ນາຍົກລັດຖະມົນຕີແຫ່ງ ສປປ ລາວ ທອງສິງ ທຳມະວົງ ເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 23 ຢູ່ປະເທດບຣູໄນ ດາຣູຊາລາມ

             ກອງປະຊຸມສຸດຍອດອາຊຽນຄັ້ງທີ 23 ແລະ ບັນດາກອງ ປະຊຸມສຸດຍອດອື່ນໆທີ່ກ່ຽວຂ້ອງໄດ້ໄຂຂຶ້ນຢ່າງ ເປັນ ທາງການໃນຕອນເຊົ້າວັນທີ 9 ຕຸລາ 2013, ທີ່ ບັນດາ ສິຣິ ເບກາວັນ, ບຣູໄນ ດາຣູຊາລາມ. ທ່ານ ທອງສິງ ທຳມະ ວົງ ນາຍົກ ລັດຖະມົນຕີແຫ່ງ ສປປ ລາວ ໄດ້ນຳພາຄະນະຜູ້ ແທນແຫ່ງ ສປປ ລາວ ເຂົ້າຮ່ວມບັນດາກອງປະຊຸມສຸດຍອດ ດັ່ງກ່າວ.

        ໃນໂອກາດກອງປະຊຸມສຸດຍອດອາຊຽນ ຄັ້ງທີ 23 ນີ້, ບັນດາຜູ້ນຳອາຊຽນໄດ້ຮັບຊາບຄວາມຄືບໜ້າກ່ຽວກັບການສ້າງ ປະຊາຄົມອາຊຽນເ​​ຊິ່ງມີເປົ້າໝາຍໃຫ້ສຳເລັດໃນປີ 2015 ແລະ ໄດ້້ສະແດງຄວາມຍິນດີທີ່ບັນດາຂະແໜງການທີ່ກ່ຽວຂ້ອງ ຂອງອາຊຽນໄດ້ສຳເລັດການທົບທວນການຈັດຕັ້ງປະຕິບັດແຜນ ແມ່ບົດປະຊາຄົມອາຊຽນທັງ 3 ເສົາຄ້ຳ, ແຜນວຽກໄລຍະ 2 ຂອງຂໍ້ລິເລີ່ມເພື່ອການເຊື່ອມໂຍງອາຊຽນແລະແຜນແມ່ບົດ ກ່ຽວກັບການເຊື່ອມຈອດອາຊຽນ. ພ້ອມກັນນັ້ນ, ບັນດາຜູ້ນຳ ອາຊຽນກໍໄດ້ປຶກສາຫາລືກ່ຽວກັບທິດທາງການຮ່ວມມືພາຍຫລັງ ການສ້າງປະຊາຄົມອາຊຽນໃນປີ 2015 ດ້ວຍການຮັບຮອງ ເອົາຖະແຫລງການບັນດາສິຣິເບກາວັນວ່າດ້ວຍວິໄສທັດຂອງປະ

