ການເຝິກອົບຮົມວຽກງານໄອຍະການໃຫ້ແກ່ຜູ້ຊ່ວຍພະນັກງານໄອຍະການປະຊາຊົນທີ່ຈະເລື່ອນເປັນພະນັກງານໄອຍະການຂັ້ນ 3 ໃນທົ່ວປະເທດ ໄດ້ຈັດຂຶ້ນໃນວັນທີ 12-29 ມັງກອນນີ້ ທີ່ນະຄອນຫລວງວຽງຈັນ ໂດຍການເປັນປະທານຂອງທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ ເຊິ່ງມີຜູ້ເຂົ້າຮ່ວມຫລາຍກວ່າ 50 ທ່ານ.
ການເຝິກອົບຮົມຄັ້ງນີ້,
ສຳມະນາກອນຈະໄດ້ຮຽນຮູ້ພາກທິດສະດີ
ແລະ ພາກວິຊາເສີມຄວາມຮູ້ ເປັນຕົ້ນຄຸນທາດການເມືອງ, ຄຸນສົມບັດສິນທຳປະຕິວັດ, ຕ້ານ ແລະ ສະກັດກັ້ນປາກົດການຫຍໍ້ທໍ້ໃນ
ພະນັກງານໄອຍະການ, ການໄຈ້ແຍກອົງປະກອບການກະທຳຜິດທາງອາຍາ ແລະ ການສັ່ງຟ້ອງຜູ້ຖືກຫາຂຶ້ນສານ ລວມທັງວິທີການສືບສວນ-ສອບສວນກ່ຽວກັບການດຳເນີນຄະດີອາຍາ, ການຕິດ ຕາມກວດກາ, ການເຄົາລົບ ແລະ ປະຕິບັດກົດໝາຍຂອງອົງການສືບສວນ-ສອບສວນ ແລະ ຂອງສານໃນການດຳເນີນຄະດີອາຍາ ແລະ ຄະດີແພ່ງ, ການຕິດຕາມກວດກາການປະຕິບັດຄຳຕົກລົງຂອງສານ, ການປະຕິບັດກົດໝາຍຢູ່ສະຖານທີ່ກັກຕົວ, ກັກຂັງ, ສູນດັດສ້າງ ແລະ ຄ້າຍດັດສ້າງ. ນອກນີ້ ຍັງຮຽນຮູ້ການຄົ້ນຄວ້າບົດສະຫລຸບ ແລະ ສຳນວນຄະດີອາຍາ, ຄະດີແພ່ງ ແລະ ການຮ່າງຄຳຖະແຫລງຄະດີຕໍ່ສານຂັ້ນຕົ້ນ, ຂັ້ນອຸທອນ ແລະ ຂັ້ນລຶບລ້າງ,
ການຊັນລະສູດທີ່ເກີດເຫດກ່ຽວກັບການລະເມີດກົດຈະລາຈອນທີ່ພາໃຫ້ເກີດອຸປະຕິເຫດ ແລະ ການແກ້ໄຂຂໍ້ຂັດແຍ່ງຂອງສຳນັກງານຄະນະກຳມະ ການຄຸ້ມຄອງຫລັກຊັບ. ພ້ອມນີ້ ຜູ້ເຂົ້າອົບຮົມຍັງຈະໄດ້ລົງປະຕິບັດວຽກງານຕົວຈິງຕາມຂະແໜງການຂອງຕົນ.
ທ່ານຮອງຫົວໜ້າອົງການໄອຍະການປະຊາຊົນສູງສຸດ ກ່າວວ່າ: ການອົບຮົມຄັ້ງນີ້ເປັນການຍົກລະດັບຄວາມສາມາດດ້ານວິຊາການໃຫ້ແກ່ຜູ້ຊ່ວຍພະນັກງານທີ່ຈະເລື່ອນເປັນພະນັກງານໄອຍະການຂັ້ນ 3 ໃຫ້ຮັບຮູ້ເພີ່ມກ່ຽວກັບບົດຮຽນຕ່າງໆ ເພື່ອນຳໄປຈັດຕັ້ງປະຕິບັດວຽກງານຕົວຈິງໃຫ້ມີຜົນສຳເລັດ ທັງເປັນການຜັນຂະຫຍາຍມະຕິ IX ຂອງພັກ ບົນຈິດໃຈ
4 ບຸກທະລຸເຂົ້າໃນການເຄື່ອນໄຫວວຽກງານໃຫ້ສອດຄ່ອງກັບສະພາບຕົວຈິງຢູ່ແຕ່ລະກົມກອງ-ທ້ອງຖິ່ນໃຫ້ຖືກຕ້ອງຕາມລະບຽບກົດໝາຍ ແນໃສ່ປັບປຸງ ແລະ ພັດທະນາວຽກງານໄອຍະການໃຫ້ເຕີບໃຫຍ່ເຂັ້ມແຂງ ໂດຍສະເພາະເພື່ອຮັບ ປະກັນການປະຕິບັດກົດໝາຍວ່າດ້ວຍອົງການໄອຍະການປະຊາຊົນໃນ
5 ວຽກງານກວດກາໃຫ້ຄົບຖ້ວນ ໃນນີ້ເນັ້ນໜັກການກວດກາ, ການປະຕິບັດກົດໝາຍຂອງອົງການສືບສວນ-ສອບສວນ ແລະ ສານປະຊາຊົນໃຫ້ມີຄຸນນະພາບດີຂຶ້ນ.
No comments:
Post a Comment