ຮອງນາຍົກລັດຖະມົນຕີສົມສະຫວາດ ເລັ່ງສະຫວັດ ລົງກວດກາການແກ້ໄຂຄວາມສັບສົນຢູ່ຂົວມິດຕະພາບວຽງຈັນ-ຫນອງຄາຍ

        ໃນວັນທີ 14 ກັນຍານີ້, ທ່ານ ສົມສະຫວາດ ເລັ່ງສະຫວັດ ຮອງນາຍົກ ລັດຖະມົນຕີ, ຜູ້ຊີ້ນຳວຽກງານເສດຖະກິດພ້ອມຄະນະໄດ້ເດີນທາງໄປເຄື່ອນໄຫວ ຢ້ຽມຢາມກວດກາເບິ່ງການແກ້ໄຂບັນຫາຄວາມສັບສົນຢູ່ດ່ານສາກົນຂົວມິດຕະ ພາບນະຄອນຫຼວງ ວຽງຈັນ-ໜອງຄາຍ (ທ່າເດື່ອ) ເຊິ່ງມີຫົວໜ້າດ່ານ ແລະ ຂະ ແໜງການພາຍໃນດ່ານໃຫ້ການຕ້ອນຮັບ ແລະ ນຳໜ້າພາທາງ.                

        ໃນການໄປເຄື່ອນໄຫວເຮັດວຽກຄັ້ງນີ້, ຮອງນາຍົກ ແລະ ຄະນະໄດ້ໄປຢ້ຽມ ຊົມບັນດາຈຸດບໍລິການພາຍໃນດ່ານທັງເບື້ອງຂາ ອອກ-ຂາເຂົ້າ, ຈຸດລົດຜ່ານ, ເຂດ ຮ້ານຄ້າປອດພາສີ, ຈຸດຮັບ-ສົ່ງໂດຍສານ, ຈຸດພັກລົດ ເພື່ອກວດ ກາສິນຄ້າ ແລະ ຈຸດອື່ນໆເປັນ ຕົ້ນພ້ອມນີ້, ກໍໄດ້ຮັບຟັງການ ລາຍງານສະພາບ,ຈຸດພິເສດ, ທີ່ຕັ້ງ ແລະ ບາງບັນຫາຄົງຄ້າງເຊິ່ງດ່ານສາກົນຂົວມິດຕະພາບແຫ່ງນີ້ ປະກອບມີ 14 ຂະແໜງ

ການ, ແບ່ງອອກເປັນ 4 ເຂດ ຄື ເຂດບໍລິການຄົນ-ພາຫະນະທົ່ວໄປເຂົ້າ- ອອກດ່ານ, ເຂດບໍລິການຄ້າຂາຍ ໃນຮ້ານຄ້າຍົກເວັ້ນ ພາສີ, ເຂດບໍລິການຂົນສົ່ງໂດຍສານ-ສິນຄ້າເຂົ້າ-ອອກ ແລະ ເຂດບໍລິການສະຖານທີ່ຈອດລົດທົ່ວໄປ. ໃນນັ້ນ, ແບ່ງເປັນເຂດ ຄວາມຮັບຜິດຊອບຂອງດ່ານ 5,9 ເຮັກຕາ ແລະ ເຂດສຳປະທານຂອງເອກະຊົນ 8,8 ເຮັກຕາ; ສຳລັບບັນຫາທີ່ຕ້ອງ ໄດ້ແກ້ໄຂ ແມ່ນສະພາບການສັນຈອນແອອັດ, ບ່ອນຈອດລົດບໍ່ພຽງພໍ, ບັນຫາຈຸດເກັບເງິນຄ່າຜ່ານດ່ານຫຼາຍບ່ອນ, ການກວດກາ ສິນຄ້າທີ່ ຍັງຊັກຊ້າ, ບັນຫາຄວາມບໍ່ເປັນລະບຽບຮຽບຮ້ອຍ-ຄວາມບໍ່ສະຫງົບ ແລະ ອື່ນໆຈຳນວນໜຶ່ງ.                   

