ມີການຖ່າງປ່າເຮັດໄຮ່, ລັກ ລອບຕັດໄມ້ ແລະ
ລ່າສັດຢູ່ ເຂດ ປ່າສະຫງວນ ແຫ່ງຊາດນ້ຳກ່ານ ເມືອງ ຫວ້ຍຊາຍ ແຂວງ ບໍ່ແກ້ວ ໂດຍປະຊາຊົນທີ່ອາໄສຢູ່ໃນ ເຂດບໍ
ລິເວນດັ່ງກ່າວ ແລະ ຜູ້ທີ່ບໍ່ຫວັງດີ ເຮັດໃຫ້ພື້ນທີ່ປ່າໄມ້ໃນເຂດປ່າສະຫງວ ນສູນ ເສຍເປັນບໍລິເວັນກວ້າງ
ແລະ ສັດປ່າຫຼາຍຊະນິດຖືກຂົມຂູ່, ການກະທຳດັ່ງ ກ່າວ ນອກຈາກເປັນການທຳລາຍຊັບພະຍາກອນ
ປ່າໄມ້ ແລະ ສັດປ່າແລ້ວຍັງສົ່ງຜົນກະທົບຕໍ່ກນທ່ອງທ່ຽວທຳມະຊາດຢູ່ເຂດດັ່ງກ່າວນຳອີກ.
ທ່ານ ຈຳປາ ແກ້ວມະນີ ທີ່ປືກສາໜ່ວຍງານລາດຕາເວັນປະ
ຈຳຢູ່ເຂດປ່າສະຫງວນນ້ຳກ່ານ ລາຍງານວ່າ: ປ່າສະຫງວນນ້ຳກ່ານເປັນປ່າສະຫງວນແຫ່ງຊາດ
ອັນດັບທີ 21 ຂອງປະເທດ, ມີເນື້ອ ທີ່ກວ້າງໃຫຍ່ເປັນອັນດັບທີ 5 ຂອງປະເທດ
(136. 000 ເຮັກຕາ) ກວມເອົາຂອງ 3 ເມືອງຄື:
ຫ້ວຍຊ້າຍ, ເມືອງ ເມິ້ງ ແຂວງ ບໍ່ແກ້ວ ແລະ ເມືອງ ວຽງພູຄາ ແຂວງ ຫຼວງນ້ຳທາ
ແຕ່ພື້ນທີ່ສ່ວນໃຫຍ່ແມ່ນນອນຢູ່ໃນເມືອງ ຫ້ວຍຊາຍ , ເປັນປ່າສະຫງວນທີ່ອຸດົມສົມບູນໄປດ້ວຍຊັບພະຍາ
ກອນທຳມະຊາດເຊັ່ນ: ປ່າໄມ້, ສັດປ່າ ແລະ ນ້ຳຕົກຕາດ ເຊິ່ງເໝາະສົມແກ່ ການທ່ອງ
ທ່ຽວທາງທຳມະຊາດ ແລະ ເປັນບ່ອນພັກຜ່ອນນຳອີກ. ດັ່ງນັ້ນ ໃນປີ 2003 ມີນັກລົງທຶນຈາກປະເທດຝຣັ່ງ
ໄດ້ສ້າງຕັ້ງ ບໍລິສັດ ອະນຸລັກຊີວະນາໆພັນ ຂຶ້ນໂດຍມີຈຸດປະສົງເພື່ອຫາຊ່ອງທາງໃນການອະນຸລັກ
ແລະ ປົກປັກຮັກສາຄວາມຫຼາກລາຍຂອງຊີວະນາໆພັນໃນປ່າສະຫງວນດັ່ງກ່າວ ເພື່ອໃຫ້ນັກ
ທ່ອງທ່ຽວໄດ້ຮັບຊົມ
ໂດຍທາງບໍລິສັດໄດ້ຕັ້ງ ຕູບເທິ່ງຕົ້ນໄມ້ຢູ່ໃນປ່າສະຫງວນຫຼາຍຕູບ ແລະ ວາງສາຍສະລິງ
