ວັນທີ 30 ພຶດສະພານີ້, ຢູ່ສູນການຄ້າວຽງຈັນເຊັນເຕີ, ໄດ້ມີພິທີລົງນາມສັນຍາຮ່ວມທຸລະກິດ
ລະຫວ່າງບໍລິສັດ ພັດທະນາສູນເສດຖະກິດການຄ້າ ຄົບວົງຈອນ ໜອງຈັນ ຕອນເໜືອ ຈຳກັດ
(ສູນການຄ້າວຽງຈັນເຊັນເຕີ) ແລະ 6
ບໍລິສັດທີ່ມີຊື່ສຽງໃນລາວ ແລະ ຕ່າງປະເທດຄື: ບໍລິສັດ ແອັບສະຕາ (APSTAR), ບໍລິສັດ China International Water & Electric Corp, ບໍລິສັດ Bhip, ບໍລິສັດ
AVIC
INTL, ບໍລິສັດ ZTE ແລະ ຮ້ານກະແລ້ມ
ແດລີຄລີນ,
ເພື່ອແນໃສ່ສ້າງໃຫ້ສູນການຄ້າວຽງຈັນເຊັນເຕີ
ເປັນສູນການຄ້າທີ່ໃຫຍ່ ແລະ ມີຊື່ສຽງໂດ່ງດັງ ໃນສປປ ລາວເຊັ່ນກັນ.
ສູນການຄ້າວຽງຈັນເຊັນເຕີ ເປັນຈຸດສູນກາງທຸລະກິດແຫ່ງໜຶ່ງ ຂອງນະຄອນຫລວງວຽງຈັນ, ເຊິ່ງເປັນສູນການຄ້າທີ່ໃຫຍ່ ແລະ ກວ້າງຂວາງ, ພ້ອມທັງເປັນເວທີໜຶ່ງໃນການຂະຫຍາຍຕົວຂອງທຸລະກິດຂະໜາດຕ່າງໆ, ທີ່ມີຄວາມຫລູຫລາ ແລະ ທັນສະໄໝ, ເໝາະສົມກັບການລົງທຶນເຮັດທຸລະກິດຢູ່ສູນການຄ້າແຫ່ງນີ້.
ການລົງນາມຄັ້ງນີ້ ມີຂຶ້ນລະຫວ່າງທ່ານ ລີຊຽວຕົງ ອຳນວຍການບໍລິສັດ
ພັດທະນາສູນເສດຖະກິດການຄ້າ ຄົບວົງຈອນ ໜອງຈັນຕອນເໜືອ ຈຳກັດ ແລະ ຜູ້ຕາງໜ້າຈາກ 6 ບໍລິສັດດັ່ງກ່າວ.
No comments:
Post a Comment