ສະພາບລົດຈັກເສຍຍັງພີ່ມຂຶ້ນຫລາຍ

              ສະພາບລັກລົດຈັກຍັງ ເປັນປະກົດການຫຍໍ້ທໍ້ທີ່ພົ້ນເດັ່ນ ໃນປັດຈຸບັນຄື: ນັບແຕ່ຕົ້ນປີມານີ້ ຢູ່ນະຄອນຫຼວງວຽງ ຈັນມີລົດຈັກເສຍກ່ວາ 300 ຄັນ ແລ້ວຊຶ່ງທຽບໃສ່ປີຜ່ານມາ, ເຫັນວ່າມີອັດຕາສ່ວນເພີ່ມຂື້ນຫຼາຍ ແລະ ເປັນ ຄຳຖາມຂຶ້ນມາ ວ່າ: ສັງຄົມ ແລະ ເຈົ້າໜ້າທີ່ຈະແກ້ໄຂບັນຫາດັ່ງກ່າວແນວໃດ?

          ເຈົ້າໜ້າທີ່ຫ້ອງຕຳຫຼວດນະຄອນຫຼວງວຽງຈັນໃຫ້ຮູ້ວ່າ: ສະເພາະວັນທີ  14 ຫາ 20 ສິງຫານີ້ ຢູ່ນະຄອນຫຼວງວຽງ ຈັນມີຄະດີຕ່າງໆເກີດຂຶ້ນ 66 ເລື່ອງ, ໃນນັ້ນພົ້ນເດັ່ນກ່ວາໝູ່ແມ່ນສະພາບລັກຊັບພົນລະເມືອງມີ 18 ເລື່ອງ. ມີລົດຈັກເສຍ ຫາຍ 14 ຄັນ.

             ທ່ານ ພັນໂທ ສະຫຼອງ ແສງອາທິດ ຫົວໜ້າຫ້ອງຕຳຫຼວດນະຄອນຫຼວງວຽງຈັນກ່າວວ່າ: ປັດຈຸບັນສະລົດຈັກເສຍ ຍັງເປັນປະກົດການຫຍໍ້ທໍ້ທາງສັງຄົມທີ່ພົ້ນເດັ່ນ ນີ້ກໍເນື່ອງມາຈາກບັນຫາຢາເສບຕິດທີ່ນັບມື້ຂະຫຍາຍວົງກວ້າງເຮັດໃຫ້ກຸ່ມ ຄົນບໍ່ດີເຄື່ອນໄຫວລັກລົດ ແລະ ລົດຈັກທີ່ຖືກລັກໄປແລ້ວກໍມີການດັດແປງສະພາບ, ແປງເລກຈັກ, ເລກຖັງ ແລະ ອື່ນໆ ອັນເຮັດໃຫ້ການນຳຕາມຫາ ແລະ ສະກັດກັ້ນຂອງເຈົ້າໜ້າທີ່ພົບຄວາມຫຍຸ້ງຍາກ ດັ່ງນັ້ນ ຈຶ່ງເຕືອນມາຍັງສັງຄົມຈົ່ງມີສະ ຕິຕື່ນ ຕົວປົກປັກຮັກສາຊັບສິນຂອງຕົນ ແລະ ເປັນຫູເປັນຕາໃຫ້ເຈົ້າໜ້າທີ່ເພື່ອສາມາດປາບປາມ ແລະ ສະກັດກັ້ນ ປາກົດການຫຍໍ້ ທໍ້ດັ່ງກ່າວໃຫ້ໝົດໄປ.