ເຈົ້າໜ້າທີ່ ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ຄ້າຍແລງຂອງວັນທີ
22 ພຶດສະພານີ້, ໄດ້ເກີດເຫດລົດຮຸນໄດພິກປິ້ນ, ຢູ່ເຂດບ້ານນາດີ
(ເສັ້ນທາງ 13 ເໜືອ) ເມືອງນາຊາຍທອງ ນະ ຄອນຫລວງວຽງຈັນ, ຍ້ອນຂັບຂີ່ໄວເກີນຂອບເຂດ ສົ່ງຜົນໃຫ້ຜູ້ທີ່ນັ່ງມາໃນລົດຄັນດັ່ງກ່າວ ບາດເຈັບ 3 ຄົນ ແລະ ເສຍຊີວິດ 1 ຄົນຄື: ທ້າວ ລົກນັດ ອາຍຸ
35 ປີ,
ພັກເຊົາຢູ່ບ້ານພັດທະນາ ເມືອງນາຊາຍທອງ ນະຄອນຫລວງວຽງຈັນ.
ເຈົ້າໜ້າທີ່ ໃຫ້ຮູ້ອີກວ່າ: ອຸປະຕິເຫດທີ່ເກີດຂຶ້ນ ແມ່ນຈາກການຂັບຂີ່ລົດໂດຍປະໝາດ, ບໍ່ປະຕິ ບັດລະບຽບຈະລາຈອນຄື:
ຂັບລົດໄວ ແລະ
ເສັ້ນທາງບາງສາຍ ມີສະພາບເປ່ເພ
ເປັນບວກ, ເປັນຂຸມ, ບາງບ່ອນມີສິ່ງກີດຂວາງການສັນຈອນ ແລະ ນັກຂັບຂີ່ຈຳນວນໜຶ່ງ ດື່ມສິ່ງມືນເມົາແລ້ວຂັບຂີ່ເປັນສວນໃຫຍ່. ດັ່ງນັ້ນ ຈຶ່ງຂໍຮຽກຮ້ອງໃຫ້ນັກຂັບຂີ່ ຕ້ອງເອົາໃຈ
ໃສ່ປະຕິບັດລະບຽບຈະລາຈອນໃຫ້ເຂັ້ມງວດ ແລະ ເບື້ອງເຈົ້າໜ້າທີ່ ກໍຕ້ອງເອົາໃຈໃສ່ລົງໂຄສະນາເຜີຍແຜ່ກົດລະບຽບຈະລາຈອນຕາມໂຮງຮຽນ, ໂຮງງານ, ບໍລິສັດ, ຫ້າງຮ້ານຕ່າງໆ ເພື່ອເປັນການເຕືອນສະຕິສັງຄົມໃຫ້ເປັນເຈົ້າການຊ່ວຍຫລຸດຜ່ອນອຸປະຕິເຫດບົນທ້ອງຖະໜົນໃຫ້ມີຜົນ.
No comments:
Post a Comment