ໃນວັນທີ 17 ພຶດສະພາ 2013 ທີ່ໂຮງງານຜະລິດຢາເລກ
3 ໄດ້ມີພິທີມອບປື້້ມກຳມະກອນລາວ ແລະ ເຊັນສັນຍາລວມ ໝູ່ກຳມະ ກອນລະຫວ່າງທ່ານ ດຣ ພູຂົງ ໂຈມມາລາ ຕົວແທນຜູ້ໃຊ້ແຮງງານ, ຮອງຜູ້ອຳນວຍການ ລັດວິສາຫະກິດ ໂຮງງານຜະລິດຢາເລກ
3 ແລະ ທ່ານ ຄຳເພັດ ເທບປັນຍາ ຕົວແທນຜູ້ອອກແຮງງານ, ປະທານຮາກຖານກຳມະບານ ໂຮງງານຜະລິດຢາດັ່ງກ່າວ
ໂດຍການ ເຂົ້າຮ່ວມຂອງ ທ່ານ ດຣ ລາຫຸນ ຈັນທະບຸດ ຜູ້ອຳນວຍ ການໃຫຍ່ລັດວິສາຫະກິດດັ່ງກ່າວ.
ທ່ານ ດຣ ພູຂົງ ໂຈມມາລາ ກ່າວວ່າ: ສັນຍາແຮງງານລວມ
ໝູ່ມັນແມ່ນນິຕິກຳໜຶ່ງ ເພື່ອຄວາມເປັນເອກະພາບ ແລະ ເຫັນພ້ອມກັນກ່ຽວ ກັບເງື່ອນໄຂໃນການອອກແຮງງານ,
ການນຳໃຊ້ແຮງງານການປະຕິບັດສິດໜ້າທີ່, ພັນທະ ແລະ ຜົນປະໂຫຍດຂອງທັງສອງຝ່າຍໃນສາຍພົວພັນແຮງງານທີ່ຖືກຕ້ອງຕາມກົດໝາຍຈະຊ່ວຍປົກຄອງສິດຜູ້ອອກແຮງງານ
ໂດຍເປັນໄປຕາມລະບຽບການ ເຊິ່ງຈະຊ່ວຍເຮັດໃຫ້ຄຸນນະພາບຂອງການຜະລິດຢາ ອອກຮັບໃຊ້ສັງຄົມມີຄຸນນະພາບສູງຂື້ນທັງເປັນການຮັບປະກັນໄດ້ຕາມເງື່ອນໄຂຂອງການເຂົ້າເປັນສະມາຊິກ
WTO ຂອງລາວ ເພື່ອແຂ່ງ ຂັນກັບສາກົນໃຫ້ມີຄຸນນະພາບ, ໂດຍສະເພາະແມ່ນການຮອງຮັບການເຂົ້າເປັນປະຊາຄົມເສດຖະກິດອາຊຽນໃນປີ
2015 ໃຫ້ມີປະສິດທິຜົນ.
No comments:
Post a Comment