12 ຄາດໝາຍຂອງແຜນພັດທະນາ 5 ປີ ຄັ້ງທີ 8

ກະຊວງແຜນການ ແລະ ການລົງທຶນໃຫ້ຮູ້ວ່າ: ປັດຈຸບັນປະເທດເຮົາພວມຢູ່ໃນໄລຍະສຸດທ້າຍຂອງການຈັດ ຕັ້ງປະຕິ ບັດແຜນພັດທະນາເສດຖະກິດ-ສັງຄົມ 5 ປີ, ຄັ້ງທີ 7 ຊຶ່ງເຫັນວ່າມີຜົນສຳເລັດຫຼາຍດ້ານ, ພ້ອມນັ້ນກໍໄດ້ກະ ກຽມໃຫ້ ແກ່ການຈັດຕັ້ງປະຕິບັດແຜນການ 5 ປີຄັ້ງທີ 8 ໃຫ້ສາມາດນຳເອົາປະເທດຫຼຸດພົ້ນອອກຈາກສະພາບດ້ອຍພັດ ທະນາໃນປີ 2020 ແລະ ດັ່ງນັ້ນແຜນພັດທະນາເສດຖະກິດ-ສັງຄົມ 5 ປີຄັ້ງທີ 8 ນີ້ລັດຖະບານຈຶ່ງໄດ້ວາງໄວ້ 12 ຄາດ ໝາຍໃຫຍ່ຄື: (1): ສຸມໃສ່ເຮັດໃຫ້ເສດຖະກິດເຕີບໂຕຢ່າງຕໍ່ເນື່ອງ, ໝັ້ນທ່ຽງ ແລະ ມີຄຸນນະພາບ,(2): ຮັບ ປະກັນໃຫ້ ເສດຖະກິດ ມະຫາພາກມີສະຖຽນລະພາບ, (3): ສາມາດຕອບສະໜອງແຫຼ່ງທຶນໃຫ້ແກ່ການພັດທະ ນາເປົ້າໝາຍທີ່ກຳນົດ ໄວ້,(4): ພັດທະນາຊົນນະບົດໃຫ້ມີປະສິດທິຜົນ ແລະ ສາມາດທຸກຍາກຂອງປະຊາຊົນໃຫ້ຫຼຸດ ໜ້ອຍລົງ, ຕິດພັນກັບການປົກ ປັກຮັກສາສະພາບແວດລ້ອມ ແລະ ການຮັບມືກັບໄພພິບັດຕ່າງໆ ,(5): ເອົາໃຈໃສ່ພັດທະນາເຂດແຄວ້ນ ແລະ ທ້ອງຖິ່ນໃຫ້

ສົມດູນ ແລະ ຍືນຍົງ, ກຳນົດ ແລະ ຈັດສັນເຂດ ພັດທະນາຢູ່ຕະລະພາກໄດ້ຢ່າງຈະແຈ້ງ,(6): ຮັບປະກັນໃຫ້ປະຊາຊົນມີ ສະບຽງອາຫານພຽງພໍ ແລະ ມີໂພສະນາການ ທີ່ດີຂື້ນ,(7): ຊວຍໃຫ້ປະຊາຊົນໄດ້ເຂົ້າເຖິງການສຶກສາ ແລະ ການບໍລິການ ສາທາລະນະສຸກໄດ້ສະດວກ, ທົ່ວເຖິງ ແລະ ມີຄຸນນະພາບ,(8): ເຮັດໃຫ້ກຳລັງແຮງງານທັງພາກລັດ ແລະ ເອກະຊົນໄດ້ ຮັບການຍົກລະດັບ ແລະ ມີປະ ສິດທິພາບສູງຂຶ້ນ,(9): ສະໜັບສະໜູນໃຫ້ຜູ້ປະກອບການພາຍໃນປະເທດ ສາມາດແຂ່ງຂັນ ໃນຕະຫຼາດພາຍໃນ ແລະ ຕະຫຼາດໂລກ,(10): ເຮັດໃຫ້ສັງຄົມ ມີຄວາມສະຫງົບ, ຍຸດຕະທຳ, ເປັນລະບຽບຮຽບຮ້ອຍ, ມີຄວາມສະເໝີພາບລະ ຫວ່າງຍິງຊາຍ ແລະ ມີຄວາມໂປ່ງໃສ່ຫຼາຍຂຶ້ນ,(11): ພ້ອມກັນຍົກລະດັບຄວາມອາດສາ ມາດການຄຸ້ມຄອງ ແລະ ບໍລິຫານລັດມີປະສິດທິຜົນສູງຂຶ້ນ, ພົນ ລະເມືອງໄດ້ຮັບການປົກຄອງ ແລະ ຄຸ້ມຄອງຕາມ ກົດໝາຍເປັນຢ່າງດີ ແລະ ໝາກຜົນ(12) ແມ່ນເຮັດໃຫ້ ສປປ ລາວ ເຮົາມີການເຊື່ອມໂຍງກັບພາກພື້ນ ແລະ ສາກົນຢ່າງເປັນເຈົ້າການສ້າງ ໂອກາດເອື້ອອຳນວຍໃຫ້ແກ່ການຄ້າ ແລະ ການລົງທຶນຫຼາຍຂຶ້ນ.