ບໍ່ຄຳເຊໂປນ ສະໜັບສະໜູນການພັດທະນາບຸກຄະລາກອນໃນລາວ

     ບໍລິສັດ MMG ລ້ານຊ້າງ ມີ ເນໂຮນສ໌ ລິມິເຕັດ ເຊໂປນ ໄດ້ສືບ ຕໍ່ລົງທຶນໃສ່ ການພັດທະນາບຸກ ຄະລາກອນ ແລະ ຫລຸດ ຜ່ອນຄວາມທຸກຍາກຢູ່ ສປປ ລາວ ໂດຍໃນວັນທີ 15 ພຶດສະພານີ້, ບໍ ລິສັດໄດ້ເຊັນບົດບັນທຶກຄວາມ ເຂົ້າໃຈກ່ຽວ ກັບການ ພັດທະນາ ບຸກຄະລາກອນສຳລັບປີ 2013- 2015 ກັບໂຮງຮຽນເຕັກ ນິກວິຊາ ຊີບສະຫວັນນະເຂດ.

    ທັງສອງຝ່າຍໄດ້ສັນຍາກັນ ວ່າ: ຈະສືບຕໍ່ເສີມຂະຫຍາຍສາຍ ພົວພັນໃຫ້ເຂັ້ມ ແຂງໃນການພັດ ທະນາບຸກຄະລາກອນ ແລະ ການ ເຝິກອົບຮົມວິຊາຊີບສຳລັບນັກ ສຶກສາຜູ້ທີ່ຈົບການສຶກສາຂັ້ນມັດ ທະຍົມທີ່ມີພູມລຳເນົາຢູ່ອ້ອມຂ້າງ ບໍ່ຄຳເຊໂປນ ແລະ ການສະໜັບ ສະໜູນການພັດທະ ນາທັກສະສຳ ລັບຄູອາຈານ ແລະ ການຕອບສະ ໜອງອຸປະກອນສິດສອນຕ່າງໆຢູ່ ໂຮງ ຮຽນນຳອີກ.

    ທ່ານນາງ ຊາແມນຕາ ວິນກິນ ສັນ ຜູ້ຈັດການບຸກຄະລາກອນ ຂອງບໍ່ຄຳເຊໂປນ ກ່າວວ່າ: ຈຸດປະສົງເພື່ອຊ່ວຍເຫລືອລັດ ຖະບານລາວບັນລຸເປົ້າໝາຍການ ລຶບລ້າງຄວາມທຸກຍາກ ໂດຍ ການຕອບສະໜອງການເຝິກອົບຮົມວິຊາຊີບໃຫ້ແກ່ຜູ້ທີ່ຢູ່ ຫ່າງໄກສອກຫລີກ. ການລົງທຶນໃນການພັດທະນາບຸກຄະລາກອນດັ່ງກ່າວນີ້ເພື່ອສົ່ງເສີມນະໂຍບາຍຂອງລັດຖະບານໃນການ ແກ້ໄຂບັນຫາຂາດເຂີນສີມືແຮງງານຢູ່ ໃນປະເທດ ແລະ ຈະເປັນປະໂຫຍດແກ່ຊຸມຊົນທ້ອງຖິ່ນ ໂດຍ ການສ້າງການດຳລົງ ຊີວິດແບບ ຍືນຍົງໃນອະນາຄົດ.

    ບໍ່ຄຳເຊໂປນໄດ້ເລີ່ມສ້າງສາຍ ພົວພັນກັບໂຮງຮຽນເຕັກນິກວິຊາ ຊີບສະຫວັນນະເຂດໃນປີ 2006 ແລະ ນັບແຕ່ນັ້ນມາກໍ ມີນັກຮຽນ ຫລາຍກວ່າ 100 ຄົນ ຈາກເມືອງ ວິລະບູລີໄດ້ເຂົ້າຮັບການເຝິກອົບ ຮົມວິຊາຊີບໃນສາຂາວິຊາຕ່າງໆທີ່ມີໄລຍະ 18 ເດືອນຫາ 5 ປີ. ຂົງ ເຂດວິຊາການສຶກສາລວມມີສາ ຂາວິຊາຊີບ ແລະ ການບໍລິຫານທຸ ລະກິດ. ນັກຮຽນຫລາຍຄົນທີ່ຈົບ ຫລັກສູດການເຝິກອົບຮົມເຫລົ່ານີ້ ປັດຈຸບັນເປັນພະນັກງານເຮັດ ວຽກຢູ່ບໍ່ຄຳເຊໂປນ. ໃນຕົ້ນປີນີ້ ມີນັກຮຽນຈຳນວນ 10 ຄົນ ຈາກ ຊຸມຊົນທ້ອງຖິ່ນໄດ້ສຳເລັດການ ສຶກສາຊັ້ນສູງສາຂາບໍລິຫານທຸ ລະກິດ ແລະ ທຸກຄົນໄດ້ຖືກບັນຈຸເຂົ້າເປັນພະນັກງານ ໃນບໍລິສັດ ແລະ ປັດຈຸບັນມີນັກຮຽນທ້ອງ ຖິ່ນ 14 ຄົນ ພວມສຶກສາໃນຂະ ແໜງວິຊາຊີບ ແລະ ການບໍລິຫານທຸລະກິດຢູ່ ໂຮງຮຽນເຕັກນິກວິຊາຊີບສະຫວັນນະເຂດ.