ຫຼາຍສາຍ ເພື່ອໃຫ້ນັກທ່ອງທ່ຽວໄດ້ຊົມທັດສະນິຍະພາບ ແລະ ຄວາມຫຼາກລາຍຂອງຊີວະນາໆພັນ,
ເຮັດໃຫ້ປ່າສະ ຫງວນນ້ຳກ່ານກາຍເປັນຈຸດໝາຍປາຍທາງຂອງນັກທ່ອງທ່ຽວທັງພາຍໃນ
ແລະ ຕ່າງປະເທດ ຫລາຍຂຶ້ນເຊິ່ງແຕ່ລະປີມີນັກທ່ອງທ່ຽວຕ່າງຊາດເຂົ້າມາຊົມປ່າສະຫງວນດັ່ງກ່າວປີລະບໍ່ຕ່ຳກວ່າໜຶ່ງພັນຫາສອງພັນຄົນ
ສາມາດສ້າງລາຍຮັບຫຼາຍຮ້ອຍລ້ານກີບຈາກ ການ ທ່ອງທ່ຽວດັ່ງກ່າວ.
ແຕ່ໃນຂະນະທີ່ແຫຼ່ງທ່ອງທ່ຽວ ແລະ ປ່າສະຫງວນດັ່ງ
ກ່າວພວມກາຍເປັນຈຸດສົນໃຈໃນສາຍຕາຂອງນັກທ່ອງທ່ຽວທັງພາຍໃນ ແລະ ຕ່າງປະເທດນັ້ນ
ແທ່ນທີ່ຈະຮ່ວມກັນອະນຸລັກ ແລະ ປົກປັກຮັກສາປ່າສະຫງວນແຫ່ງນີ້ໃຫ້ມີຄວາມອຸດົມສົມ
ບູນ ແລະ ຍື່ນຍົ່ງ ພັດມີປະຊາຊົນຈຳນວນໜຶ່ງເຂົ້າໄປຖ່າງປ່າເຮັດໄຮ່, ລັກ ລອບຕັດໄມ້ຊະຊາຍ
ແລະ ລ່າສັດ ປ່າທີ່ບໍ່ຖືກຕ້ອງ ຈົນເຮັດໃຫ້ພື້ນທີ່ປ່າໄມ້ທີ່ປົກຄຸ້ມປ່າສະຫງວນດັ່ງ
ກ່າວສູນເສຍໄປເປັນບໍລິເວັນກວ້າງ, ມີສັດປ່າຫຼາຍຊະ ນິດຖືກຂົມຂູ່ ແລະ ລ່າເປັນເຍື້ອຂອງພວກນາຍຟານ.
ນອກນັ້ນ ກໍຍັງມີກຸ່ມຄົນບໍ່ດີຈຳນວນໜຶ່ງເຂົ້າໄປລັກລອບຈູດປ່າ ຈົນເຮັດໃຫ້ພື້ນທີ່ປ່າໄມ້ຢູ່ເຂດປ່າສະຫງວນດັ່ງ
ກ່າວ ຖືກໄຟລາມປ່າເປັນບໍລິເວັນກວ້າງ ແລະ ທີ່ຮ້າຍແຮງກວ່ານີ້ ບາງຄັ້ງມີປະຊາຊົນຈຳນວນໜຶ່ງຖືອາ
ວຸດ ແລະ ອຸປະກອນປະເພດຕ່າງໆນາບຂູ່ເຈົ້າໜ້າທີ ແລະ ນັກທ່ອງທ່ຽວທີ່ເຂົ້າໄປທ່ຽວຊົມທຳມະຊາດຢູ່ເຂດດັ່ງກ່າວ
ແລະ ກໍເຄີຍລາຍງານໃຫ້ພາກສ່ວນທີ່ກ່ຽວຂ້ອງຊ້ຳແລ້ວຊ້ຳອີກ ແຕ່ກໍບໍ່ມີພາກສ່ວນໃດເຂົ້າໄປສືບສວນສອບສວນ
ແລະ ແກ້ໄຂບັນຫາດັ່ງກ່າວ.
