເນປະລິ ມານນ້ຳຝົນລວມໃນໄລຍະ 7 ວັນຕໍ່ ໜ້າຈະມີໜ້ອຍຫລຸດເກນປົກກະ ຕິເປັນສ່ວນຫລາຍ.