ເມື່ອບໍ່ດົນມານີ້,
ສະມາຄົມເຟີນີເຈີ ອາຊຽນລວມມີ: ມາເລເຊຍ, ອິນໂດເນເຊຍ, ສສ ຫວຽດນາມ, ສິງກະໂປ, ໄທ,
ຟີລິບປິນ, ສະຫະພາບມຽນມ້າ ແລະ ສປປ ລາວ, ໄດ້ຈັດກອງປະຊຸມແລກປ່ຽນບົດຮຽນ ແລະ
ຄວາມພ້ອມຕ່າງໆໃນການ ເຂົ້າຮ່ວມງານວາງສະແດງສິຄ້າເຟີນີເຈີອາຊຽນ 2016 ທີ່ ນະຄອນຊົງຊິງ
ສປ ຈີນ.
ກອງປະຊຸມຄັ້ງນີ້,
ນອກຈາກຈະໃຫ້ຄໍາຄິດເຫັນຕໍ່ງານວາງສະແດງສິນຄ້າດັ່ງກ່າວແລ້ວ ຍັງໄດ້ເນັ້ນເຖີງບັນຫາທີ່ທາງສ ະມາຄົມເຟີນີເຈີ
ກຳລັງພົບຄວາມຫຍຸງຍາກ, ໂດຍສະເພາະແມ່ນບັນຫາການນຳເຂົ້າ-ສົ່ງອອກຂອງຜະລິດຕະພັນເຟີນີເຈີ,
ວັດຖຸດິບ(ໄມ້) ແລະ ບັນຫາການຂະຫາຍຕະຫຼາດ. ປັດຈຸບັນ ເຫັນວ່າ ສປ ຈີນ
ມີຄວາມສົນໃຈຕໍ່ຜະລິດຕະພັນ ເຟີນິີເຈີໄມ້ ຈາກ ສປປ ລາວ ເປັນພິເສດຍ້ອນວັດຖຸດິບມີຄຸນນຄ່າສູງ,
ຄຸນນະພາບດີ, ເປັນໄມ້ແທ້, ແນວໃດກໍຕາມ ສະມາຄົມເຟີນີ
ເຈີລາວ ໃຫ້ຮູ້ວ່າ:
ການຮ່ວມງານວາງສະແດງເຟີນີເຈີ ອາຊຽນຄັ້ງນີ້, ສະມາຄົມເຟີນີເຈີລາວ ແລະ
ສະມາຊິກຍັງພົບບັນຫາ ຫຍຸ້ງຍາກຕ່າງໆເຊັ່ນດຽວກັນ ຄືວຽກງານສະຖິຕິການນຳເຂົ້າ-ສົ່ງອອກ
ໂດຍສະເພາະການສົ່ງສິນຄ້າຈາກ ລາວ ໄປ ຈີນ ມີຄວາມຫຍຸ້ງຍາກຍ້ອນລະບຽບການຕ່າງໆກ່ຽວກັບສິນຄ້າໄມ້,
ແລະ ຂັ້ນຕອນແລ່ນເອກະສານໃນດ່ານຊາຍ ແດນແຕ່ ລະຈຸດມີການປ່ຽນແປງ, ວັດຖຸດິບ (ໄມ້)
ມາຮັບໃຊ້ການຜະລິດບໍ່ພຽງພໍຍ້ອນທຸລະກິດໄມ້ບໍ່ມີແຫຼ່ງວັດຖຸດິບທີ່ແນ່ນອນ. ຕໍ່ບັນຫາດັ່ງກ່າວທາງສະມາຄົມເຟີນີເຈີລາວໄດ້ສະເໜີຕໍ່ພາກລັດທີ່ກ່ຽວຂ້ອງເພື່ອຊ່ວຍແກ້ໄຂ
ໂດຍສະເພາະແມ່ນການ ໃຫ້ຄວາມສະດວກ
ເພື່ອສ້າງຄວາມເຂັ້ມແຂງເຮັດໃຫ້ພາກທຸລະກິດເຟີນີເຈີສາມາດດຳເນີນທຸລະກິດໄດ້ຢ່າງມີຜົນ
ແລະ ຍືນຍົງ.
No comments:
Post a Comment