ວັນທີ 6 ພຶດສະພາ 2016, ທ່ານ ອູ ຕິນ ຈໍ ປະທານາທິບໍດີ ແຫ່ງສາທາລະນະລັດ ສະຫະ ພາບ ມຽນມາ (ສສ ມຽນມາ) ພ້ອມດ້ວຍພັນລະຍາ
ແລະ ຄະນະ ໄດ້ເດີນທາງມາຢ້ຽມຢາມທາງລັດຖະກິດ
ສາທາລະນະລັດ ປະຊາທິປະໄຕ ປະຊາຊົນລາວ ຕາມຄຳເຊີນ ຂອງທ່ານ ບຸນຍັງ ວໍລະຈິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເພື່ອເສີມຂະຫຍາຍສາຍພົວ ພັນມິດຕະພາບ ແລະ ຮັດແໜ້ນການຮ່ວມມືທີ່ດີ ລະຫວ່າງ ສອງປະເທດ ສປປ ລາວ ແລະ ສສ ມຽນ ມາ.
ການພົບປະສອງຝ່າຍໄດ້ຈັດຂຶ້ນ ທີ່ທຳນຽບປະທານປະເທດ ລະຫວ່າງ
ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ແລະ ທ່ານ ອູ ຕິນ ຈໍ ປະທານາທິບໍດີ ແຫ່ງ ສສ ມຽນມາ ສອງຝ່າຍໄດ້ສະແດງຄວາມຍິນດີ ແລະ ຕີລາຄາສູງ ຕໍ່ໝາກຜົນການພົວພັນຮ່ວມມືຊ່ວຍເຫລືອຊຶ່ງກັນ ແລະ ກັນ
ລະຫວ່າງ ສອງປະເທດໃນໄລຍະຜ່ານມາ ພ້ອມ
ໄດ້ປຶກສາຫາລື
ແລະ ແລກປ່ຽນຄວາມຄິດຄວາມເຫັນຮ່ວມກັນ ກ່ຽວກັບບັນຫາພາກພື້ນ ແລະ ສາ ກົນທີ່ມີຄວາມສົນໃຈ ແລະ ສອງຝ່າຍໄດ້ຕົກລົງເຫັນດີ ແລະ ຜັນຂະຫຍາຍຜົນການຕົກລົງຂອງຄະນະກໍາມະທິການຮ່ວມມື ລາວ-ມຽນ ມາ ຄັ້ງທີ 11 ໃຫ້ປະກົດຜົນເປັນຈິງ ແລະ ຊອກຊ່ອງທາງຮ່ວມມືກັນ ໃນການສົ່ງເສີມການຄ້າ, ການລົງທຶນ, ການສຶກສາ, ການທ່ອງທ່ຽວ ແລະ ຟື້ນຟູຄືນ ການເປີດສາຍການບິນໂດຍກົງ ລະຫວ່າງ ວຽງຈັນ-ຢາງກຸ້ງ ຫລື ຫລວງພະບາງ- ບາການ ກໍຄື ການພົວພັນຮ່ວມມື ລະຫວ່າງ ສອງປະເທດ ທັງໃນຂອບສອງຝ່າຍ ແລະ ຫລາຍຝ່າຍ ໃຫ້ນັບມື້ນັບກ້ວາງຂວາງ ແລະ ເກີດດອກອອກຜົນຍິ່ງໆຂຶ້ນ ບົນພື້ນຖານຕ່າງຝ່າຍຕ່າງມີຜົນປະໂຫຍດ.
ໃນວັນດຽວກັນນີ້, ທ່ານປະທານປະເທດ ບຸນຍັງ ວໍລະຈິດ ແລະ ພ້ອມພັນລະຍາ ໄດ້ເປັນເຈົ້າ ພາບຈັດງານລ້ຽງອາຫານທ່ຽງຂຶ້ນ ທີ່ທໍານຽບປະທານປະເທດ ເພື່ອເປັນກຽດຕອ້ນຮັບ ທ່ານ
ອູ ຕິນ ຈໍ ປະທານາທິບໍດີແຫ່ງ ສສ ມຽນມາ
ແລະ ພັນລະຍາ. ຈາກນັ້ນ ທ່ານ ອູ ຕິນ
ຈໍ ແລະ ຄະນະ ກໍໄດ້ໄປວາງພວງມາລາຢູ່ທີ່ອານຸສາວະລິນັກຮົບນີລະນາມ, ຢ້ຽມຢາມບັນດາສະຖານທີ່ທ່ອງທ່ຽວສໍາຄັນທາງປະຫວັດສາດ ຄື: ພະທາດຫລວງ, ວັດສິສະເກດ ແລະ ຫໍພິພິທະພັນແຫ່ງຊາດ ກ່ອນຈະເດີນທາງກັບຄືນປະເທດ ໃນຕອນແລງວັນດຽວກັນ ດ້ວຍຜົນສຳເລັດສູງ.
No comments:
Post a Comment