ໂດຍຕອບສະໜອງຕາມຄຳເຊີນ
ຂອງພະນະທ່ານ ອາເລັກ ຊານເດີ ລູກາ ເຊນໂກ ປະທານາທິບໍດີ ແຫ່ງ ສ.ເບລາຣຸສ,
ພະນະທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສປປ. ລາວ ພ້ອມຄະນະ
ໄດ້ເດີນທາງໄປຢ້ຽມຢາມ ສາທາລະນະລັດ ເບລາຣຸສ ຢ່າງເປັນທາງການ
ໃນລະຫວ່າງວັນທີ 1-3 ກໍລະກົດ 2013 ຊຶ່ງພິທີສົ່ງຢ່າງເປັນທາງການໄດ້ຈັດຂຶ້ນໃນວັນທີ
29 ມິຖຸນາ 2013 ທີ່ສະໜາມບິນສາກົນວັດໄຕ ນະຄອນຫລວງວຽງຈັນຊຶ່ງມີທ່ານ ເຈີຍິ່ງ
ຫວ່າງ ຮອງຫົວໜ້າຫ້ອງວ່າ ການປະທານປະເທດ ແລະ ພະນັກງານທີ່ກ່ຽວຂ້ອງເຂົ້າຮ່ວມ.
ການເດີນທາງໄປຢ້ຽມຢາມສາທາລະນະລັດ
ເບລາຣຸສ ຂອງພະນະທ່ານປະທານປະເທດ ຈູມມາ ລີ ໄຊຍະສອນ ພ້ອມຄະນະໃນຄັ້ງນີ້
ແມ່ນເປັນຄັ້ງທຳອິດຊຶ່ງໃນໄລຍະຜ່ານມາຄະນະຜູ້ແທນຂັ້ນສູງທັງສອງຝ່າຍ
ລາວ-ເບລາຣຸສ ໄດ້ມີການແລກປ່ຽນການຢ້ຽມກັນຢ່າງຕໍ່ເນື່ອງ ແລະ
ເມື່ອບໍ່ດົນມານີ້ ທ່ານ ນີໂກລາຍ ສໂນກົບ ລັດຖະມົນຕີວ່າການກະຊວງເສດຖະກິດ ຂອງເບລາຣຸສ
ພ້ອມດ້ວຍຄະນະກໍໄດ້ມາຢ້ຽມຢາມລາວ ເພື່ອແລກປ່ຽນການຮ່ວມມືກ່ຽວກັບວຽກງານວິທະຍາສາດ
ແລະ ເຕັກໂນໂລຊີ ແລະ ໃນຕົ້ນເດືອນ ມິຖຸນາຜ່ານມານີ້ ພະນະທ່ານ ດຣ. ທອງລຸນ
ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະ ຊວງການຕ່າງປະເທດ ແຫ່ງ
ສປປ. ລາວ ກໍໄດ້ໄປຢ້ຽມ ຢາມ ເບລາຣຸສ ຢ່າງເປັນທາງການ ເພື່ອກະກຽມການຢ້ຽມຢາມ
ເບລາຣຸສ ຂອງພະນະທ່ານປະທານປະເທດໃນຄັ້ງນີ້ ເຊິ່ງເປັນການເພີ່ມທະວີສາຍພົວພັນ
ແລະ ການຮ່ວມມືອັນດີລະຫວ່າງ ສປປ. ລາວ ແລະ ສ.ເບລາຣຸສ
ໃຫ້ນັບມື້ແຕກດອກອອກຜົນຍິ່ງໆຂຶ້ນ ທັງເປັນການປະກອບສ່ວນ ໃນການພັດທະນາເສດຖະກິດ-ສັງຄົມ
ຂອງສອງປະເທດໃຫ້ນັບມື້ຂະຫຍາຍ ຕົວ ແລະ ນຳເອົາຜົນປະໂຫຍດຕົວຈິງມາສູ່ປະຊາຊົນທັງສອງຊາດ.
ສຳລັບສາຍພົວພັນ ແລະ ການ ຮ່ວມມືສອງຝ່າຍ
ລະຫວ່າງ ສປປ. ລາວ ແລະ ສ.ເບລາຣຸສ ແມ່ນມີການຂະຫຍາຍຕົວຢ່າງຕໍ່ເນື່ອງ
ໂດຍສະເພາະນັບແຕ່ໄດ້ມີການສ້າງຕັ້ງສາຍພົວພັນການທູດຮ່ວມກັນ ໃນວັນທີ 7
ກຸມພາ 1994, ສ.ເບລາຣຸສ ໄດ້ມີບົດບາດສຳຄັນໃນການຊ່ວຍເຫລືອ
ດ້ານການພັດທະນາຊັບພະ ຍາກອນມະນຸດຂອງລາວ, ມີນັກສຶກສາລາວຈຳນວນຫລາຍຮ້ອຍຄົນໄດ້ສຳເລັດການສຶກສາມາຈາກ
ສ.ເບລາຣຸສ.
No comments:
Post a Comment