ທ່ານ ຝຣັ່ງຊົວ ປະທານບໍ ລິສັດ ອະນຸລັກຊີວະນາໆພັນ
(ເຈົ້າຂອງສະຖານທີ່ທ່ອງທ່ຽວອະນຸ ລັກທາງທຳມະຊາດ) ຢູ່ປ່າສະຫງວນດັ່ງກາວກ່າວວ່າ:
ນັບແຕ່ທາງບໍລິສັດໄດ້ໃຫ້ການບໍລິການ ນັກທ່ອງທ່ຽວຢູ່ແຕ່ປີ 2004 ເປັນ ຕົ້ນມາ ບໍລິສັດໄດ້ຖືສຳຄັນຕໍ່ການປົກປັກຮັກສາປ່າໄມ້
ແລະ ອະນຸ ລັກສັດປ່າຢູ່ເຂດດັ່ງກ່າວ ເພື່ອໃຫ້ປ່າສະຫງວນແຫ່ງນີ້ກາຍເປັນສະ
ຖານທີ່ທ່ອງທ່ຽວອະນຸລັກທາງທຳມະຊາດທີ່ມີຄວາມໝັ້ນຄົງ ແລະ ຍື່ນຍົ່ງ ແຕ່ກັບມີປະຊາຊົນ
ແລະ ກຸ່ມຄົນບໍ່ຫວັງດີຈຳນວນໜຶ່ງຖ່າງປ່າເຮັດໄຮ່, ລັກ ລອບຕັດໄມ້ ແລະ ລ່າສັດໂດຍບໍ່ຈຳແນກ
ເຊິ່ງເຮັດໃຫ້ພື້ນທີ່ປ່າໄມ້ ແລະ ຄວາມຫຼາກລາຍຂອງຊີວະນາໆພັນຢູ່ໃນປ່າສະຫງວນແຫ່ງນີ້ຫຼຸດໜ້ອຍຖ່ອຍລົງ
ດັ່ງນັ້ນ ທາງບໍລິ ສັດຈຶ່ງໄດ້ນຳເອົາສ່ວນໜຶ່ງຂອງລາຍໄດ້ຈາກການບໍລິການທ່ອງທ່ຽວຫຼາຍຮ້ອຍລ້ານກີບເພື່ອຈ້າງ
ງານປະຊາຊົນເຂດດັ່ງ ກ່າວ ສະ ໜັບສະໜູນພາກສ່ວນຕ່າງໆທີກ່ຽວຂ້ອງເຂົ້າໃນການຄຸ້ມຄອງປ່າສະຫງວນເປັນຕົ້ນ:
ໃຫ້ທຶນແກ່ເຈົ້າໜ້າທີ່ລາດຕາເວັນ, ເງິນກອງທຶນ, ບຸກເບີກເນື້ອທີ່ຜະລິດໃຫ້ປະ
ຊາຊົນໂດຍບໍ່ເສຍຄ່າເພື່ອຫຼຸດຜ່ອນການຖ່າງປ່າເຮັດໄຮ່ຫັນມາເຮັດນາ ແລະ ສະໜັບສະໜູນເຂົ້າໃນ
ໂຄງການປູກຕົ້ນໄມ້ທົດແທ່ນປີລະໜຶ່ງແສນກວ່າຕົ້ນ ແຕ່ກໍບໍ່ໄດ້ ຮັບຜົນເທົ່າທີ່ຄວນ
ຍ້ອນຍັງຂາດການບໍ່ໃຫ້ຄວາມ ຮ່ວມມືຢ່າງຈິງຈັງໃນການສືບສວນສອບສວນ ແລະ ນຳຜູ້ກະທຳຜິດມາປະຕິບັດຕາມລະບຽບກົດໝາຍ ທ່ານຍັງກ່າວອີກວ່າ: ຫາກສະພາບການດັ່ງກ່າວຍັງບໍ່ໄດ້ຮັບການແກ້ໄຂ
ແນ່ນອນຄວາມອຸດົມສົມບູນຂອງປ່າໄມ້ ແລະ ຄວາມຫຼາກລາຍຂອງຊີວະນາໆພັນໃນປ່າສະ
ຫງວນແຫ່ງນີ້ໝົດໄປໃນອີກບໍ່ເທົ່າໃດປີຂ້າງໜ້າ.