ໂທລະພາບແຫ່ງຊາດລາວສືບຕໍ່ຮັບເງິນຊ່ວຍເຫລືອຜູ້ປະສົບໄພນ້ຳຖ້ວມ 4 ແຂວງພາກໃຕ້

           ກະຊວງ​ໄປສະນີໂທລະ​ຄົມມະນາຄົມ ​ແລະ ການ​ສື່ສານໄດ້​ນຳ​ເອົາ​ເງິນ​ຈຳນວນ 102 ລ້ານ​ກີບ ເຊິ່ງ​ເປັນ​ເງິນ​ທີ່​ໄດ້​ຈາກ​ການ​ລະດົມ​ຈາກ​ບໍລິສັດ, ລັດ​ວິ​ສາ​ຫະກິດ​ຕ່າງໆ​ມາ​ມອບ​ໃຫ້​ສະ ຖານ​ນີ​ໂທລະພາບ​ແຫ່ງ​ຊາດລາວ ​ເພື່ອ​ນຳ​ໄປ​ຊ່ວຍ​ເຫລືອ​ຜູ້ປະ ສົບ​ໄພ​ທຳ​ມະ​ຊາດ​ຢູ່ 4 ​ແຂວງ​ພາກ​ໃຕ້ ຄື: ສາລະ​ວັນ,ຈຳປາ​ສັກ, ​ເຊ​ກອງ ​ແລະ ​ແຂວງ​ອັດຕະປື ເຊິ່ງ ພິທີ​ມອບ​-ຮັບເງິນຈຳ ນວນ​ດັ່ງກ່າວ ມີ​ຂຶ້ນ​ໃນ​ວັນ​ທີ 9 ຕຸລານີ້, ຢູ່ສະຖານ​ນີໂທລະພາບແຫ່ງ​ຊາດ, ນະຄອນຫລວງ​ວຽງ​ຈັນ ຕາງ​ໜ້າ​ມອບໂດຍ​ແມ່ນ​ທ່ານ ຫຽມ ພົມມະຈັນ ລັດຖະມົນຕີ​ວ່າການ​ກະຊວງ​ໄປສະນີ ​ໂທລະ​ຄົມມະ ນາຄົມ ​ແລະ ການ​ສື່ສານ ​ແລະ ຮັບ​ໂດຍທ່ານ ສະຫວັນ​ຄອນ ຣາຊມຸນຕຣີ ລັດຖະມົນຕີ​ຊ່ວຍ​ວ່າການ​ກະຊວງ​ຖະ​ແຫລ​ງຂ່າວ, ວັດທະນະທຳ ແລະ ທ່ອງ​ທ່ຽວ, ມີບັນດາ​ທ່ານ​ຜູ້​ຕ່າງ​ໜ້າ​ຈາກ​ບໍລິສັດ, ພະນັກງານ ​ແລະ ພາກ ສ່ວນ​ກ່ຽວຂ້ອງ​ເຂົ້າ​ຮ່ວມ​ເປັນ​ສັກຂີ່​ພິຍານ. ​ເງິນ​ຈຳ ນວນ​ດັ່ງ ກ່າວ​ ແມ່ນກະຊວງ​ໄປສະນີ ໂທລະ​ຄົມມະ ນາຄົມ ​ແລະ ການ​ສື່ສານ ​ໄດ້​ລະ ດົມ​ຈາກ​ບັນດາ​ບໍລິສັດ​ຕ່າງໆ, ​ໃນ​ນັ້ນ ປະກອບມີບໍລິ

ນະຄອນຫວງກຳນົດຄ່າຝາກລົດໃນບຸນຊ່ວງເຮືອບໍ່ໃຫ້ເກີນ 15 ພັນກີບ

ພາບປະກອບທາງອິນເຕີເນັດ

        ໃນໂອກາດຖະແຫຼງຂ່າວການກະກຽມງານບຸນອອກ ພັນສາ ປະວໍລະນາ ແລະ ບຸນຊ່ວງເຮືອປະຈຳປີ 2013, ທ່ານ ສາຍ ທອງ ແກ້ວດວງດີ ຮອງເຈົ້າຄອງນະຄອນຫຼວງວຽງຈັນ, ໄດ້ເປີດເຜີຍກ່ຽວກັບການກຳນົດຄ່າຝາກລົດໃນບຸນຊ່ວງ ເຮືອປະຈຳປີ 2013, ທີ່ສັງຄົມຍັງເປັນຫວ່ງ ແລະ ຄາດວ່າຈະ ບໍ່ມີການສວຍໂອກາດຄືດັ່ງປີຜ່ານມາ ວ່າ: ໃນງານອອກພັນສາ ແລະ ບຸນຊ່ວງ ເຮືອປີນີ້ທາງນະຄອນຫຼວງໄດ້ມີຂໍ້ກຳນົດຕໍ່ຜູ້ ໃຫ້ບໍລິການຝາກລົດ, ນັບທັງສະຖານທີ່ໃຫ້ສຳປະທານ ແລະ ສະຖານທີ່ສ່ວນ ຕົວ, ຕ້ອງໄດ້ປະຕິບັດຕາມຂໍ້ກຳນົດທີ່ວາງອອກ ຢ່າງເຂັ້ມງວດຄື: ຄ່າບໍລິການຝາກລົດໃຫຍ່ທຸກປະເພດບໍ່ໃຫ້ເກີນ 15 ພັນ ກີບ/ ຄັນ, ລົດຈັກບໍ່ໃຫ້ເກີນ 10 ພັນກີບ/ຄັນ, ລົດ ຖີບບໍ່ໃຫ້ເກີນ 2 ພັນ ກີບ/ ຄັນ ແລະ ຄ່າບໍລິການຫ້ອງ ນ້ຳ 2 ພັນກີບ/ ຄັ້ງ ເຊິ່ງ ທັງໝົດນີ້ ໄດ້ມອບໃຫ້ອານຸກຳມະ ການ ກ່ຽວຂ້ອງສົມທັບກັບເຈົ້າໜ້າທີ່ເປັນຜູ້ຕິດຕາມກວດກາ, ຫາກໃນກໍລະນີມີການສວຍ ໂອກາດຂື້ນລາຄາເກີນກວ່າ ທີ່ກຳນົດໄວ, ຈະໄດ້ມີການຕັກເຕືອນ, ປັບໃໝຕໍ່ຜູ້ກະທຳຜິດຕາມແຕ່ລະກໍນີ.

