ກະແສນິຍົມໃນການຊົມໃຊ້ລົດໃຫຍ່ປະເພດລົດກະບະຢູ່ລາວ
ພວມເພີ່ມສູງຫລາຍເຊິ່ງທາງບໍລິສັດ ອີຊູຊຸລາວ
ກໍຫວັງຄອງເນື້ອທີ່ການຈຳໜ່າຍລົດອີຊູຊຸ ດີແມັກເຊິ່ງເປັນລົດກະບະຮຸ່ນໃໝ່ ຫຼ້າສຸດທີ່ຫາກໍນຳເຂົ້າມາຈຳໜ່າຍຢູ່ລາວ.
ລົດກະບະ ອີຊູຊຸ ດີແມັກ ຮຸ້ນໃໝ່ຫຼ້າສຸດທີ່
ບໍລິສັດ ອີຊູຊຸລາວ ໄດ້ນຳເຂົ້າມາສູ່ຕະຫຼາດຢູ່ລາວ ໃນຕົ້ນປີນີ້
ເຊິ່ງເປັນລົດກະບະທີ່ພວມໄດ້ຮັບຄວາມນິຍົມຢູ່ຫຼາຍ ປະເທດ. ຂະນະທີ່ຢູ່ລາວ
ລົດປະເພດນີ້ກໍໄດ້ຮັບຄວາມນິຍົມເຊັ່ນດຽວກັນ, ຫຼັງເຫັນຊ່ອງທາງການຂະຫຍາຍທຸລະກິດໂດຍສະເພາະ ປັດຈຸບັນລັດໄດ້ຫ້າມນຳເຂົ້າລົດມືສອງ
ແລະ ການປັບຂຶ້ນເງິນເດືອນໃຫ້ແກ່ພະນັກງານເຮັດໃຫ້ສັງ ຄົມ,
ປະຊາຊົນມີລາຍຮັບເພີ່ມຂຶ້ນຈຶ່ງເປັນໂອກາດໃຫ້ຫຼາຍບໍລິສັດໄດ້ຫັນມານຳເຂົ້າລົດກະບະ ຫຼາຍຂຶ້ນ
ເພື່ອເພີ່ມຍອດຂາຍລົດຂອງຕົນ. ແນວໃດກໍຕາມ ຈາກການແຂ່ງຂັນຂອງຫຼາຍບໍລິ
ສັດທີ່ນຳເຂົ້າລົດປະເພດກະບະເຂົ້າມາຈຳໜ່າຍຢູ່ລາວ ຫຼາຍຂຶ້ນດັ່ງກ່າວນັ້ນ,
ບໍລິສັດ ອີຊູຊຸລາວ ກໍໄດ້ນຳເອົາລົດ ອີຊູຊຸ ດີແມັກຮຸ້ນໃໝ່
ເຂົ້າມາຈຳໜ່າຍຢູ່ລາວເຊັ່ນ ດຽວກັນ ແລະ
ກໍເຫັນວ່າໄດ້ຮັບຄວາມສົນໃຈຈາກສັງຄົມເປັນຢ່າງດີ ພຽງໄລຍະ 6 ເດືອນສາ
ມາດຈຳ ໜ່າຍລົດໄດ້ 500 ກວ່າຄັນ, ຄາດວ່າໝົດປີ 2013 ນີ້
ທາງບໍລິສັດຕັ້ງເປົ້າໝາຍຈຳໜ່າຍລົດບໍ່ໃຫ້ຫຼຸດ 1 ພັນກວ່າຄັນ.
ບໍລິສັດ ອີຊູຊຸລາວ ເປັນບໍລິ
ສັດຕົວແທນຈຳໜ່າຍລົດ ອີຊູຊຸ ທຸກລຸ້ນ ນັບແຕ່ກົນຈັກໜັກມາເຖິງ ຍານພາຫະນະຂະໜາດຕ່າງໆ
ເພື່ອໃຫ້ບໍລິການແກ່ລູກຄ້າໄດ້ນຳໃຊ້ລົດທີ່ມີຄຸນນະພາບ ນັບທັງຢູ່
ສາຂາແຂວງຕ່າງໆ ແລະ
ໄດ້ສ້າງຄວາມພໍໃຈໃຫ້ກັບລູກຄ້າຜູ້ຊົມໃຊ້ຢ່າງກວ້າງຂວາງ ສາ
ມາດນຳລາຍຮັບມາສູ່ບໍລິສັດໃນແຕ່ລະປີນັບເປັນຈຳນວນຫຼາຍ ຮ້ອຍລ້ານ ແລະ
ຍຶດໝັ້ນການປະ ຕິບັດພັນທະຕໍ່ລັດຖະບານຢ່າງຕໍ່ເນື່ອງຕະຫຼອດມາ
ເຊິ່ງສະແດງອອກໃນປີ 2011 ອີຊູຊຸລາວ ໄດ້ເສຍພັນທະອາກອນ 400
ກວ່າລ້ານກີບ, ຕົກມາໃນປີ 2012 ໄດ້ເພີ່ມເປັນມູນຄ່າ 3 ຕື້ກີບ ແລະ
ໄດ້ກາຍເປັນຕົວແບບທີ່ນຳໜ້າໃນຈຳນວນບໍລິສັດພາຍໃນ ແລະ ຕ່າງປະເທດທີ່ນຳລົດເຂົ້າມາຈຳ
ໜ່າຍຢູ່ ສປປ ລາວ.
