ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ:
ບໍລິເວນຄວາມກົດດັນຕ່ຳຂອງອາກາດຮ້ອນໄດ້ປົກຄຸມຢູ່ທຸກພາກ ຂອງລາວດ້ວຍກຳລັງປານກາງ,
ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ເຮັດໃຫ້ອາກາດສືບ ຕໍ່ຮ້ອນອົບເອົ້າຢູ່ຕື່ມອີກ
ແລະ ມີຝົນຕົກຟ້າຄະນອງ, ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນໃນແຕ່ລະ ພາກ.
+ ພາກເໜືອດ້ານຕາເວັນອອກ: ມີເມກປົກຄຸມເປັນສ່ວນຫລາຍ,
ອາກາດເຢັນໃນຕອນກາງຄືນຫາຕອນເຊົ້າພ້ອມມີ ໝອກບາງປົກຫຸ້ມຢູ່ທົ່ວໄປ, ຈະມີຝົນຕົກກະຈາຍ ແລະ
ມີລົມພັດແຮງເປັນບາງໂອກາດຢູ່ບາງທ້ອງຖິ່ນ. ອຸນຫະພູມ ຕ່ຳສຸດ 18-20 ອົງສາ ແລະ ສູງສຸດ
32-34 ອົງສາ.
+ ພາກເໜືອດ້ານຕາເວັນຕົກ: ມີເມກປົກຄຸມເປັນບາງສ່ວນ,
ອາກາດຮ້ອນເອົ້າ, ພ້ອມມີໝອກແຫ້ງປົກຫຸ້ມຢູ່ທົ່ວໄປ ຈະມີຝົນຕົກຟ້າຄະນອງໃນລະດັບຄ່ອຍ ແລະ
ມີລົມພັດແຮງເປັນບາງໂອກາດຢູ່ບາງທ້ອງຖິ່ນ. ອຸນຫະພູມຕ່ຳສຸດ 21-23 ອົງສາ ແລະ ສູງສຸດ
36-38 ອົງສາ. ສຳລັບເມືອງສິງ ແລະ ເມືອງວຽງພູຄາ: ອາກາດເຢັນໃນຕອນເຊົ້າ ແລະ ຈະມີຝົນຕົກ
ກະຈາຍໃນລະດັບຄ່ອຍເປັນບາງໂອກາດ, ອຸນຫະພູມຕ່ຳສຸດ 18-20 ອົງສາ ແລະ ສູງສຸດ 33-35 ອົງສາ.
+ ນະຄອນຫລວງວຽງຈັນ: ມີເມກປົກຄຸມເປັນບາງສ່ວນ, ອາກາດຮ້ອນພ້ອມມີໝອກແຫ້ງປົກຫຸ້ມຢູ່ທົ່ວໄປ
ແລະ ຈະມີຝົນຕົກຟ້າຄະນອງກະຈາຍພ້ອມມີລົມພັດແຮງເປັນບາງໂອກາດຢູ່ບາງເຂດໃນຕອນບ່າຍຫາຕອນກາງຄືນ.
ອຸນຫະພູມຕ່ຳສຸດ 25-27 ອົງສາ ແລະ ສູງສຸດ 36-38 ອົງສາ.
+ ພາກກາງ: ມີເມກປົກຄຸມເປັນບາງສ່ວນ, ອາກາດຮ້ອນເອົ້າ
ພ້ອມມີໝອກແຫ້ງປົກຫຸ້ມຢູ່ທົ່ວໄປໃນ ຕອນກາງເວັນ, ຈະມີຝົນຕົກຄະນອງກະຈາຍ ແລະ ມີລົມພັດແຮງເປັນບາງໂອກາດຢູ່ບາງທ້ອງຖິ່ນ.
ອຸນຫະພູມຕ່ຳສຸດ 27-29 ອົງສາ ແລະ ສູງສຸດ 37-39 ອົງສາ. ສຳລັບແຂວງໄຊສົມບູນ: ອາກາດເຢັນ,
ພ້ອມມີໝອກບາງປົກຫ້ມໃນຕອນເຊົ້າ ແລະ ຈະມີ ຝົນຕົກກະຈາຍໃນລະດັບຄ່ອຍ. ອຸນຫະພູມຕ່ຳສຸດ
17-19 ອົງສາ ແລະ ສູງສຸດ 29-31 ອົງສາ.
+ ພາກໃຕ້: ມີເມກປົກຄຸມເປັນບາງສ່ວນ, ອາກາດຮ້ອນເອົ້າ,
ພ້ອມມີໝອກແຫ້ງປົກຫຸ້ມຢູ່ທົ່ວໄປ, ຍັງ ຈະມີຝົນຕົກ ຟ້າຄະນອງໃນລະດັບຄ່ອຍຢູ່ເກືອບທົ່ວໄປ
ແລະ ມີລົມພັດແຮງເປັນບາງໂອກາດ. ອຸນຫະພູມຕ່ຳສຸດ 26-28 ອົງສາ ແລະ ສູງສຸດ 37-39 ອົງສາ.
ສຳລັບເຂດປາກຊ່ອງ, ນິຄົມ 34: ອາກາດເຢັນ ໃນຕອນກາງຄືນຫາຕອນເຊົ້າ ແລະ ຍັງຈະມີຝົນຕົກຟ້າຄະນອງໃນລະດັບຄ່ອຍຢູ່ຕື່ມອີກ.
ອຸນຫະພູມຕ່ຳ ສຸດ 13-15 ອົງສາ ແລະ ສູງສຸດ 26-28 ອົງສາ.
No comments:
Post a Comment