ລັດ​ອອກ​ມາດ​ຕະການລົງ​ວິ​ໄນ​ເຈົ້າໜ້າ​ທີ່​ລັດຜູ້​ມີ​ສ່ວນ​ກ່ຽວຂ້ອງກັບການສົ່ງໄມ້ອອກຕ່າງປະເທດຜິດກົດໝາຍ

          ອີງ​ຕາມ​ການ​ຕົກລົງ​ຂອງ​ນາຍົກລັດຖະມົນຕີ​ໃນ​ວັນ​ທີ 28 ສິງຫາ 2013, ຫ້ອງ​ວ່າການ​ລັດຖະບານ ​ໄດ້​ອອກ​ແຈ້ງ​ການ​ສະ ບັບ​ເລກທີ 1332/ຫລບ, ລົງ​ວັນ​ທີ 29 ສິງຫາ 2013 ​ເພື່ອ​ໃຫ້​ປະຕິບັດ​ມາດ​ຕະການ​ກັບ​ບໍລິສັດ​ສົ່ງ​ໄມ້​ອອກຕ່າງປະເທດທີ່​ບໍ່​ຖືກຕ້ອງ​ຕາມ​ລະບຽບ​ກົດໝາຍ​ຢູ່​ດ່ານ​ພາ ສີ​ລະ​ໄລ ​ແຂວງ​ສາລະ​ວັນ ຕາມ​ທີ່​ກະຊວງ​ການ​ເງິນ​ສະ​ເໜີ​ມາ​ຢ່າງ​ເຂັ້ມງວດ ຄື​ໃຫ້​ກົມ​ພາສີ​ເຊີນ​ບໍລິ ສັດ​ຜູ້​ສົ່ງ​ອອກ​ໄມ້ດັ່ງກ່າວມາ​​ຮັບ​ຊາບ​ຜົນ​ການ​ກວດກາ​ຂໍ້​ມູນ​ການ​ສົ່ງ​ໄມ້​ອອກທີ່​ບໍ່​ຖືກຕ້ອງ​ຕາມ​ລະ ບຽບ​ກົດໝາຍ ​ແລະ ​ໃຫ້​ກະຊວງ​ການ​ເງິນ​ອອກ​ໃບ​ສັ່ງ​ມອບ​ລາຍ​ຮັບ​ງົບປະມານ ​ເປັນຕົ້ນຄ່າ​ຊັກ​ພິ​ເສດ 30% ​ແລະ ຄ່າ​ປັບ​ໄໝ 30% ຂອງ​ມູນ​ຄ່າ​ການ​ຊື້-ຂາຍ​ຕາມ​ໂຕ​ເລກທີ່​ຝ່າຍ​ຫວຽດນາມ​ສະໜອງ​ໃຫ້, ຖ້າ​ບໍລິສັດ​ບໍ່​ຍອມ​ປະຕິບັດ​ແມ່ນ​ໃຫ້​ດຳ​ເນີນ​ການ​ປະກອບ​ເອກະສານ​ຮ້ອງ​ຟ້ອງ​ສານ​ພິຈາ ລະນາ​ຕັດສິນ​ຕາມ​ຂະ​ບວນຍຸ​ຕິ​ທຳ. ສຳລັບ​ເຈົ້າໜ້າ​ທີ່​ພາສີ​ກ່ຽວ ຂ້ອງ​ມອບ​ໃຫ້​ຄະນະ​ພັກ​ກະຊວງ​ການ​ເງິນ​ປະຕິບັດ​ມາດ​ຕະການ​ຂຽນ​ໃບສຳ​ຫລວດ​ຄວາມ​ຮັບຜິດ ຊອບ, ​ເປີດ​ບັ້ນດຳ​ເນີນ​ຊີວິດ​ການ​ເມືອງ​ພາສີ​ເຂດ IV ​ແລະ ພາສີ​ດ່ານ​ລະ​ໄລ, ຍົກຍ້າຍ​ຄະນະ​ພາສີ​ດ່ານ​ໄປ​ຮັບ​ໜ້າ​ທີ່​ອື່ນ ​ແລະ ​ແຕ່ງ ຕັ້ງຜູ້​ໃໝ່​ປ່ຽນ​ແທນ, ​ໃຫ້​ປັບປຸງ​ຄະນະ​ພາສີ​ເຂດ

