ໃນວັນທີ 25 ພຶດສະພາ 2016 ນີ້, ກອງປະຊຸມ ລັດຖະມົນຕີ ຕ່າງປະເທດອາຊຽນ ຄັ້ງທີ
X ໄດ້ ປິດລົງດ້ວຍຜົນສຳເລັດ, ພ້ອມຮ່ວມຖະແຫລງການ ຄື:
ບັນດາລັດຖະມົນຕີປ້ອງກັນປະເທດອາຊຽນ ໄດ້ປຶກສາຫາລື, ແລກປ່ຽນສະພາການກ່ຽວກັບວຽກງານປ້ອງກັນຊາດ-ຄວາມໝັ້ນຄົງໃນພາກພື້ນ ແລະ ສາກົນ
ໂດຍສະເພາະສິ່ງທ້າທາຍ
ແລະ ໄພຄົ່ມຄູ່ ທີ່ບໍ່ແມ່ນທາງທະຫານ, ເປັນຕົ້ນ ບັນຫາໄພພິບັດທຳມະຊາດ, ການກໍ່ການຮ້າຍ, ອາດຊະຍາກຳຂ້າມຊາດ, ຄວາມໝັ້ນຄົງທາງທະເລ
ແລະ ອິນເຕີເນັດ ເຊິ່ງໄດ້ເຫັນດີເປັນເອກະພາບກັນຮັບ ຮອງເອົາ 3 ບັນຫາສຳຄັນ
ເປັນຕົ້ນ ຂໍ້ກຳນົດວ່າດ້ວຍກອງກຳລັງກຽມພ້ອມຂອງອາຊຽນ ເພື່ອການຊ່ວຍເຫລືອ ດ້ານມະນຸດສະທຳ ແລະ ບັນເທົາທຸກໄພພິບັດ,
ສູນແພດທະຫານອາຊຽນ ແລະ
ເອກະສານ ແນວຄວາມຄິດ ກ່ຽວກັບການສ້າງຕັ້ງໜ່ວຍງານຜູ້ຊ່ຽວຊານ ທາງດ້ານຄວາມໝັ້ນຄົງທາງດ້ານອິນເຕີເນັດ.
ກອງປະຊຸມ ໄດ້ຮັບຮອງ ແລະ ລົງນາມຖະແຫລງການຮ່ວມຂອງບັນດາລັດຖະມົນຕີປ້ອງກັນປະເທດອາ ຊຽນ ວ່າດ້ວຍການສົ່ງເສີມການຮ່ວມມືວຽກງານປ້ອງກັນຊາດ
ເພື່ອຄວາມເຂັ້ມແຂງຂອງປະຊາຄົມອາຊຽນ ເຊິ່ງ ຖະແຫລງການດັ່ງກ່າວ, ຖືເປັນເອກະສານທີ່ສຳຄັນໃຫ້ແກ່ການສົ່ງເສີມການພົວພັນຮ່ວມມື ໃນຂອບ ADMM ເພື່ອປະກອບສ່ວນເຂົ້າໃນການປົກປັກຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ການພັດທະນາ ແລະ ຄວາມວັດທະນາຖາວອນຂອງພາກພື້ນ.
ນອກນັ້ນ, ກອງປະຊຸມ ໄດ້ຮັບຟັງການລາຍງານຄວາມຄືບໜ້າຂອງອາຊຽນ ໃນໄລຍະຜ່ານມາ,
ເປັນຕົ້ນແມ່ນການສ້າງຕັ້ງປະຊາຄົມອາຊຽນ ໃນທ້າຍປີ 2015, ຄວາມຄືບໜ້າວຽກງານການຊ່ວຍເຫລືອມະນຸດສະທຳ ແລະ
ບັນເທົາທຸກໄພພິບັດ, ໂດຍສະເພາະ ແມ່ນບົດຖະແຫລງການຂອງອາຊຽນ ວ່າດ້ວຍ “ໜຶ່ງອາຊຽນ, ໜຶ່ງການຕອບໂຕ້” ເຊິ່ງຈະລົງນາມໃນກອງປະຊຸມສຸດຍອດອາຊຽນ ຄັ້ງທີ 28 ທີ່ນະຄອນຫລວງວຽງຈັນ ໃນເດືອນກັນຍາ 2016 ທີ່ຈະມາເຖິງນີ້.
ທ່ານ
ພົນໂທ ຈັນສະໝອນ
ຈັນຍາລາດ ລັດຖະມົນຕີກະຊວງປ້ອງກັນປະເທດ ແຫ່ງ
ສປປ ລາວ
ກ່າວວ່າ: ກອງທັບຂອງບັນດາປະເທດສະມາຊິກອາຊຽນ ມີຄວາມຈຳເປັນຈະຕ້ອງໄດ້ສືບຕໍ່ເພີ່ມທະວີ ແລະ ຮັດແໜ້ນການຮ່ວມມືນຳກັນ ໃຫ້ເປັນຮູບປະທຳຫລາຍຂຶ້ນກວ່າເກົ່າ, ເປັນຕົ້ນ ການແລກປ່ຽນຂໍ້ມູນຂ່າວສານ, ການຝຶກຊ້ອມ ແລະ ການປະຕິບັດງານຮ່ວມກັນສະກັດກັ້ນ, ປ້ອງກັນ ແລະ ແກ້ໄຂຂໍ້ຂັດແຍ່ງ ເພື່ອຮັບມືກັບສິ່ງທ້າທາຍຕໍ່ຄວາມໝັ້ນຄົງໄດ້ຢ່າງມີປະສິດທິພາບ,
ປະສິດທິຜົນ ພ້ອມນັ້ນ, ກໍຕ້ອງໄດ້ເພີ່ມທະວີການຊ່ວຍເຫລືອເຊິ່ງກັນ ແລະ ກັນ
ໃນການເສີມສ້າງາຂີດຄວາມສາມາດ, ສົ່ງເສີມຄວາມເຂົ້າອົກເຂົ້າໃຈ ແລະ ຄວາມໄວ້ເນື້ອເຊື່ອໃຈ ລະຫວ່າງກອງທັບຂອງບັນດາປະເທດສະມາຊິກອາຊຽນ ໃຫ້ນັບມື້ແໜ້ນແຟ້ນຂຶ້ນເລື້ອຍໆ.
No comments:
Post a Comment