ໃນກອງປະຊຸມ
ທ່ານ ຄຳປະດີດ ເຂັມມານີ ຫົວໜ້າພະແນກຖະແຫຼ່ງຂ່າວວັດທະນະທຳ ແລະ ທ່ອງທ່ຽວນະຄອນລວງ, ຄະນະກຳມະການປະຕິສັງຂອນພະທາດຫຼວງໄດ້
ລາຍງານວ່າ: ການລະດົມ
ທຶນເພື່ອປະຕິສັງຂອນພະທາດຫຼວງມາຮອດປັດຈຸບັນລະດົມທືນໄດ້ແລ້ວຄື: ຄຳຫຼາຍກວ່າ 20 ກິໂລ 3 ບາດ. ເງິນ 2.256
ຕື້ກວ່າກີບ,
ເງິນບາດ 2.777.480 ບາດ, ເງິນໂດລາ 17.432 ໂດລາ,
ເງິນ ຢວນ 1.155 ຢວນ, ວັດຖຸ (ປະຕູໂຂງ) ມູນຄ່າ 135 ລ້ານກີບ, ສຳລັບການບູລະນະມາຮອດປັດ ຈຸບັນແມ່ນໃຊ້ຈ່າຍໄປແລ້ວຫຼາຍກວ່າ 305.508.000 ກີບ, ເຖິງຢ່າງໃດກໍຕາມເຖິງວ່າການປະຕິສັງ
ຂອນຈະມີຫຼາຍໜ້າວຽກທີ່ເຮັດສຳເລັດຕາມແຜນທີ່ວາງໄວ້, ແຕ່ກໍຍັງມີບາງຂໍ້ຄົງຄ້າງທີ່ຈະຕ້ອງໄດ້ແກ້ໄຂ, ເປັນຕົ້ນແມ່ນ:
ໄລຍະເວລາກະກຽມງານສັ້ນເກີນໄປຊຶ່ງເຮັດໃຫ້ການກະກຽມວຽກງານຕ່າງໆຂ້ອນຂ້າງເລັ່ງລັດເກີນໄປ, ການປະສານງານຂອງກອງເລຂາບໍ່ທັນວ່ອງໄວ, ເຮັດໃຫ້ວຽກງານຂອງແຕ່ລະອະນຸກຳມະການຍັງບໍ່ທັນໄດ້ຮັບຜົນສຳເລັດ, ຍັງມີຂໍ້ຂາດຕົກບົກຜ່ອງ,ເປັນຕົ້ນແມ່ນວຽກພິທີ ການ ແລະ ປ້ອງກັນ,ການໂຄສະນາປະຊາສຳພັນຍັງບໍ່ທັນກ້ວາງຂວາງເລິກເຊິ່ງ ແລະ
ຍັງບໍ່ທັນເປັນເຈົ້າການເທົ່າທີ່ຄວນ,ການຈັດງານສ່ວນຫຼາຍແມ່ນເປັນວຽກຮີບດ່ວນ ແລະ ເປັນວັນພັກລັດຖະການ,ເວລາຫ້າງຫາກະກຽມແມ່ນຈຳກັດ, ແຕ່ລະອະນຸກຳມະການທີ່ຖືກແຕ່ງຕັ້ງຍັງບໍ່ທັນມີການປຶກສາຫາລືກັນ ແລະ
ວາງແຜນໃຫ້ລະອຽດ,ຈຶ່ງເຮັດໃຫ້ການຈັດຕັ້ງປະຕິບັດວຽກມີຄວາມສົບສົນ.
ປະທານຄະນະກຳມະການປະຕິສັງຂອນພະທາດຫຼວງໄດ້ກ່າວວ່າ:
ເຖິງຢ່າງໃດກໍຕາມໃນຕໍ່ໜ້ານີ້,ທຸກພາກສ່ວນທີ່ກຽວຂ້ອງຈະຕ້ອງກຽມທຸກໜ້າວຽກເພື່ອຈັດງານສະເຫຼີມສະຫຼອງການສ້າງຕັ້ງທາດຫຼວງຄົບຮອບ
450 ປີໃຫ້ສຳເລັດຕາມຈຸດປະສົງ ແລະ ລະດັບຄາດໝາຍ, ໂດຍສະເພາະແມ່ນວຽກງານປະຕິສັງຂອນແມ່ນຕ້ອງໃຫ້ສຳເລັດຕາມໜ້າວຽກທີ່ວາງໄວ້, ພ້ອມທັງສືບຕໍ່ໂຄສະນາປະຊາ
ສຳພັນເພື່ອລະດົມວັດຖຸປັດໄຈເພື່ອຄວາມຄ່ອງຕົວທາງດ້ານການເງິນ ແລະ ຫຼີກເວັ້ນໜີ້ສິນ.
ໂອກາດນີ້ກອງປະຊຸມຍັງໄດ້ຫາລືແຕ່ງຕັ້ງຄະນະກຳມະການຮັບຜິດຊອບຈັດງານບຸນທາດລວງປີນີ້ອີກດ້ວຍ.
No comments:
Post a Comment