ວຽກ​ຈຸດ​ສຸມ​ຂອງ​ລັດ​ໃນການ​ຈັດຕັ້ງປະຕິບັດແຜນ​ພັດທະນາ​ເສດຖະກິດ-ສັງຄົມໃນ​ເຄິ່ງທ້າຍ​ສະ​ໄໝ

         ການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ​ໃນ​ເຄິ່ງທ້າຍ​ສະ​ໄໝ​ນີ້, ລັດຖະບານ​ຍັງ​ສືບຕໍ່​ຮັກສາ​ສະຖຽນ​ລະ​ພາບ​ທາງ​ດ້ານ​ການ​ເມືອງ​ໃຫ້​ໜັກ​ແໜ້ນ, ຕິດ​ພັນ​ກັບ​ການ​ຮັບປະກັນ​ຄວາມ​ສະຫງົບ​ປອດ​ໄພ ​ແລະ ຄວາມ​ເປັນ​ລະບຽບ​ຮຽບ ຮ້ອຍ​ໃນ​ສັງຄົມ​ໃຫ້​ດີ​ຂຶ້ນຕື່ມ​ອີກ​ເພື່ອ​ເປັນ​ເງື່ອນ​ໄຂ​ອຳນວຍ​ໃຫ້​ແກ່​ການ​ພັດທະນາ ຄືສະກັດ​ກັ້ນທຸກ​ກົນອຸບາຍ ​ແລະ ການ​ເຄື່ອນ​ໄຫວ​ທຳລາຍ​ມ້າງ​ເພ​ຂອງ​ອິດ​ທິກຳລັງ​ປໍ​ລະ​ປັກ, ຕັ້ງໜ້າ​ແກ້​ໄຂ​ໜໍ່​ແໜງ​ຂອງ​ຄວາມ​ບໍ່​ສະຫງົບ ​ເປັນຕົ້ນ ປາກົດການ​ຫຍໍ້​ທໍ້​ໃນ​ສັງຄົມ​ໃຫ້​ຫລຸດ​ໜ້ອຍ​ຖອຍ​ລົງ​ເຊັ່ນ: ອຸປະຕິ​ເຫດ​ຕາມ​​ຖະໜົນ, ຂີ້ລັກ​ງັດ​ແງະ, ປຸ້ນ​ຊັບ-ຊີງ​ຊັບ​ພົນລະ​ເມືອງ, ກຸ່ມ​​ແກ໊ງມົ້ວ ສຸມ​ໄພ​ສັງຄົມ, ບັນຫາຢາ​ເສບ​ຕິດ, ການ​ຄ້າຂາຍ​ເຖື່ອນ (ຄ້າ​ໄມ້​ເຖື່ອນ) ​ແຮ່​ເຖື່ອນ ​ແລະ ການ​ປັ່ນ​ປ່ວນ​ທາງ​ດ້ານ​ເສດຖະກິດ- ການ​ເງິນ-​ເງິນຕາ ​ແລະ ລາຄາ​ສິນຄ້າ. ຮັບປະກັນ​ໃຫ້ການ​ເຕີບ​ໃຫຍ່​ຂອງ​ເສດຖະກິດ​ບັນລຸ​ລະດັບ​ຫລາຍ​ກວ່າ 8% ​ໃນ​ແຕ່ລະ​ປີ ​ແລະ ​ເສດຖະກິດ​ມະຫາ​ພາກ​ມີ​ສະຖຽນ​ລະ​ພາບ. ພ້ອມ​ກັນນັ້ນ ກໍ​ດັດສົມ​ການ​ຂະຫຍາຍຕົວ​ໃຫ້​ຖືກ​ທິດ ​ໂດຍ​ການ​ດຳ​ເນີ​ນນະ​ໂຍບາຍ ​ແລະ ມາດ​ຕະການ​ຈຳນວນ​ໜຶ່ງ​ດັ່ງນີ້:

