ອຸທາຫອນ ! ນ້ອງເມຍເມົາຢາບ້າ ໃຊ້ພ້າຟັນຄໍອ້າຍເຂີຍເສຍຊີວິດ

       ຊາຍໄວກາງຄົນນອນຈົມກອງເລືອດຢູ່ພາຍໃນບ້ານຂອງຕົ ພາຍຫຼັງເກີດເຫດສະເທືອນຂວັນ, ນ້ອງເມຍເມົາຢາບ້າໃຊ້ພ້າ ບັງຕໍຟັນຄໍອ້າຍ ເຂີຍຕົນເອງເສຍຊີວິດຄາທີ່, ຢູ່ບ້ານຜັກຂະເມືອງໄກສອນ ພົມວິຫານ ແຂວງສະຫວັນນະເຂດເຫດການດັ່ງ ກ່າວໄດ້ເກີດຂຶ້ນເມື່ອຄືນວັນທີ 12 ສິງຫາຜ່ານມານີ້.

          ເຈົ້າໜ້າທີ່ ປກສ ເມືອງໄກສອນພົມວິຫານ ແຂວງ ສະຫວັນນະເຂດ ໃຫ້ຮູ້ວ່າ: ພາຍຫຼັງໄດ້ຮັບແຈ້ງຈາກພົນລະ ເມືອງ ວ່າ:ໄດ້ເກີດເຫດຄາດຕະກຳຢູ່ບ້ານພັກຂະ, ເຈົ້າໜ້າທີ່ຂອງຕົນຈຶ່ງຮີບຮ້ອນລົງສະຖານທີ່ເກີດເຫດ ແລະ ພົບສົບຜູ້ຕາຍຄື: ທ້າວ ກ້ອຍ ອາຍຸ 30 ປີ ອາຊີບເຮັດນາ ຢູ່ບ້ານນາຊຽງແລເມືອງ ພະລານໄຊ ເຊິ່ງປັດຈຸບັນໄດ້ຍ້າຍມາຢູ່ນຳເມຍທີ່ບ້ານພັກຂະເມືອງ ໄກສອນພົມວິຫານ ແຂວງສະຫວັນນະເຂດ ເຊິ່ງກ່ອນເກີດເຫດຜູ້ກ່ຽວໄດ້ນັ່ງຫຼິ້ນຢູ່ກັບທ້າວ ທອງວັນ ທີ່ເປັນນ້ອງເມຍຕົນ ອາ ຍຸ 24 ປີ ຢູ່ໃນເຮືອນຄົວຫຼັງບ້ານ ໂດຍທີ່ບໍ່ລະວັງໃນຂະນະນັ້ນ ທ້າວ ທອງວັນ ໄດ້ເກີດອາການຄຸມຄັ່ງຍ້ອນເສບຢາບ້າ ແລະ ໄດ້ໃຊ້ພ້າຟັນຕົ້ນຄໍຂອງຜູ້ກ່ຽວເສຍຊີວິດຄາທີ່.

            ເຈົ້າໜ້າທີ່ໃຫ້ຮູ້ວ່າ: ເຫດການຄາດຕະກຳດັ່ງກ່າວເກີດມາຈາກການຕິດຢາເສບຕິດຮຸນແຮງຂອງ ທ້າວ ທອງວັນ ເຊິ່ງ ເຮັດໃຫ້ມີອາການຄຸມ ແລະ ຜ່ານມາຜູ້ກໍ່ເຫດກໍເຄີຍຖືກເຈົ້າໜ້າທີ່ຈັບຕົວເຂົ້າສູນບຳບັດຢາເສບຕິດມາແລ້ວ ກ່ອນທີ່ຈະອອກມາ ແລະ ຍັງເຄື່ອນໄຫວເສບຢາເປັນອາຈີນຈົນເຖີງຂັ້ນຮຸນແຮງ ແລະ ປັດຈຸບັນເຈົ້າໜ້າທີ່ເລັ່ງດຳເນີນຄະດີຕາມລະບຽບກົດໝາຍ ແລະ ກໍເປັນອຸທາຫອນເຕືອນໃຫ້ສັງຄົມຈົ່ງໜີຫ່າງຈາກຢາເສບຕິດເພາະຈະເປັນຜິດຕາມມາດັ່ງຄະດີດັ່ງກ່າວ.