ຄືນຂອງວັນທີ
24 ສິງຫາຜ່ານມານີ້,
ທີ່ໄອເຕັກມໍ ນະຄອນ ຫລວງວຽງຈັນ, ໄດ້ເປີດສາຍຮູບ ເງົາເກົາຫລີເລື່ອງ “ລົດໄຟໄປບູຊານ (Train to Busan)” ຮອບປະຖົມມະລຶກ, ໂດຍມີບັນດາສື່ມວນຊົນທຸກພາກສ່ວນ, ສິນລະປິນ,
ນັກຮ້ອງ ແລະ ນັກສະແດງຂອງລາວເຂົ້າຮ່ວມຊົມຢ່າງໜາແໜ້ນ ແລະ
ຮອບທົ່ວໄປແມ່ນຈະເລີ່ມເຂົ້າສາຍໃນວັນທີ 25 ສິງຫາເປັນຕົ້ນໄປ, ທີ່ໂຮງຮູບເງົາໄອເຕັກມໍ, ໂຮງຮູບເງົາວຽງຈັນເຊັນເຕີ ແລະ ໂຮງຮູບເງົາປາກເຊ.
ຮູບເງົາເລື່ອງດັ່ງກ່າວ
ຖືໄດ້ວ່າເປັນຮູບເງົາທີ່ມີຍອດຄົນເຂົ້າຊົມຫລາຍທີ່ສຸດ, ໃນມື້ເປີດໂຕທີ່ປະເທດເກົາຫລີ, ຊຶ່ງເນື້ອໃນຂອງເລື່ອງແມ່ນເວົ້າເຖິງການພະຈົນໄພຂອງຜູ້ຄົນກຸ່ມໜຶ່ງທີ່ພວມນັ່ງລົດໄຟ
ຈາກເມືອງໜຶ່ງໄປອີກເມືອງໜຶ່ງຂອງປະເທດເກົາຫລີ, ໃນນັ້ນ ຜູ້ຄົນທັງໝົດ ໄດ້ປະເສີນໜ້າກັບສິ່ງທີ່ບໍ່ເຄີຍພົບເຫັນ
ແລະ ເຄີຍມີມາກ່ອນ,
ໂດຍແມ່ນການຕິດເຊື້ອພະຍາດໜຶ່ງ, ທີ່ເກີດຂຶ້ນຢ່າງໄວວາ. ແຕ່ເມື່ອເຫດການມັນໄດ້ເກີດຂຶ້ນແລ້ວ, ຄວາມສາມັກຄີເທົ່ານັ້ນທີ່ຈະພາໃຫ້ພວກເຂົາມີຊີວິດລອດ ແລະ
ປອດໄພ.
ພິເສດ
ຮູບເງົາດັ່ງກ່າວ,
ໄດ້ພາກສຽງບັນຍາຍເປັນພາສາລາວ, ໂດຍທີມງານແຂ້ວ ແຫ້ງ ແລະ ອິນທາລາ, ນໍາທີມໂດຍ: ເຈ້ຍ ປາຊີຟິກ, DJ ຮຽງ, ບາບີ້, DJ ລິຄິດ, ນ້ອງ, ໄຊ ປາຊີຟິກ, ເປັດ ຍຸ້ມຍີ້ມ, ແຊມ ອິນທາລາ ແລະ ອາເລັກ LOG, ຊຶ່ງເປັນທິມງານທີ່ມີຄວາມສາມາດທາງດ້ານການສະ
ແດງ ແລະ ນ້ຳສຽງພາກທີ່ສື່ເຖິງອາລົມຂອງຮູບເງົາດັ່ງກ່າວ ແລະ
ເຮັດໃຫ້ຜູ້ຊົມເຂົ້າເຖິງຄວາມຮູ້ສຶກນັ້ນໄດ້.
No comments:
Post a Comment