ສາລະວັນກຽມສຳຫລວດ 9 ເສັ້ນທາງຢູ່ 3 ເມືອງ

            ຜູ້ສື່ຂ່າວແຂວງສາລະວັນ ລາຍງານວ່າ:ແຂວງຕົນພ້ອມຈະ ພັດທະນາເສັ້ນທາງເພື່ອກະຕຸ້ນ ການພັດທະ ນາເສດຖະກິດສັງ ຄົມອັນຈະເຮັດ ໃຫ້ກາຍເປັນ ແຂວງເສດຖະກິດທີ່ ເຂັ້ມແຂງໃນ 4 ແຂວງພາກໃຕ້,ແຕ່ກໍ ຈຳເປັນ ຕ້ອງໄດ້ ຊອກຫາທຶນຮອນອັນມະ ຫາສານ ລວມທັງຈຳເປັນຕ້ອງ ໄດ້ສຶກສາ ສຳຫລວດສຶກສາ ຄວາມເປັນ ໄປ ໄດ້ເພື່ອກໍ່ສ້າງໃນ ອະນາຄົດ ດັ່ງເສັ້ນທາງ 9 ເສັ້ນທີ່ ມີຄວາມຍາວເຖິງ 219 ກິໂລແມັດ ລວມທັງຂົວຈຳນວນ ໜ່ຶງຢູ່ຕາມ ເສັ້ນທາງເຫລົ່ານີ້ ແລະ ເພື່ອບັນລຸ ເປົ້າໝາຍດັ່ງກ່າວ,ທ່ານ ໄຊຍະ ເດດ ວົງສາລະວັນ ຫົວໜ້າພະ ແນກແຜນການການ ລົງທຶນ ແຂວງ,ທ່ານ ແສງດາລິດກັດຕິຍະ ສັກ ຫົວໜ້າພະແນກໂຍທາທິການ ຂົ່ນ ສົ່ງແຂວງ ໄດ້ຮ່ວມລົງນາມ ໃນສັນຍາໂຄງ ການສຳຫລວດ ອອກແບບເສັ້ນ ທາງ ດັ່ງກ່າວກັບ ທ່ານ Zheng Wei Jie ຜູ້ອຳນວຍ ການໃຫຍ່ບໍລິສັດກໍ່ ສ້າງອຸດສະ ຫະກຳນິວເຄຣຍ ເລກທີ 22 ແລະ ທ່ານ Wei Bei Wang ຜູ້ອຳນວຍ ການໃຫຍ່ບໍລິສັດຮົງ ກົງພັດທະ ນາສາກົນ ສປຈີນ ໃນມື້ວານນີ້ ໂດຍທ່ານ ສີສຸວັນ ວົງຈອມສີ ຮອງເຈົ້າແຂວງ ພ້ອມດ້ວຍ ເຈົ້າ ເມືອງສາລະວັນ, ເລົ່າງາມ ແລະ ເມືອງວາປີ ເຂົ້າຮ່ວມ.

            ທ່ານ ສີສຸວັນ ວົງຈອມສີ ຮອງເຈົ້າແຂວງສາລະວັນ ກ່າວ ວ່າ:ແຂວງຕົນປາຖະໜາຈະ ພັດ ທະນາໂຄງ ລ່າງເສັ້ນທາງ ເພື່ອ ສົ່ງເສີມການພັດທະນາເສດຖະ ກິດສັງຄົມໂດຍເລັ່ງໃສ່ເຮັດ ໃຫ້ ສາລະວັນ ກາຍເປັນແຂວງ ເສດຖະກິດກໍຄື ຊ່ວຍພັດທະນາຊີວິດ ການເປັນຢູ່ ຂອງປະຊາຊົນໃນ ທົ່ວແຂວງ ເຊ່ິງການສຶກ ສາສຳ ຫລວດອອກ ແບບຢ່າງລະອຽດ ແລະ ຊອກຫາແຫລ່ງທຶນມາກໍ່ ສ້າງ ເສັ້ນ ທາງທັງ 9 ເສັ້ນທີ່ມີ ຄວາມຍາວ 219 ກິໂລ ແມັດ ລວມທັງກໍ່ສ້າງຂົວຕາມເສັ້ນທາງ ເຫລົ່ານີ້ຈຳນວນໜ່ຶງນັ້ນເຫັນ ວ່າ ສອດຄ່ອງຕາມທິດທາງແຜນພັດທະນາເສດ ຖະກິດສັງຄົມ 5 ປີ ຄັ້ງທີ 7 ຄືສົກປີ 20112015 ຂອງ ແຂວງ.

