ຂ່າວ : ຫນັງສືພິມ ປກສ |
ພາຍຫລັງເກີດເຫດລົດເມໂດຍສານສາຍລະຫວ່າງປະເທດ
ລາວ-ຫວຽດນາມ ລະເບີດຢ່າງຮຸນແຮງ ເມື່ອເວລາປະມານ 5:00 ໂມງ ໃນວັນທີ 2 ມິຖຸນາ 2016
ຢູ່ເສັ້ນທາງເລກ 12B
ຈຸດເກີດເຫດຫ່າງຈາກດ່ານສາກົນນາເພົ້າ-ຈໍ່ຫລໍ່ ແຂວງຄຳມ່ວນ
ປະມານ 6 ກິໂລແມັດ ສົ່ງຜົນເຮັດໃຫ້ມີຜູ້ເສຍຊີວິດຄາທີ່ 8 ຄົນ ແລະ
ບາດເຈັບສາຫັດອີກຈຳນວນໜຶ່ງ.
ທ່ານຮອງຫ້ອງຕຳຫລວດ ກອງບັນຊາການ ປກສ
ແຂວງຄຳມ່ວນ ພັນຕີ ວໍລະຈິດ ດວງລາຕີ ໃຫ້ຮູ້ວ່າ: ລົດເມຄັນດັ່ງກ່າວແມ່ນລົດເມຊັ້ນດຽວ
ໝາຍເລກທະບຽນ ບກ 3897 ກຳແພງນະຄອນ ເຊິ່ງແມ່ນທ້າວ ຫງວຽນດຶກຕູ່ ອາຍຸ 26 ປີ
ສັນຊາດຫວຽດນາມເປັນຄົນຂັບ ແລະ ມີຜູ້ໂດຍສານນັ່ງມາໃນລົດທັງໝົດ 14 ຄົນ
ເປັນຄົນສັນຊາດຫວຽດນາມທັງໝົດ ໂດຍອອກຈາກຄິວໂດຍສານທ່າແຂກ ແຂວງຄຳມ່ວນ ເພື່ອມຸ້ງໜ້າໄປຫວຽດນາມ, ພາຍໃນລົດເມຄັນດັ່ງກ່າວຍັງໄດ້ມີການ
ລັກລອບຂົນສິ່ງຜິດກົດໝາຍ
ຄືໄມ້ ແລະ ໝາກກະໂພກເປັນຈຳນວນຫລາຍຊຸກເຊື່ອງໄວ້ຢູ່ຫ້ອງມ້ຽນເຄື່ອງກ້ອງລົດ ແລະ
ໃນລະຫວ່າງການເດີນທາງເຮັດໃຫ້ລົດມີຄວາມຮ້ອນຈາກເຄື່ອງຈັກ ບວກກັບມີການຮຸກຖູ
ຈຶ່ງເຮັດໃຫ້ເກີດການລະເບີດຢ່າງຮຸນແຮງ ເຮັດໃຫ້ລົດເປ່ເພໝົດຄັນ
ສົ່ງຜົນໃຫ້ຜູ້ໂດຍສານເສຍຊີວິດຄາທີ່ 8 ຄົນ, ບາດເຈັບສາຫັດ 3 ຄົນ. ປັດຈຸບັນເຈົ້າໜ້າທີ່ໄດ້ກັກຕົວຜູ້ຂັບລົດຄັນດັ່ງກ່າວ
ເພື່ອສືບສວນ-ສອບສວນຂະຫຍາຍຜົນຫາທີ່ມາຂອງໄມ້ ແລະ ກະໂພກດັ່ງກ່າວ
ເພື່ອດຳເນີນຄະດີຕາມລະບຽບກົດໝາຍ.
No comments:
Post a Comment