ບໍລິສັດ ສະຕາຣໂທລະຄົມ ຈຳກັດ (ຢູນີເທວ), ໄດ້ຈັດໂຄງການຄືນກຳໄລໃຫ້ລູກຄ້າທີ່ລົງທະບຽນໃຊ້ບໍລິການໂມບາຍ
ທີວີ (Mobile TV) ກັບຢູນິເທວ, ໂດຍການແລນດອມ
(Random) ເອົາໝາຍເລກໂທລະສັບຂອງລູກຄ້າ
ຜູ້ທີ່ໂຊກດີໄດ້ຮັບລາງວັນຈາກຢູນິເທວ,
ຊຶ່ງໄດ້ຈັດຂຶ້ນໃນຕອນບ່າຍວັນທີ 22 ພຶດສະພາຜ່ານມານີ້, ຢູ່ນະຄອນຫລວງວຽງຈັນ ຊຶ່ງມີທ່ານປະທານສະພາບໍລິຫານຂອງບໍລິສັດດັ່ງກ່າວ,
ພ້ອມດ້ວຍພະນັກງານ ແລະ
ມວນຊົນເຂົ້າຮ່ວມນຳດ້ວຍ.
ການແລນດອມຫາຜູ້ໂຊກດີຄັ້ງນີ້
ລາງວັນທີ 1 ໄດ້ຮັບລົດໂຕໂຍຕາ ນິວວີອັອດ 1 ຄັນ, ໄດ້ແກ່ນາງ ບານໃຈ ລາດຊະມີໄຊ ຢູ່ບ້ານສີໄຄ ເມືອງໄຊບູລີ ແຂວງສະຫວັນນະເຂດ,
ໝາຍເລກໂທລະສັບ 020 99824386, ລາງວັນທີ 2 ໄດ້ຮັບໂທລະສັບ ໄອໂຟນ 6 ຈຳນວນ 2 ເຄື່ອງໄດ້ແກ່ໝາຍເລກໂທລະສັບ 020 91541772
ແລະ 020 96395363 ແລະ ລາງວັນທີ
3 ເງິນສົດ 2 ລ້ານກີບມີ 3 ລາງວັນໄດ້ແກ່ໝາຍເລກໂທລະສັບ 020 97139474, 020 98730532 ແລະ 020 91984045. ໂຄງການດັ່ງກ່າວແມ່ນເລີ່ມແຕ່ວັນທີ 12 ກຸມພາ-12 ພຶດສະພາ
2015, ສຳລັບລູກຄ້າທີ່ລົງທະບຽນນຳໃຊ້ບໍລິການ ໂມບາຍ ທີວີ ຫລື ບໍລິການເບິ່ງໂທລະພາບສົດໆຜ່ານທາງມືຖືທຸກທີ່ທຸກເວລາ, ຜ່ານເຄື່ອຂ່າຍສັນຍານ 3 ຈີ ຂອງຢູນີເທວ,
ເຊິ່ງເປັນອີກໜຶ່ງບໍລິການຂອງຢູນີເທວທີ່ສ້າງຄວາມສະດວກສະບາຍໃຫ້ກັບລູກຄ້າ, ໂດຍບໍ່ເສຍຄ່າດາຕ້າ ແລະ
ເມື່ອສົບທຽບກັບການເບິ່ງໂທລະພາບຜ່ານອິນເຕີເນັດໂດຍກົງແມ່ນຈະເສຍຄ່າໃຊ້ຈ່າຍຫລາຍກວ່າປະມານ 5 ເທົ່າ.
No comments:
Post a Comment