ເຊົ້າວັນທີ
16 ພະຈິກນີ້, ທ່ານລັດຖະມົນຕີກະຊວງຍຸຕິທຳ
ໄດ້ສະເໜີທາບທາມຮ່າງປະມວນກົດໝາຍອາຍາ ຕໍ່ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຊຸດທີ
8 ວ່າ: ກົດໝາຍດັ່ງກ່າວໄດ້ຖືກປຸບປຸງມາແລ້ວ 2 ຄັ້ງຄື:
ປີ
2001 ແລະ 2005, ນອກນີ້ ຍັງໄດ້ປັບປຸງສະເພາະມາດ ຕາ 146 ຂອງກົດໝາຍດັ່ງກ່າວ ໃນປີ
2012 ກ່ຽວກັບຢາເສບຕິດ, ເຊິ່ງໂຄງປະກອບຂອງຮ່າງປະ ມວນກົດໝາຍອາຍາ ຍັງຮັກສາໂຄງປະກອບພາກທົ່ວໄປ
ແລະ ພາກສະເພາະຂອງກົດໝາຍອາຍາສະບັບປັດຈຸບັນນັ້ນໄວ້, ຊຶ່ງມີຈຸດພິເສດແຕກຕ່າງຈາກໂຄງປະກອບຂອງຮ່າງກົດໝາຍທົ່ວໄປ, ໂດຍປະກອບມີ
2 ພາກໃຫຍ່ ແລະ 1 ພາກນ້ອຍ, 23 ໝວດ ແລະ 420 ມາດຕາຄື:
ພາກທີ 1 ພາກທົ່ວໄປ, ຊຶ່ງແມ່ນບົດບັນ ຍັດທີ່ກຳນົດໄວ້ໃນບັນດາຫລັກການ ແລະ
ລະບຽບການທົ່ວໄປຂອງກົດໝາຍອາຍາທີ່ມີ 11 ໝວດ, 109 ມາດຕາ, ພາກທີ 2 ພາກສະເພາະ, ຊຶ່ງແມ່ນພາກທີ່ກຳນົດການກະທຳອັນໃດ ເປັນການກະທຳຜິດທາງອາຍາ, ໃນພາກນີ້ມີ
12 ໝວດການກະທຳຜິດ, 309 ມາດ ຕາການກະທຳຜິດ, ໃນຈຳນວນ 309 ມາດຕາ (ການກະທຳຜິດ) ຊຶ່ງມີ
147 ການກະທຳຜິດໃໝ່ (ມາດຕາທີ່ເພີ່ມເຂົ້າໃໝ່ມີ 147 ມາດຕາ), ພາກທີ
3 ແມ່ນບົດບັນຍັດສຸດທ້າຍ ມີ
2 ມາດຕາຄື: ການຈັດຕັ້ງປະຕິບັດ ແລະ ຜົນສັກສິດຂອງປະມວນກົດໝາຍອາຍາ.
ທ່ານ
ໄຊສີ ສັນຕິວົງ ລັດຖະມົນຕີກະຊວງຍຸຕິທຳ
ໄດ້ສະເໜີວ່າ: ກົດໝາຍອາຍາ ນັບແຕ່ສະພາແຫ່ງຊາດ ໄດ້ຮັບຮອງເອົາໃນປີ
1989, ໂດຍສະເພາະ ພາຍຫລັງໄດ້ມີການປັບປຸງໃນປີ
2005 ຍັງມີບາງບັນຫາ, ບາງບົດບັນຍັດຂອງກົດໝາຍອາຍາ ທີ່ກຳນົດບໍ່ທັນລະອຽດ, ຄົບຖ້ວນ ບວກກັບສະພາບທາງດ້ານເສດຖະກິດ ແລະ ສັງຄົມຂອງປະເທດ, ໄດ້ມີການພັດທະນາເຕີບໃຫຍ່ຂະຫຍາຍຕົວຂຶ້ນ, ພ້ອມ ສປປ
ລາວ ກໍໄດ້ເຂົ້າເປັນພາຄີສົນທິສັນຍາສາກົນ
ຈຳນວນໜຶ່ງທີ່ພົວພັນກັບກົດໝາຍອາຍາ ເປັນຕົ້ນ ສົນທິສັນຍາກ່ຽວກັບສິດທິມະນຸດ, ສົນທິສັນຍາກ່ຽວກັບການຕ້ານການສໍ້ລາດບັງຫລວງ, ກ່ຽວກັບການຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ, ສົນທິສັນຍາກ່ຽວກັບການຕ້ານການຄ້າມະນຸດ, ພ້ອມກັບການສ້າງເປັນປະມວນກົດໝາຍອາຍານັ້ນ, ຊຶ່ງຈະເປັນປະ ມວນກົດໝາຍສະບັບທຳອິດຂອງລາວ ທີ່ມັນມີຄວາມຈຳເປັນຕ້ອງໄດ້ປັບປຸງບົດບັນຍັດຂອງກົດໝາຍສະບັບທີ່ນຳໃຊ້ໃນປັດຈຸບັນ ເພື່ອໃຫ້ຜູ້ແທນກອງປະຊຸມໄດ້ປະກອບຄຳຄິດຄຳເຫັນໃສ່ແຕ່ລະມາດຕາໃຫ້ລະອຽດຄົບຖ້ວນເພື່ອຜົນສັກສິດຂອງກົດໝາຍດັ່ງກ່າວ.
No comments:
Post a Comment