ສະມາຊິກສະພາແຫ່ງຊາດ (ສສຊ) ໄດ້ສະເໜີໃຫ້ລັດຖະບານເພີ່ມທະວີເອົາໃຈໃສ່ການຈັດຕັ້ງປະຕິບັດວຽກງານກວດກາລາຍຮັບລາຍຈ່າຍ,
ໜີ້ສິນຊ້ຳຊ້ອນ ແລະ ການຄຸ້ມຄອງການເກັບລາຍຮັບພາສີ-ອາກອນນຳເຂົ້າ- ສົ່ງອອກໃຫ້ມີຄວາມຮັດກຸມ
ແລະ ເຄັ່ງຄັດ.
ທ່ານ ດຣ. ໄຊສົມພອນ ພົມວິຫານ ຮອງປະທານສະພາ
ແຫ່ງຊາດໄດ້ຕ່າງໜ້າສະພາແຫ່ງຊາດປະກອບຄຳເຫັນໃສ່ບົດລາຍ ງານອົງການກວດສອບແຫ່ງລັດໃນວັນທີ
12 ທັນ ວາ 2014 ນີ້ວ່າ: ຜ່ານມາການກຳນົດກົດລະບຽບການໃຊ້ຈ່າຍເງິນຊຳ ລະໜີ້ສິນ ບັນດາໂຄງການລົງທຶນຂອງລັດເຫັນວ່າຍັງບໍ່ທັນສອດຄ່ອງກັບຫລັກການ ການເງິນພາກລັດ, ຍັງມີການໃຊ້ ຈ່າຍແບບເກື້ອກູນ, ຟູມເຟືອຍ, ເຊິ່ງບໍ່ແທດເໝາະກັບປະສິດທິຜົນຂອງການດຳເນີນທຸລະກິດຂອງຕົນເຮັດໃຫ້ບໍ່ສາມາດມອບພັນ
ທະອາກອນເຂົ້າງົບ ປະມານ ແຫ່ງລັດໄດ້ຕາມຄາດໝາຍ.
ເພື່ອເຮັດໃຫ້ບັນລຸຜົນສຳເລັດເປັນຕົ້ນ: ການຈັດຕັ້ງປະຕິບັດບັນດາວຽກງານອົງການກວດສອບ
ແຫ່ງລັດ
ໃຫ້ເພີ່ມທະວີການຕິດຕາມກວດ ກາຢ່າງໃກ້ສິດການຈັດຕັ້ງປະຕິບັດລະບຽບວິໃນແຜນການ
ແລະ ການເງິນ ຂອງຂະແໜງການທ້ອງຖິ່ນ ໃຫ້ມີການຮັດກຸມຂຶ້ນຕື່ມ. ສຳລັບຜູ້ທີ່ກ່ຽວຂ້ອງກັບໂຄງການທີ່ບໍ່ມີຕົວຕົນສະເໜີໃຫ້ລັດຖະບານປະຕິບັດຕາມລະ
ບຽບກົດໝາຍຢ່າງເຄັ່ງຄັດ, ຮີບ ຮ້ອນເກັບກູ້ເງິນດັ່ງກ່າວ ຄືນໃຫ້ຄົບຖ້ວນແລ້ວນຳເຂົ້າງົບປະ
ມານຂອງລັດຕາມລະບຽບການ. ສຳລັບເງິນທີ່ຈ່າຍຊ້ຳຊ້ອນນັ້ນ ສະເໜີໃຫ້ລັດຖະບານຊີ້ນຳຂະແໜງການທີ່ກ່ຽວຂ້ອງສົມທົບ
ກັບອົງການກວດສອບກວດ ກາຄືນໃຫ້ລະອຽດສະເພາະໂຄງການໃດຖ້າມີການຈ່າຍຊ້ຳຊ້ອນ
ແລະ ຈ່າຍເກີນໃຫ້ໂຄງການໃດ ໜຶ່ງຕ້ອງໃຫ້ມີການໄລລຽງຄືນໃຫ້ຖືກຕ້ອງ ແລະ
ເກັບກູ້ຄືນເຂົ້າງົບປະມານຂອງລັດໃນສົກປີຕໍ່ໄປໃຫ້ຄົບຖ້ວນ.
No comments:
Post a Comment