ການກໍ່ສ້າງທາງແບບປະຊາຊົນມີສ່ວນຮ່ວມຍັງບໍ່ເປັນເອກະພາບ

            ບັນຫາການກໍ່ສ້າງເສັ້ນທາງຊອຍເຂົ້າບ້ານ, ຢູ່ຕາມເມືອງຕ່າງໆໃນນະຄອນ ຫຼວງວຽງຈັນ ເຊິ່ງໄດ້ເລີ່ມດຳເນີນມາແຕ່ 2-3 ປີກ່ອນ, ເຫັນວ່າປະຊາຊົນມີຄວາມ ຕື່ນຕົວ, ປະກອບສ່ວນເຂົ້າໃນການກໍ່ສ້າງພື້ນຖານໂຄງລ່າງດັ່ງກ່າວຢ່າງມີປະສິດທິ ຜົນ, ພາຍຫຼັງລັດຖະບານ, ,ໄດ້ພະຍາຍາມປຸກລະດົມປະຊາຊົນໃຫ້ເຂົ້າຮ່ວມກັບຂະ ບວນການທາງຊອຍດັ່ງກ່າວ, ບົນພື້ນຖານ ລັດ ແລະ ປະຊາຊົນຮ່ວມກັນເຮັດຄື: 70% ແລະ  30 % ,ຈາກນັ້ນໄດ້ມີການຈັດຕັ້ງປະຕິບັດການກໍ່ສ້າງຢູ່ເກືອບທຸກບ້ານ, ເຮັດໃຫ້ບ້ານຕ່າງໆມີເສັ້ນທາງຊອຍປູດ້ວຍເບຕົງຫຼາຍແຫ່ງເກີດຂຶ້ນອັນໄດ້ເຮັດ ໃຫ້ການສັນຈອນໄປມາມີຄວາມສະດວກສະບາຍປາສະຈາກຄວາມເປະ ເປື້ອນ ເກີດຂື້ນ, ແຕ່ເຖິງຢ່າງໃດກໍດີ, ເຖິງວ່າຂະບວນການນີ້ຈະກ້າວກະໂດດຢ່າງໄວວາ, ການສະ ຫຼະຊັບຂອງປະຊາຊົນຈະມີຂື້ນຢ່າງຫຼວງຫຼາຍເຖິງວ່າບາງຄອບຄົວຍັງນອນຢູ່ໃນສະພາບທຸກຍາກ, ຂາດເຂີນ, ແຕ່ເຂົາເຈົ້າ ກໍໄດ້ພະຍາຍາມປະກອບສ່ວນຊັບຕາມຄວາມອາດສາມາດ.

       ແຕ່ຕົກມາຮອດທ້າຍປີ 2013 ນີ້, ເນື່ອງຈາກສະພາບເສດຖະກິດມີຄວາມຍຸງຍາກ, ລັດຖະບານຈຶ່ງ ໄດ້ສັ່ງໂຈະບັນດາ ໂຄງການກໍ່ສ້າງທີ່ລົງທືນກ່ອນ, ສ່ວນຫຼວງຫຼາຍມີລາຄາສູງກ່ວາຄວາມເປັນຈິງ, ຍາກໃນການສຳລະສະສາງ, ແຕ່ປັດຈຸບັນໂຄງ

ບີລາຍເປີດບໍລິການອິນເຕີເນັດດ້ວຍສາຍໃຍແກ້ວສຳລັບຄອບຄົວ

      ເພື່ອ​ຂະຫຍາຍ​ຕະຫຼາດ ​ແລະ ການ​ບໍລິການ​ລູກ​ຄ້າ​ໃຫ້​ຫຼາຍຂື້ນ ບໍລິສັດ ວິມ​ເປ​ວຄອມ​ລາວ ຈຳກັດ ( ບີ​ລາຍ ) ໄດ້​ນຳ​ເອົາ​ຜະລິດຕະພັນ​ໃໝ່​ໃຫ້​ສັງຄົມ​ໄດ້​ຊົມ​ໃຊ້ ໂດຍ​ສະໜອງອິນ​ເຕີ​ເນັດ​ສຳລັບ​ຄອບ ຄົວ​ຜ່ານສາຍ​ໃຍ​ແກ້ວ​ນຳ​ແສງ ທີ່​ສາມາດ​ດາວ​ໂຫຼດ ​ແລະ ອັບ​ໂຫຼດ ​ໂປຼ​ແກມ​ຕ່າງໆ ​ໄດ້​ສະດວກ​ວ່ອງ​ໄວ ​ແລະ ສັນຍານ​ບໍ່ຂັດຂ້ອງ​ ເຊິ່ງ​ຖື​ວ່າ ກຳລັງ​ໄດ້​ຮັບ​ຄວາມ​ນິຍົມ​ສູງ​ຢູ່ຫຼາຍປະ​ເທດ ​ແລະ ຢູ່​ລາວ ກໍ​ເປັນ​ບໍລິສັດ ທຳ​ອິດ​ທີ່​ເປີດ​ໃຫ້​ບໍລິ ການ ດັ່ງກ່າວ​ນີ້ ບໍ່​ຮອດສອງ​ອາ ທິດ ກໍມີ​ລູກ​ຄ້າ​ມາ​ສັ່ງ​ຈອງ​ແລ້ວ ກ່ວາ 100 ຄົນ ເຊິ່ງ​ທາງ​ບໍລິສັດ​ຄາດ​ວ່າ ​ໃນ​ປີນີ້ ຈະ​ສາມາດ​ໃຫ້​ບໍລິການ​ລູກ​ຄ້າ ຢູ່​ໃນ​ຕົວ​ເມືອງ ນະຄອນຫຼວງວຽງຈັນ ກ່ອນ​ຈະ​ຂະຫຍາຍ​ໄປ​ສູ່​​ແຂວງອື່ນໆ.

