ພິທີລະນຶກວັນສ້າງຕັ້ງໜັງສືພິມຜູ້ແທນປະຊາຊົນຂອງສະພາແຫ່ງຊາດ
ຄົບຮອບ 20 ປີ (12 ມິຖຸນາ
1996-12 ມິຖຸນາ 2016) ໄດ້ຈັດຂຶ້ນໃນວັນທີ
20 ມິຖຸນານີ້ ຢູ່ສະພາແຫ່ງຊາດ ໂດຍມີຄະ ນະບັນນາທິການ ແລະ ພະນັກງານໜັງສືພິມດັ່ງກ່າວ
ພ້ອມດ້ວຍຜູ້ຕາງໜ້າອົງການສື່ມວນຊົນຈາກຫລາຍຂະແໜງການເຂົ້າຮ່ວມເປັນຈຳນວນ ຫລາຍ.
ໃນໂອກາດນີ້, ທ່ານຫົວໜ້າກົມສື່ມວນຊົນຂອງສະພາແຫ່ງຊາດ ທັງເປັນຫົວໜ້າບັນນາທິ ການໜັງສືພິມຜູ້ແທນປະຊາຊົນ ທອງດາ ສຸພາສິດ
ໄດ້ຂຶ້ນລາຍງານໂດຍຫຍໍ້ປະຫວັດຄວາມເປັນມາຂອງ
ໜັງສືພິມວ່າ: ພາຍຫລັງວາລະສານຜູ້ແທນປະຊາຊົນໄດ້ຖືກສ້າງຕັ້ງຂຶ້ນໃນວັນທີ 12 ມິຖຸນາ 1996
ຂອງສະພາແຫ່ງຊາດຊຸດທີ III
ເພື່ອຂໍ່ານັບຮັບຕ້ອນວັນລັດຖະທຳມະນູນແຫ່ງຊາດ ຄົບຮອບ 5 ປີ ຄືວັນທີ 18 ສິງຫາ 1991-15 ສິງຫາ 1996, ທັງເປັນການຕອບສະໜອງຄວາມຮຽກຮ້ອງຕ້ອງ ການໃນການສະໜອງຂໍ້ມູນ-ຂ່າວສານໃນໄລຍະຂອງການດຳເນີນພາລະກິດປ່ຽນແປງໃໝ່ຮອບດ້ານຂອງພັກ
ໂດຍເນັ້ນໃສ່ການໂຄສະນາເຜີຍແຜ່ແນວທາງນະໂຍບາຍຂອງພັກ-ລະບຽບກົດໝາຍຂອງລັດ ແລະ
ການເຄື່ອນໄຫວວຽກງານຂອງສະພາແຫ່ງຊາດໃຫ້ສັງຄົມໄດ້ຮັບຮູ້ຢ່າງກວ້າງຂວາງ.
ແຕ່ປີ 1996-2006 ວາລະສານຜູ້ແທນປະຊາຊົນໄດ້ຈັດພິມເປັນລາຍໄຕມາດ (3 ເດືອນ) ແລະ ມາຮອດປີ 2007
ຈຶ່ງໄດ້ຈັດພິມເປັນລາຍ 2 ເດືອນ ແລະ ລາຍເດືອນຕາມລຳດັບ, ມາຮອດຕົ້ນປີ 2012 ໄດ້ພິມເປັນສະບັບລາຍອາທິດ ແລະ ຮອດປີ 2014 ຈຶ່ງເພີ່ມເປັນອາທິດລະ 2 ຄັ້ງ ຄືວັນຈັນ
ແລະ ວັນພະຫັດ ໃນຈຳນວນ 2.000 ສະບັບຕໍ່ອາທິດ.
ຕະຫລອດໄລຍະ 20 ປີຜ່ານມາ,
ວາລະສານຜູ້ແທນປະຊາຊົນໃນເມື່ອກ່ອນ
ກໍຄືໜັງສືພິມຜູ້ແທນປະຊາຊົນໃນປັດຈຸບັນໄດ້ມີການສືບຕໍ່ປັບປຸງທາງດ້ານເນື້ອໃນໃຫ້ມີຫລາກຫລາຍສີສັນທີ່ພົວພັນກັບພາລະບົດບາດ, ສິດ ແລະ ໜ້າທີ່ຂອງອົງການນິຕິບັນຍັດ, ການເປັນຕົວແທນແຫ່ງສິດຜົນປະ ໂຫຍດຂອງປະຊາຊົນ, ການຕົກລົງບັນຫາພື້ນຖານຂອງປະເທດຊາດ, ການຕິດຕາມກວດກາ ແລະ ອື່ນໆໃນຂອບການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມໄດ້ດີຕະຫລອດມາ. ຜົນສຳເລັດທີ່ຍາດມາໄດ້ນັ້ນແມ່ນຍ້ອນການຊີ້ນຳ-ນຳພາຂອງຄະນະປະຈຳສະພາແຫ່ງຊາດ
ກໍຄືການສະໜັບສະໜູນຊ່ວຍເຫລືອຂອງບັນດາເພື່ອນຮ່ວມງານ, ຜູ້ປະກອບການທຸລະກິດທັງພາກລັດ
ແລະ ເອກະຊົນ,
ແມ່ນໝາກຜົນຈາກການຮ່ວມມືຊ່ວຍເຫລືອດ້ານວິຊາການ, ວັດຖຸເຕັກນິກຈາກປະເທດເພື່ອນມິດເວົ້າລວມ, ເວົ້າສະເພາະກໍຄືໜັງສືພິມຜູ້ແທນປະຊາຊົນສະພາແຫ່ງຊາດ ສສ
ຫວຽດນາມ
ເພື່ອໃຫ້ໜັງສືພິມຂອງສະພາແຫ່ງຊາດກາຍເປັນສື່ສິ່ງພິມໜຶ່ງທີ່ອຸດົມສົມບູນດ້ວຍຂໍ້ມູນຂ່າວສານທີ່ຫລາກຫລາຍ, ເປັນເວທີແລກປ່ຽນຄຳຄິດເຫັນທີ່ສ້າງສັນ ຕິດພັນກັບພາລະບົດບາດຂອງສະພາແຫ່ງຊາດ.
No comments:
Post a Comment