ວັນທີ 31 ສິງຫານີ້, ກະຊວງການຕ່າງປະເທດ ໄດ້ມີພິທີວາງສີລາລຶກໂຄງການກໍ່ສ້າງຫ້ອງ ການສະຖາບັນການຕ່າງປະເທດຫລັງໃໝ່, ຢູ່ທີ່ສູນການຮ່ວມມືສາກົນ ແລະ ຝຶກອົບຮົມ (ICTC), ນະຄອນ ຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານ ສະເຫລີມໄຊ ກົມມະສິດ
ລັດຖະມົນຕີກະຊວງການຕ່າງປະເທດ, ມີຜູ້ຕາງໜ້າກະຊວງການເງິນ, ກະຊວງໂຍທາທິການ ແລະ ຂົນສົ່ງ, ກະ ຊວງແຜນການ ແລະ ການລົງທຶນ, ພ້ອມດ້ວຍບໍລິສັດຮັບເໝົາກໍ່ສ້າງ.
ທ່ານ ບຸນເຫລືອ ພັນດານຸວົງ ຫົວໜ້າຫ້ອງການກະຊວງການຕ່າງປະເທດ ໃຫ້ຮູ້ວ່າ:
ສະຖາບັນການຕ່າງປະເທດຫລັງເກົ່າມີຊື່ວ່າ: ໂຮງຮຽນການພົວພັນຕ່າງປະເທດ, ຊຶ່ງໄດ້ຮັບທຶນຊ່ວຍເຫລືອລ້າຈາກອົງການສະຫະປະຊາຊາດເພື່ອການພັດທະນາ
ເພື່ອບຳລຸງພາສາອັງກິດໃຫ້ແກ່ພະນັກງານກະຊວງຕ່າງໆ
ແລະ
ບັນດາຂະແໜງການທີ່ເຮັດວຽກພົວພັນກັບຕ່າງປະເທດ ແລະ
ອາຄານສະຖາບັນການຕ່າງປະເທດຫລັງໃໝ່ນີ້, ຊຶ່ງແມ່ນບໍລິສັດ ຈິດຈະເລີນ ກໍ່ສ້າງ ຈຳກັດຜູ້ດຽວ ເປັນຜູ້ຮັບເໝົາ, ມີມູນຄ່າການກໍ່ສ້າງທັງໝົດ 23 ຕື້ກວ່າກີບ,
ເປັນອາຄານ 3 ຊັ້ນ,
ມີຫ້ອງເຮັດວຽກ 8 ຫ້ອງ,
ຫ້ອງຝຶກອົບຮົມ 8 ຫ້ອງ,
ຫ້ອງປະຊຸມ 2 ຫ້ອງ,
ຫ້ອງຄອມພິວເຕີ 1 ຫ້ອງ,
ຫ້ອງຮັບແຂກ, ສ້າງມ້ຽນເຄື່ອງ ແລະ ຫ້ອງຟັງສຽງ, ຊຶ່ງເປັນອາຄານທັນສະໄໝມີລະບົບໄຟຟ້າ, ນ້ຳປະປາ,
ປ້ອງກັນອັກຄີໄພ, ລະບົບເຄເບີ້ນ ແລະ ເນັດເວີກ, ໂດຍຈະສ້າງໃຫ້ສຳເລັດພາຍໃນທ້າຍປີ
2018ນີ້ ແລະ ຍັງຈະສືບຕໍ່ສ້າງອາຄານຫໍພັກ, ອາຄານຫ້ອງອາຫານ, ຫ້ອງນ້ຳ,
ສະຖານທີ່ຈອດລົດ ແລະ ເດີ່ນກິລາ ມີມູນຄ່າ 36 ລ້ານກວ່າກີບ
ເພື່ອອຳນວຍຄວາມສະດວກໃຫ້ແກ່ສະຖາບັນການຕ່າງປະເທດ ໄດ້ດຳເນີນວຽກງານຕາມພາລະບົດບາດຂອງຕົນຢ່າງມີປະສິດທິພາບ. 
No comments:
Post a Comment