ບໍລິສັດ ອີຊູຊຸລາວ ຕັ້ງຢູ່ບ້ານ
ນາເລົ່າ ເມືອງສີໂຄດຕະບອງ ນະ ຄອນຫຼວງວຽງຈັນ ມີສາຂາຈຳ ໜ່າຍ ຫຼາຍແຫ່ງຢູ່ນະຄອນຫຼວງ
ແລະ ແຂວງໃຫຍ່ໆເຊັ່ນ: ຫຼວງພະບາງ, ສະຫວັນນະເຂດ, ຄຳມ່ວນ ແລະ ຈຳ ປາສັກ
ເພື່ອມຸ້ງໝັ້ນໃຫ້ບໍລິການແກ່ລູກຄ້າຜູ້ມີສາຂາອາ
ຊີບໄດ້ໄປນຳໃຊ້ຢ່າງກວ້າງຂວາງ ແລະ ທົ່ວເຖິງ. ທ່ານ ວິລະໄຊຄຳ ພິລາພັນເດດ ປະທານບໍລິສັດ
ອີຊູຊຸລາວ ໄດ້ເປີດເຜີຍຕໍ່ ນັກຂ່າວໜັງສືພິມລາວພັດທະ ນາ
ເມື່ອບໍ່ດົນມານີ້ວ່າ: ບໍລິສັດຂອງຕົນໄດ້ເລີ່ມດຳເນີນທຸລະກິດຈຳ
ໜ່າຍລົດຈາກນ້ອຍມາຫາໃຫຍ່ ເຊິ່ງມີທຶນໄດ້ຮັບການຈົດທະບຽນ 5 ຕື້ກີບ
ໃນນີ້ໄດ້ນຳໃຊ້ເຂົ້າໃນການກໍ່ສ້າງຫ້ອງວາງສະແດງລົດ 3 ແສນກວ່າໂດລາ ແລະ
ປັດຈຸບັນພວມກະກຽມສືບຕໍ່ຂະ ຫຍາຍສາຂາຕື່ມອີກຫຼາຍແຫ່ງ ເຊິ່ງໃນຕົ້ນປີ 2013
ມານີ້ ທາງບໍລິ ສັດໄດ້ວາງເປົ້າໝາຍຂາຍລົດ ທຸກໆລຸ້ນອອກໃຫ້ໄດ້ຫຼາຍກວ່າ 1
ພັນຄັນ. ເຖິງຢ່າງໃດກໍດີ ຈາກສະ ພາບການເຕີບໃຫຍ່ຂະຫຍາຍຕົວທາງເສດຖະກິດ
ໂດຍສະເພາະການສ້າງສາພັດທະນາປະເທດຊາດນັບມື້ມີຄວາມຈະເລີນກ້າວ ໜ້າ ແລະ
ປະຊາຊົນມີລາຍຮັບ ນັບມື້ຫຼາຍຂຶ້ນ ເຊິ່ງເປັນອີກເງື່ອນໄຂໜຶ່ງເຮັດໃຫ້ບໍລິສັດຂອງຕົນຈະຕ້ອງໄດ້ປັບປຸງຕົນເອງໃຫ້ຮັບ
ປະກັນທັງປະລິມານ ແລະ ຄຸນນະພາບ ເປັນຕົ້ນການໃຫ້ບໍລິ ການທີ່ດີ
ມີຕະຫຼາດທີ່ສົດໃສ ເຊື່ອ ໝັ້ນໃຫ້ແກ່ລູກຄ້າຜູ້ເຂົ້າຮັບບໍລິ
ການຢ່າງເຕັມໃຈ ເຮັດໃຫ້ສັງຄົມມີຄວາມເຊື່ອໝັ້ນຫຼາຍຂຶ້ນ.
ຮອດປີ 2015 ຈະເປັນປີທີ່ ສປປ ລາວ
ຈະເຊື່ອມຕົວເຂົ້າສູ່ຕະ ຫຼາດປະຊາຄົມອາຊຽນ ເຊິ່ງຕໍ່ບັນ ຫານີ້, ປະທານບໍລິສັດ
ອີຊູຊຸລາວ ທ່ານ ວິລະໄຊຄຳ ພິລາພັນເດດ ໄດ້ໃຫ້ການຢືນຢັນວ່າ: ມີຄວາມພ້ອມ ທີ່ຈະເຊື່ອມໂຍງນຳບໍລິສັດຂອງຕົນເຂົ້າສູ່ຕະຫຼາດອາຊຽນ,
ແຕ່ໃນນີ້ສິ່ງສຳຄັນທາງບໍລິສັດ
ຈະສືບຕໍ່ປັບປຸງຕົນເອງໃຫ້ມີຄວາມຄ່ອງໂຕຫຼາຍຂຶ້ນ
ເປັນຕົ້ນບັນຫາການສ້າງບຸກຄະລາກອນ ໃຫ້ມີຄຸນະພາບ, ການນຳເຂົ້າຍານພາຫະນະ
ແລະ ອາໄຫລ່ລົດ ເພື່ອບໍລິການແກ່ລູກຄ້າຕ້ອງໄດ້ມາດຕະຖານ.
No comments:
Post a Comment