ສາຍນ້ຳເຊບັ້ງໄຟສູງຂຶ້ນກາຍລະດັບເຕືອນໄພໄຫລເຂົ້າຖ້ວມພື້ນທີ່ຕ່ຳຫລາຍເຂດ

ເຈົ້າໜ້າທີ່ຂອງກົມອຸຕຸນິຍົມ ແລະ ອຸທົກກະສາດ, ໄດ້ລາຍງານ ໃຫ້ຮູ້ໃນວັນທີ 21 ກໍລະກົດນີ້ ວ່າ: ພາຍຫລັງເກີດມີສະພາບຝົນຕົກ ແຮງຕິດຕໍ່ກັນຫລາຍ ວັນໃນເຂດພາກກາງ ແລະ ພາກໃຕ້ຂອງ ປະເທດ, ໄດ້ເຮັດໃຫ້ຫ້ວຍນ້ຳລຳເຊນ້ອຍໃຫຍ່ລວມເຖິງ ສາຂາແມ່ ນ້ຳຂອງ ຫລາຍສາຍມີປະ ລິມານນ້ຳຍຶ່ງສູງຂຶ້ນຢ່າງໄວວາ ແລະ ໄຫລເຂົ້າຖ້ວມພື້ນທີ່ການຜະລິດແລະ ເຮືອນຊານບ້ານຊ່ອງ ຂອງປະຊາຊົນໃນຫລາຍເຂດ, ໂດຍສະເພາະແມ່ນ ສາຍນ້ຳເຊ ບັ້ງໄຟທີ່ວັດແທກຢູ່ຈຸດຂົວເຊບັ້ງໄຟໃນເວລາປະມານ 7:00 ໂມງຂອງວັນທີ 21 ກໍລະກົດນີ້, ມີຄ ວາມສູງລະດັບ 18,26 ແມັດ, ຖືວ່າກາຍລະດັບເຕືອນໄພທີ່ກຳນົດໄວ້ຄື 17,50 ແມັດ, ເຊິ່ງໄດ້ເຮັດນ້ຳ ເຊດັ່ງກ່າວໄຫລ່ເຂົ້າຖ້ວມເນື້ອ ທີ່ການຜະລິດ ແລະ ເຮືອນຊານປະຊາຊົນໃນເຂດລຽບແຄມນ້ຳເຊ ແລະ
ບ່ອນພື້ນທີ່ຄ້ອຍຕ່ຳຈຳນວນໜຶ່ງ ແລະຄາດວ່າປະລິມານນ້ຳອາດຈະສູງຂຶ້ນອີກປະມານ 20-30 ຊັງຕີ ແມັດ ໃນໜຶ່ງຫາສອງວັນຕໍ່ໜ້ານີ້ເນື່ອງຈາກສະພາບອາກາດໃນເຂດພາກກາງຫາ ພາກໃຕ້ຍັງມີຮ່ອງ ຄວາມກົດດັນອາກາດຕ່ຳສືບຕໍ່ພັດຜ່ານສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມ, ເຊິ່ງຈະເຮັດໃຫ້ມີຝົນຕົກຕຶ່ມອີກເປັນບໍລິເວນກວ້າງ, ດັ່ງນັ້ນຈຶ່ງເຕືອນໃຫ້ປະຊາຊົນທີ່ ອາໄສຢູ່ລຽບຕາມ ສາຍນ້ຳເຊບັ້ງໄຟ ແລະ ສາຍນ້ຳອື່ນໆຈົ່ງມີສະຕິລະວັງຕົວຕໍ່ສະພາບອາກາດທີ່ແປປວນ ແລະ ຝົນຕົກ ໜັກ ແລະ ເກັບມ້ຽນວັດຖຸສິ່ງຂອງ ແລະ ສັດ ລ້ຽງໄປໄວ້ພື້ນທີ່ສູງປອດໄພ.