         ໂອກາດນີ້,  ທ່ານຮອງນາ ຍົກລັດຖະມົນຕີ ສົມສະຫວາດ ເລັ່ງສະຫວັດ ກໍໄດ້ສະແດງຄວາມຊົມເຊີຍຕໍ່ຄວາມບຸກບືນຕັ້ງ ໜ້າຂອງຄະນະນຳ, ພະນັກງານ-ເຈົ້າ ໜ້າທີ່ພາຍໃນດ່ານທີ່ພະຍາຍາມແກ້ບັນຫາຕ່າງໆພາຍໃນດ່ານໄດ້ໂດຍພື້ນຖານ, ແຕ່ກໍມີບາງບັນ ຫາທີ່ຈະຕ້ອງໄດ້ເອົາໃຈໃສ່ປັບປຸງແກ້ໄຂ ໂດຍສະເພາະການພັດທະນາດ່ານໃນຕໍ່ໜ້າເປັນຕົ້ນການປັບປຸງການສັນຈອນໃນດ່ານກໍ ຄວນໃຫ້ມີຄວາມສະດວກຫຼາຍຂຶ້ນກວ່າເກົ່າ, ພະຍາຍາມຖອດຖອນບົດຮຽນຈາກບັນດາປະເທດໃນອາຊຽນໃນການນຳໃຊ້ເຕັກ ໂນໂລຊີກວດຜ່ານລົດທີ່ວ່ອງໄວ, ການຈັດສັນເຂດຮ້ານຄ້າປອດພາສີກໍຄວນໃຫ້ຖືກຕາມລະບຽບກົດໝາຍ ແລະ ເປັນໄປຕາມຫຼັກ ການສາກົນ, ການບໍລິການຜ່ານແດນກໍຕ້ອງມີຈຸດບໍລິການສະເພາະທີ່ຢູ່ໃກ້ຄຽງກັບດ່ານເພື່ອຫຼຸດຜ່ອນການອັ່ງອໍພາຍໃນດ່ານ ແລະ ມີຄວາມສະດວກວ່ອງໄວຂຶ້ນ, ໃຫ້ສຸມໃສ່ປັບປຸງບ່ອນພັກລົດໂດຍສານ ແລະ ສິນຄ້າລວມເຖິງການກວດຜ່ານໃຫ້ໄວຂຶ້ນກວ່າເກົ່າ ເພື່ອບໍ່ໃຫ້ມີຄວາມອັ່ງອໍໃນລະບົບຂົນສົ່ງສິນຄ້າ ແລະ ບັນຫາຄວາມບໍ່ສະຫງົບທີ່ກ່ຽວພັນ. ດ້ານໜຶ່ງ, ດ່ານຕ່າງໆກໍແມ່ນບ່ອນທ ຳອິດທີ່ຈະສ້າງຄວາມປະທັບໃຈໃຫ້ແກ່ແຂກບ້ານ-ແຂກເມືອງທີ່ເດີນທາງເຂົ້າມາ ສປປ ລາວ ຂອງພວກເຮົາກໍຕ້ອງເຮັດໃຫ້ມີ ຄວາມເປັນລະບຽບຮຽບຮ້ອຍ, ມີຄວາມຈົບງາມ ແລະ ສະຫງົບປອດໄພເພື່ອດຶງດູດແຂກຕ່າງປະເທດ, ເອົາໃຈໃສ່ ເຮັດໃຫ້ເຂດ ດ່ານທັງໝົດຢູ່ໃນການຄຸ້ມຄອງ ແລະ ຊີ້ນຳ-ນຳພາຂອງພັກ-ລັດຢ່າງແທ້ຈິງເພື່ອເຮັດໃຫ້ດ່ານມີການພັດທະນາຂຶ້ນເປັນກ້າວໆ; ພ້ອມ ນີ້ກໍໃຫ້ບັນດາຂະແໜງການ ແລະ ຄະນະນຳຂອງຂົວມິດຕະພາບເບິ່ງຄືນບັນຫາຕ່າງໆລວມເຖິງວິທີການແກ້ໄຂ ແລະ ການປັບປຸງ ພັດທະນາດ່ານເພື່ອຍົກລະດັບການບໍລິການພາຍໃນດ່ານ ແລະ ກ້າວໄປສູ່ການເຊື່ອມໂຍງໃນຕໍ່ໜ້າເພື່ອສະເໜີຕໍ່ລັດຖະບານຮັບ ຮອງ ແລະ ແກ້ໄຂ.