ໃນວັນທີ 9 ພຶດສະພາ 2016 ນີ້ທີ່ກະຊວງປ້ອງກັນປະເທດ, ໄດ້ຈັດພິທີມອບ-ຮັບໜ້າທີ່ລັດຖະມົນຕີກະຊວງປ້ອງກັນປະເທດຜູ້ໃໝ່ລະ ຫວ່າງທ່ານ ພົນໂທ ແສງນວນ ໄຊຍະລາດ ລັດຖະມົນຕີຜູ້ເກົ່າ ແລະ ທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີຜູ້ໃໝ່, ໂດຍການໃຫ້ກຽດເຂົ້າຮ່ວມຂອງທ່ານ ບຸນຍັງ ວໍລະຈິດປະທານປະເທດແຫ່ງ ສ ປປ ລາວ,ມີບັນດາຮອງລັດຖະມົນຕີ,ຄະນະນຳກະຊວງດັ່ງກ່າວເຂົ້າຮ່ວມຢ່າງພ້ອມພຽງ.
ການມອບ-ຮັບ ໜ້າທີ່ໃໝ່ໃນຄັ້ງນີ້ເປັນໄປຕາມການປັບປຸງກົງຈັກການຈັດຕັ້ງ ຂອງ ລັດຖະບານ ເຊິ່ງຜ່ານການເຫັນດີຈາກກອງປະຊຸມຄັ້ງປະຖົມມະລຶກຂອງສະພາແຫ່ງຊາດ ຊຸດທີ VIII ທີ່ໄດ້ແຕ່ງຕັ້ງ ທ່ານ
ພົນໂທ ແສງນວນ ໄຊຍະລາດ ເປັນຮອງປະທານສະພາແຫ່ງຊາດ ແລະ ທ່ານ ພົນໂທ ຈັນສະໝອນ ຈັນຍາລາດ ເປັນລັດຖະມົນຕີກະຊວງປ້ອງກັນປະເທດ.ທັງນີ້ເພື່ອສືບຕໍ່ຊີ້ນຳນຳພາ ວຽກງານປ້ອງກັນຊາດໃຫ້ດີຂຶ້ນເລື້ອຍໆ.
No comments:
Post a Comment