     ຂະນະທີ່ທ່ານ Wei Bei Wang ຜູ້ອຳນວຍການໃຫຍ່ບໍລິສັດ ຮົງ ກົງ ພັດທະນາສາກົນ ກ່າວວ່າ: ບໍລິສັດຕົນ ໄດ້ຮ່ວມມືກັບບໍລິສັດກໍ່ ສ້າງອຸດສະຫະກຳນິວເຄຣຍ ເລກ ທີ 22 ສປຈີນ ມີຄວາມຕັ້ງໃຈອັນແຮງກ້າທີ່ຈະລົງທຶນ ກ່ອນເພື່ອ ສຳ ຫລວດອອກແບບ ແລະກໍໍ່ ສ້າງເສັ້ນທາງດັ່ງກ່າວ ຫລັງການ ນຳແຂວງສາລະວັນ ເຫັນ ດີເຫັນ ພ້ອມໃຫ້ເລີ່ມລົງມືສຳ ຫລວດ ອອກແບບຢ່າງລະອຽດ ທັງໃຫ້ ຖືກຕ້ອງສອດຄ່ອງກັບຄວາມຕ້ອງການ ແລະກົດ ໝາຍຂອງ ສປປ ລາວ.ສຳລັບ 9 ເສັ້ນທາງ ປະກອບມີເສັ້ນທາງເທ ສະບານ ແຂວງສາລະວັນ ຍາວ 7 ກິໂລ ແມັດ ໂດຍຈະປູຢາງ ອັດສະຟານ ບາງເສັ້ນເພື່ອຮອງ ຮັບການເປັນ ເຈົ້າພາບຈັດກອງ ປະຊຸມ CLV ຢູ່ແຂວງສາລະວັນ ໃນປີ 2014, ເສັ້ນທາງ ຫລວງຢູ່ເມືອງເລົ່າ ງາມ 3.6913 ບ້ານເຕເມແບ່ງ ບ້ານພໍ່ເຂັມ ຍາວ 17 ກິໂລແມັດ, ທາງຊົນນະບົດ 5.6943 ແຍກ ທາງເລກທີ 3.6909 ບ້ານດົງ ຊວງກະຈິດ ຍາວ 10 ກິໂລແມັດ, ທາງຊົນນະບົດ 5.6906 ແຍກ ເມືອງວາປີທາງແຍກບ້ານ ນາ ຕານດົງຍາວ  26 ກິໂລແມັດ, ທາງຫລວງເມືອງ ສາລະວັນ 3.6907 ແຍກທາງ 13 ໃຕ້ບ້ານ ແບ່ງດ່ານບ້ານແບ່ງ ແກ້ງສິມ ບ້ານປາກປົ່ງ ຍາວ 97 ກິໂລແມັດ, ທາງຊົນນະບົດເມືອງເລົ່າງາມ 5.6940 ແຍກເລກທີ 20 ບ້ານ ດອນດູ່ບ້ານມ່ວນແທ້ບ້ານບາກ ນ້ອຍໂນນສູງ ຍາວ 17 ກິໂລ ແມັດ,ທາງຊົນນະບົດເລົ່າງາມ 5.6939 ບ້ານພໍ່ເຂັມວັງຍາວ ຍາວ 11 ກິໂລແມັດ,ທາງຊົນນະ ບົດເລົ່າງາມເລກທີ 5.6941 ບ້ານ ໜອງແກພະບາຍເກັດເຜິ້ງ ຍາວ 29 ກິໂລແມັດ ແລະ ທາງຫລວງ ແຫ່ງຊາດທາງເລກທີ 20 (ເທສະ ບານເມືອງ ເລົ່າງາມ) ຍາວ 5 ກິ ໂລແມັດ.ໃນນັ້ນເສັ້ນທາງ 2 ຫາ 8 ກໍໍ່ສ້າງຕາມມາດຕະຖານ IVຂອງ ທາງຫລວງ ສປປລາວ ຄວາມໄວ ອອກແບບ 80km/h ຄວາມກວ້າງ ທາງຕອນທົ່ວໄປ 7 ແມັດ,ຕອນ ທາງຄຸ້ມບ້ານ 9 ແມັດ, ຄວາມ ກວ້າງໜ້າຂົວ 9,5 ແມັດ .ຂະນະ ທີ່ໂຄງສ້າງໜ້າທາງປູຢາງສອງ ຊັ້ນ DBST,ສ່ວນເສັ້ນທາງ 1 ແລະ ເສັ້ນທາງ 9 ນັ້ນອອກແບບ ເປັນທາງເທສະບານ ທາງແລ່ນ ສອງທິດ 4 ຊ່ອງຈະລາຈອນ ໂດຍ ຈະໃຊ້ ເວລາສຳຫລວດອອກ ແບບ 6 ເດືອນ.