             ທ່ານ ຢັດ​ເຊີ ມາ​ເຮີ ຜູ້ອຳ ນວຍການ​ໃຫຍ່ ບີ​ລາຍ​​ໄດ້ ແນະ ນຳ​ຜະລິດ​ຕະພັນ​ໃໝ່ຂອງ​ຕົນ ໃນ​ວັນ​ທີ 8 ຕຸລາ ນີ້ ວ່າ: ​ໄຟ​ເບີ ແມ່ນ​ອິນ​ເຕີ​ເນັດ​ຄວາມ​ໄວ​ສູງ​ທີ່​ນຳ​ໃຊ້​ສາຍ​ໃຍ​ແກ້ວ ນຳ​ແສງ ​ເປັນ​ເຕັກ​ໂນໂລ​ຢີ​ໃໝ່ລ້າ​ສຸດ​ຂອງ​ໂລກ ດ້ວຍ​ຄວາມ​ໄວ​ສູງ​ສຸດ 100 Mbps ພ້ອມ​ຮັບປະກັນ​ສັນຍາຍ ​ແລະ ບໍ່ມີ​ສິ່ງຂັດຂ້ອງ​ໃດໆ ເຊິ່ງການ​ບໍລິ ການ​ດັ່ງກ່າວ​ສາມາດ​ເຮັດ​ໃຫ້ ພວກ​ເຮົາ​

ຟັງແລ້ວເສົ້າໃຈ “ ຂອງຂວັນວັນຄູ ” ( ຄໍລຳ ແລກປ່ຽນຄຳເຫັນ )

     ວັນຄູແຫ່ງຊາດ 7 ຕຸລາ ໄດ້ ໝູນວຽນມາຄົບຮອບ 19 ປີ (7/10/1994 - 7/10/2013) ແລະ  ປີນີ້ກໍເປັນປີທຳອິດທີ່ລັດ ຖະມົນຕີກະຊວງສຶກສາທິການ ແລະ ກິລາ ໄດ້ອອກຄຳສັ່ງແນະນຳໃຫ້ບັນດາແຂວງ, ເມືອງ ແລະ ສະຖາບັນການສຶກສາຕ່າງໆ ໃນທົ່ວປະເທດເອົາໃຈໃສ່ຈັດຕັ້ງການສະເຫລີມສະຫລອງວັນປະຫວັດສາດສຳຄັນດັ່ງກ່າວດ້ວຍບັນຍາກາດຟົດຟື້ນມ່ວນຊື່ນ ແລະ ມີເນື້ອໃນເລິກເຊິ່ງ ເພື່ອຍົກໃຫ້ເຫັນບົດບາດສຳຄັນຂອງຄູ, ຜົນງານ ແລະ ຂໍ້ຄົງຄ້າງຕ່າງໆຂອງວຽກງານສຶກສາຢູ່ພາຍໃນ ທ້ອງຖິ່ນ ແລະ ສະຖາບັນຂອງຕົນ ເພື່ອຈະໄດ້ພ້ອມກັນສົ່ງເສີມບັນດາຈຸດດີ, ປັບປຸງແກ້ໄຂບັນດາຈຸດອ່ອນຄົງຄ້າງໃຫ້ໝົດໄປ ແລະ ພິເສດໃນຄຳສັ່ງແນະນຳດັ່ງກ່າວແມ່ນໃຫ້ຫລີກເວັ້ນການມອບຂອງຂວັນ-ລາງວັນຕ່າງໆທີ່ບໍ່ຈຳເປັນໃຫ້ຄູ-ອາຈານ ເພື່ອບໍ່ເ ປັນການຟຸມເຟືອຍສິ້ນເປືອງວັດຖຸເງິນຄຳຂອງນັກຮຽນ-ນັກສຶກສາກໍຄືຜູ້ປົກຄອງທັງຫລາຍ, ແຕ່ແລ້ວ ສິ່ງດັ່ງກ່າວກໍຍັງປາກົດ ມີຂຶ້ນຢູ່ບາງທ້ອງຖິ່ນ ແລະ ມີລັກສະນະຮ້າຍແຮງກວ່າເກົ່າ, ຟັງແລ້ວເສົ້າໃຈກັບຖັນແຖວຄູ-ອາຈານ.