ຕໍ່ບັນຫາດັ່ງກ່າວ ທ່ານ ບຸນທັນ ສະຕິ ຫົວໜ້າຂະແໜງຄຸ້ມຄອງຊັບພະຍາກອນປ່າໄມ້
(ຮັບ ຜິດ ຊອບວຽກງານປ່າສະ ຫງວນນ້ຳກ່ານ) ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ
ແຂວງ ບໍ່ແກ້ວໃຫ້ສຳພາດວ່າ: ເຖິງແມ່ນວ່າໄລຍະຜ່ານມາເຄີຍມີປາກົດການ ແລະ
ໄດ້ຮັບການລາຍງານຈາກພາກສ່ວນຕ່າງໆກ່ຽວກັບການບຸກລຸກພື້ນທີ່ປ່າໄມ້ ແລະ ລ່າສັດຢ່າງຜິດກົດໝາຍຢູ່ໃນເຂດປ່າສະຫງວນດັ່ງກ່າວ
ແຕ່ທາງຫ້ອງການກໍບໍ່ເຄີຍເຂົ້າໄປສຳຫຼວດ, ກວດກາຕົວຈິງເຖິ່ງ ສະຖານທີ່ ນອກ
ຈາກມີທິມງານເປັນຜູ້ລາດຕາເວັນສະເພາະເທົ່ານັ້ນ ແລະ ກໍບໍ່ເຄີຍເຂົ້າໄປສືບສວນສອບສວນ
ເພື່ອນຳຕົວຜູ້ກະທຳຜິດມາປະຕິ ບັດຕາມລະບຽບກົດ ໝາຍແມ່ນແຕ່ຄົນດຽວ ແລະ ຈົນເຖິງປັດຈຸບັນນີ້
ກໍຍັງບໍ່ຮູ້ກຸ່ມເປົ້າໝາຍຂອງຜູ້ກະທຳຜິດ ເພາະບໍ່ມີພາ ຫະນະ, ບໍ່ມີທຶນຮອນ,
ແລະ ບໍ່ມີພະນັກງານພຽງພໍທີ່ຈະໄປຮັບມືກັບບັນຫາດັ່ງກ່າວ ທ່ານກໍກ່າວ ຢ້ຳວ່າ:
ເພື່ອແກ້ໄຂບັນຫານີ້ໃຫ້ມີຫົນທາງແຂວງຈະເພີ່ມການປູກຕົ້ນໄມ້ທົດແທ່ນ ແລະ
ຈະຂຶ້ນໄປກວດກາເບິ່ງສະພາບການຕົວຈິ່ງ ພ້ອມສະເໜີມາຍັງຂັ້ນເທິ່ງຈົ່ງໃຫ້ ການຊ່ວຍເຫຼືອ
ແລະ ສະໜັບສະ ໜູນດ້ານພາຫະນະ, ອຸປະກອນ, ທຶນຮອນ ແລະ ບຸກຄະລາກອນເພື່ອແກ້ໄຂບັນຫາດັ່ງກ່າວນຳອີກ.
No comments:
Post a Comment