ກອງປະຊຸມຄະນະລັດຖະບານຮ່ວມລາວ-ໄທບໍ່ເປັນທາງການຄັ້ງທີ 2 ຈັດຂຶ້ນຢູ່ຊຽງໃຫມ່ໄດ້ປຶກສາຫາລືຫລາຍບັນຫາ

         ກອງປະຊຸມຄະນະລັດຖະບານຮ່ວມລາວ-ໄທບໍ່ເປັນທາງ ການຄັ້ງທີ 2 ໄດ້ໄຂຂຶ້ນໃນວັນທີ 19 ພຶດສະພາ 2013 ນີ້ ຢູ່ ແຂວງຊຽງໃໝ່ ຣາຊະອາ ນາຈັກໄທ ໂດຍເປັນກຽດເຂົ້າຮ່ວມຂອງ ທ່ານ ທອງສິງ ທໍາມະວົງ ນາຍົກລັດຖະມົນຕີ ແຫ່ງ ສປປ ລາວ ພ້ອມຄະນະພ້ອມດຽວກັນນັ້ນ ທ່ານ ນາງ ຍິ່ງລັກ ຊິນນະວັດ ນາຍົກລັດ ຖະມົນຕີແຫ່ງຣາຊະອານາຈັກໄທກໍໄດ້ຮັບກຽດ ເປັນປະທານຂອງກອງປະຊຸມຄັ້ງນີ້.  

          ຜົນຂອງກອງປະຊຸມຄະນະລັດຖະບານຮ່ວມລາວ-ໄທບໍ່ເປັນ ທາງ ການຄັ້ງ ທີ 2 ແມ່ນເປັນການຮັດແໜ້ນສາຍ ພົວ ພັນການຮ່ວມມືສອງຝ່າຍ ໃຫ້ນັບມື້ນັບ ແຕກດອກ ອອກຜົນຫລາຍຂຶ້ນກວ່າເກົ່າ ທັງເປັນການຕິດຕາມ ກວດກາ ແລະ ທົບ ທວນຄືນໃນຂອບເຂດ ການຮ່ວມມືດ້ານຕ່າງໆເປັນຕົ້ນ ໂຄງການກໍ່ ສ້າງຂົວຂ້າມນ້ຳຂອງ ແຫ່ງທີ 4 ລະຫວ່າງແຂວງບໍ່ແກ້ວ ສປປ ລາວ ແລະ ແຂວງຊຽງລາຍ ຂອງໄທ; ສືບຕໍ່ປຶກສາຫາລືໂຄງ ການກໍ່ສ້າງເສັ້ນທາງລົດໄຟຄວາມໄວສູງຈາກກຸງເທບ- ແຂວງໜອງຄາຍເຂົ້າສູ່ ສປປ ລາວ ແລະ ສປ ຈີນ; ສົ່ງເສີມໃຫ້ ພາກເອກະຊົນ ແລກປ່ຽນການເຂົ້າໄປລົງທຶນ ຮ່ວມກັນໃຫ້ ຫລາຍຂຶ້ນຕາມເສັ້ນທາງເລກ 8 ແລະ 12; ສ້າງ ຄວາມສະດວກໃຫ້ແກ່ນັກທ່ອງທ່ຽວທີ່ເດີນທາງລະຫວ່າງປະເທດກ່ຽວ ກັບ ວີຊ່າດຽວບັນຫາການປັກຫລັກໝາຍຊາຍ ແດນ; ຢາເສບຕິດ, ການຄ້າມະນຸດ ແລະ ບັນຫາ ທີ່ກ່ຽວຂ້ອງ ອື່ນໆອີກ.

         ໃນໂອກາດດັ່ງກ່າວ, ສອງ ຝ່າຍຍັງໄດ້ປຶກສາຫາລື ໃນການ ຫ້າງຫາກະກຽມເພື່ອຈະສະ ເຫລີມສະຫລອງຄົບຮອບ 20 ປີ ຂອງການສ້າງຕັ້ງສະມາຄົມມິດ ຕະພາບລາວ-ໄທ.

        ແນວໃດກໍດີ ກອງປະຊຸມຍັງ ໄດ້ ເປີດເຜີຍວ່າ: ໃນປັດຈຸບັນ  ປະ ເທດໄທເປັນຄູ່ຄ້າສໍາຄັນກັບ ສປປ ລາວ, ມູນຄ່າການ ຄ້າສອງຝ່າຍປະຈຳປີປະມານ  150 ຕື້ບາດ ໄທ.