    ແຫລ່ງຂ່າວທ້ອງຖິ່ນລາຍງານໃຫ້ຮູ້ວ່າ: ພໍ່ແມ່ ແລະ ຜູ້ປົກຄອງນັກຮຽນຫລາຍຄົນຢູ່ໃນທ້ອງຖິ່ນຕ່າງໆສະແດງຄວາມບໍ່ພໍ ໃຈອອກມາວ່າ: ບໍ່ຮູ້ວ່າດ້ວຍເຫດຜົນໃດ, ພາຍຫລັງມີຄຳສັ່ງແນະນຳຂອງລັດຖະມົນຕີກະຊວງສຶກສາທິການ ແລະ ກິລາອອກ ມາວ່າ: ໃນໄລຍະສະຫລອງວັນຄູແຫ່ງຊາດແມ່ນໃຫ້ຫລີກເວັ້ນການມອບຂອງຂວັນຂອງຕ້ອນໃຫ້ພະນັກງານຄູ-ອາຈານ, ແຕ່ ແລ້ວສິ່ງດັ່ງກ່າວກັບມາຮ້າຍແຮງກວ່າເກົ່າ. ຜູ້ລາຍງານຂ່າວໃຫ້ຮູ້ວ່າ: ໃນຜ່ານມາການໃຫ້ຂອງຂວັນຄູ-ອາຈານແມ່ນແລ້ວແຕ່

