ທະນາຄານລາວ-ຝຣັ່ງເປີດນຳໃຊ້ເຕັກໂນໂລຊີທັນສະໄໝ ເຂົ້າໃນການບໍລິການ

          ວັນທີ 26 ສິງຫາຜ່ານມານີ້, ທະນາຄານ ລາວ-ຝຣັ່ງ ຈຳກັດ (ທລຝ) ແລະ ອົງ ການ UNCDF ຂອງປະເທດອົສຕຣາລີ, ໄດ້ຮ່ວມລົງນາມໃນສັນຍາ ການຫັນປ່ຽນໄປສູ່ ການບໍລິການທາງການເງິນແບບດີຈີຕອນທີ່ສາມາດນຳໃຊ້ຜ່ານໂທລະສັບມືຖື, ໂດຍແມ່ນ ທ່ານ ກິໂຢມ ແປກດົງ ຜູ້ບໍລິ ຫານຂອງທະນາຄານດັ່ງກ່າວ ປະຈຳລາວ ແລະ ທ່ານ ເຟຊານ ອຸຍແຊງ ຫົວໜ້າອົງການ UNCDF.

          ໂຄງການດັ່ງກ່າວແມ່ນການສະໜັບສະໜູນທຶນຂອງອົງການ UNCDF, ເພື່ອນຳ ໄປຈັດຕັ້ງປະຕິບັດແຜນລິເລີ່ມລະບົບການຊຳລະສະສາງແບບດີຈີຕອນໃຫ້ແກ່ບັນດາທຸລະ ກິດຂະໜາດນ້ອຍທີ່ດຳເນີນການໂດຍແມ່ຍິງ ໃນສປປ ລາວ, ບັນດາຫ້າງຮ້ານ-ບໍລິສັດລາຍ ຍ່ອຍທີ່ເປີດໃຫ້ບໍລິການ. ນອກນີ້

ທະນາຄານຍັງມີແຜນຈະສົ່ງເສີມການເຂົ້າເຖິງການ ບໍລິການທາງການເງິນແບບດີຈີຕອນຂອງທຸລະກິດຂະໜາດຍ່ອຍປະມານ 7 ພັນແຫ່ງ, ໂດຍສ່ວນໃຫຍ່ແມ່ນເລັງໃສ່ບັນດາທຸລະກິດທີ່ດຳເນີນໂດຍແມ່ຍິງ. ສຳລັບການບໍລິການ ແບບໃໝ່ນີ້ແມ່ນການຫັນປ່ຽນການບໍລິການຂອງບັນດາບໍລິສັດໃນເຄືອ ຂ່າຍແບບເກົ່າໄປສູ່ລະບົບການເງິນແບບອີເລັກໂທຼນິກ ແລະ ນຳໃຊ້ລະບົບ ດັ່ງກ່າວເປັນຖານໃນການກ້າວໄປສູ່ການບໍລິການດ້ານການເງິນແບບດີຈີຕອນ (DFS) ທີ່ສາມາດນຳໃຊ້ຜ່ານໂທລະສັບມືຖື, ຊຶ່ງຈະຊ່ວຍໃຫ້ຜູ້ໃຊ້ບໍລິການສາ ມາດເຂົ້າເຖິງບັນຊີ ແລະ ການບໍລິການທາງການເງິນຮູບແບບອື່ນໆເຊັ່ນ: ການໂອນເງິນ, ການຊຳລະຄ່າບໍລິການ, ການຝາກ-ຖອນເງິນ ແລະ ອື່ນໆ.

          ປັດຈຸບັນ ທະນາຄານລາວ-ຝຣັ່ງ ມີໜ່ວຍບໍລິການທັງໝົດ 22 ແຫ່ງ, ໃນນັ້ນ ສະເພາະຢູ່ນະ ຄອນຫລວງວຽງຈັນມີ 12 ແຫ່ງ, ມີຕູ້ບໍລິການຖອນເງິນ (ATM) 43 ໜ່ວຍ. ທະນາຄານດັ່ງກ່າວ ຍັງໃຫ້ບໍລິການປ່ອຍເງິນກູ້, ຝາກເງິນ ແລະ ບັດເງິນສົດໃຫ້ນັກທຸລະກິດຂະໜາດນ້ອຍຫລາຍກວ່າ 22 ພັນແຫ່ງ ເພື່ອສະໜັບສະໜູນໃຫ້ປະຊາຊົນລາວ ສາມາດເຂົ້າເຖິງລະບົບການເງິນໄດ້ກວ້າງຂວາງທົ່ວເຖິງ.