ໃນຕອນຄ່ຳຂອງວັນທີ
18 ພຶດສະພາຜ່ານມານີ້, ຢູ່ສູນການຄ້າລາວ-ໄອເຕັກມໍ, ໄດ້ເປີດໂຮງສາຍຮູບເງົາ ຮອບປະຖົມມະລຶກ, ໂດຍມີມວນຊົນເຂົ້າຮ່ວມຊົມເປັນຈຳນວນຫລາຍ.
ໂຮງສາຍຮູບເງົາໄອເຕັມມໍ ມີທັງໝົດ 4 ໂຮງ, ໃນນັ້ນ 3 ໂຮງເປັນໂຮງທຳມະດາ
ແລະ 1 ໂຮງເປັນໂຮງພິເສດ (VIP), ມາຮອດປັດຈຸບັນ ໄດ້ສ້າງສຳເລັດໄປແລ້ວ 80% ແລະ ໄດ້ເປີດໃຫ້ບໍລິ ການ 2 ໂຮງ, ເຊິ່ງທຸກໆໂຮງມີແສງສີສຽງທີ່ຊັດເຈນ ແລະ ຄົມຊັດ ໄດ້ມາດຕະຖານ, ຈະເຮັດໃຫ້ຜູ້ທີ່ເຂົ້າຊົມໄດ້ຮັບຄວາມບັນເທີງເຕັມຮູບແບບ, ທັງເປັນບ່ອນຜ່ອນຄາຍອາລົມຈາກການເຮັດວຽກ, ພ້ອມນີ້ ໂຮງສາຍຮູບເງົາດັ່ງກ່າວ ຍັງເປັນສະຖານທີ່ແຈ້ງເກີດຮູບເງົາຂອງລາວ ເພື່ອໃຫ້ສັງຄົມ ແລະ ຕ່າງປະເທດຮັບຮູ້ວັດທະນະທຳ
ແລະ ຄວາມເປັນລາວຫລາຍຂຶ້ນ.
No comments:
Post a Comment