ຊຽງຂວາງ ສະຫລອງນາມມະຍົດໂຮງຮຽນມັດທະຍົມ ເມືອງແປກວິລະຊົນ

     ໃນໂອກາດວັນຄູແຫ່ງຊາດຫມູນວຽນມາຄົບຮອບ 19 ປີ ໃນ ປີນີ້ແຂວງຊຽງຂວາງໄດ້ຈັດງານສະເຫລີມສະຫລອງນາມ ມະຍົດໂຮງຮຽນມັດທະຍົມເມືອງແປກວິລະຊົນ ແລະ ວັນຄູແຫ່ງຊາດຂຶ້ນ ເຊິ່ງມີທ່ານ ສຈ.ດຣ ສົມກົດ ມັງ ຫນໍ່ເມກ ກຳມະ ການສູນກາງພັກ, ເຈົ້າແຂວງຊຽງຂວາງ, ທ່ານ ພູ ມີ ທິບພະວອນ ອະດີດເຈົ້າແຂວງ ຊຽງຂວາງ ແລະ ຜູ້ເປັນອະດີດ ຫົວຫນ້າ ອຳນວຍການໂຮງຮຽນດັ່ງກ່າວ ພ້ອມດ້ວຍຄູອາຈານ ແລະ ນັກຮຽນແຕ່ລະຮຸ່ນເປັນຈຳນວນຫລາຍ ໃນພິທີ ທ່ານ ພູມີ ທິບ ພະວອນ ໄດ້ເລົ່າມູນເຊື້ອອັນພິລະອາດຫານຂອງຄູອາຈານ ແລະ ນັກຮຽນໃນໂຮງຮຽນແຫ່ງນີ້  ໃນການຕໍ່ສູ້ກູ້ຊາດຄຽງຄູ່ກັບ ການສິດສອນຮ່ຳຮຽນຈົນໄດ້ຮັບນາມ ມະຍົດເປັນໂຮງຮຽນວິລະຊົນ ແຫ່ງດຽວໃນປະເທດລາວ ເຊິ່ງ ເບື້ອງຕົ້ນມີຄູອາຈານ 4 ຄົນ, ມີ ນັກຮຽນທັງຫມົດ 110 ຄົນ, ທ່ານ ພູມີ ທິບພະວອນ ຍົກໃຫ້ເຫັນມູນ ເຊື້ອດັ່ງກ່າວ ດັ່ງຊຸດໄປລຳລຽງ ໃຫ້ແນວຫນ້າ ເຂດນ່ານ, ພູສູງ, ສາລາພູຄານ 3-4 ເດືອນ ມີ ຄູນັກ ຮຽນ 64 ຄົນ ປະກອບອາວຸດ ຄົບມື, ຫລັງເປ້ເຄື່ອງຂອງ ແລະ ລູກກະ ສູນໄປໃຫ້ແນວຫນ້າ, ແຕ່ລ ະຄົນແຂ່ງຂັນກັນເປ້ນ້ຳຫນັກ ແຕ່ 30 ກິໂລຂຶ້ນໄປ ຜູ້ໃດບໍ່ໄດ້ສົ່ງ ອາວຸດຍຸດໂທປະກອນຮອດຈຸດ ຫມາຍທະຫານຢູ່ແມ່ນເສຍໃຈ. ການຊອກຢູ່ຫາກິນລ້ຽງຊີບປະຈຳວັນແມ່ນຕາມທຳມະຊາດ ຫໍພັກແມ່ນມຸງດ້ວຍຫຍ້າຄາ ຕາມຫາໄດ້, ທຸກສິ່ງທຸກຢ່າງເພື່ອແນວຫນ້າທຸກສິ່ງທຸກຢ່າງເພື່ອຕີເອົາຊະນະຈັກກະພັດອາເມລິກາ.  ຈາກນັ້ນຕາງຫນ້າກົມວິທະ ຍາສາດ-ປະຫວັດສາດການທະຫານ ທ່ານ ພັນໂທ ບົວໃສ ແພງສົມບັດ ໄດ້ຂຶ້ນກ່າວເຖິງມູນເຊື້ອໂຮງຮຽນມັດທະຍົມເມືອງ ແປກວິລະຊົນເຊິ່ງທ່ານກ່າວວ່າ ເ ເມືອງແປກຢູ່ໃນໃຈກາງສົງຄາມ ແຕ່ປີ 1964-1973, ປະຊາຊົນເມືອງແປກ ສູນເສຍທຸກສິ່ງ

ເປີດກອງປະຊຸມໂຄງການກັນຕາບອດຂອງບັນດາປະເທດອິນດູຈີນຄັ້ງທີ IX ຢູ່ເມືອງປາກເຊ

          ກອງປະຊຸມໂຄງການກັນຕາບອດຂອງບັນດາປະ ເທດອິນ ດູຈີນຄັ້ງທີ IX ໄດ້ໄຂຂຶ້ນຢ່າງເປັນທາງການໃນຕອນ ເຊົ້າວັນ ທີ 8 ຕຸລາ 2013ທີ່ເມືອງປາກເຊ,ແຂວງ ຈຳປາສັກ ໂດຍການເປັນກຽດ ເຂົ້າຮ່ວມຂອງ ທ່ານດຣ ບຸນຖອງ ດີວິໄຊ ຮອງເຈົ້າ ແຂວງໆຈຳປາສັກ ແລະ ທ່ານ ສຈ.ດຣ ອາກິຣະ ມຸຣະກະມິ (Prof Dr. Akira Murakami Deapaartment of Ophthalmologi Juntendo University school of Medicine and Prof Dr. Kazui  Konyama   from   Japan)  ພ້ອມດ້ວຍນັກວິ ຊາການແພດຈາກ ສປປ ລາວ, ກຳປູເຈຍ, ສສ ຫວຽດນາມ, ມຽນມາ, ໄທ, ມົງໂກເບຍ ແລະ ປະເທດຍີ່ປຸ່ນເຂົ້າຮ່ວມເກືອບ 50 ທ່ານ ໂດຍໄດ້ຮັບການສະໜັບສະໜູນຈາກມະຫາວິທະຍາໄລການແພດຈຸນເທັນໂດຈາກ ປະເທດຍີ່ປຸ່ນເຊິ່ງກອງປະຊຸມ ຄັ້ງທີ VIII ຜ່ານມາ ແມ່ນໄດ້ໄຂຂຶ້ນຢູ່ຮ່າໂນ້ຍ ສສ ຫວຽດນາມ, ໃນກອງປະຊຸມດັ່ງກ່າວ ທ່ານ ຮອງເຈົ້າແຂວງໆຈຳປາສັກ