ກົມອຸຕຸນິຍົມ ແລະ
ອຸທົກກະສາດ
ໃຫ້ຮູ້ວ່າ: ໃນວັນທີ 13 ມັງກອນນີ້, ບໍລິເວນຄວາມກົດດັນສູງຂອງອາກາດໜາວ ຈະປົກຄຸ້ມຢູ່ທົ່ວທຸກພາກຂອງລາວ ດ້ວຍກຳລັງປານກາງຫາແຮງ, ສົມທົບກັບສອງກະແສລົມຕາເວັນຕົກພັດປົກຄຸມພາກເໜືອ ແລະ ກະແສລົມຕາເວັນອອກສ່ຽງໃຕ້ພັດປົກຄຸ້ມພາກກາງ ຫາພາກໃຕ້, ເຊິ່ງຈະເຮັດໃຫ້ອາກາດເຢັນຫາໜາວເຢັນໃນແຕ່ລະພາກ ພ້ອມຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນ. ຈາກນັ້ນ ໃນໄລຍະວັນທີ
14-17 ມັງກອນນີ້, ມວນອາກາດໜາວເຢັນຈະອ່ອນກຳລັງລົງປົກຄຸມ ສົມທົບກັບກະແສລົມຕາເວັນອອກ-ຕາເວັນອອກສ່ຽງເໜືອ ພັດປົກຄຸມເປັນສ່ວນໃຫຍ່, ເຊິ່ງຈະເຮັດໃຫ້ອາກາດອຸ່ນຂຶ້ນໃນແຕ່ລະພາກ, ແຕ່ອາກາດຍັງຈະໜາວເຢັນຫລາຍຢູ່ບັນດາແຂວງພາກເໜືອດ້ານຕາເວັນອອກ, ໄຊສົມບູນ ແລະ ເຂດພູພຽງບໍລະເວນປາກຊ່ອງ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນໃນແຕ່ລະພາກ.
ສະພາບອາກາດໃນໄລຍະນີ້ ຈະເຢັນລົງປະມານ 1-2 ອົງສາໃນແຕ່ລະພາກ, ຈາກນັ້ນ ອຸນຫະພູມຈະອຸ່ນຂຶ້ນຢູ່ແຕ່ລະພາກໂດຍສະເພາະແຂວງພາກກາງ, ສ່ວນພາກໃຕ້ອາກາດຈະຮ້ອນ ແລະ ໃນໄລຍະນີ້ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນຂອງແຂວງພາກກາງຫາພາກໃຕ້. ສ່ວນທ້າຍອາທິດນີ້ ຈະມີຝົນຕົກກະຈາຍຫລາຍຂຶ້ນໃນແຕ່ລະພາກ ພ້ອມມີລົມພັດແຮງເປັນບາງໂອກາດ, ຈຶ່ງເຕືອນໃຫ້ທຸກຄົນຈົ່ງມີສະຕິຮັກສາສຸຂະພາບຂອງຕົນໃຫ້ດີດ້ວຍການເອົາໃຈໃສ່ປະຕິບັດຫລັກການອະນາໄມ
3 ສະອາດໃຫ້ຖືກຕ້ອງຄື: ກິນ, ດື່ມໃຫ້ສະອາດ ແລະ ນຸ່ງຮົ່ມໃຫ້ອົບອຸ່ນ.
No comments:
Post a Comment