ວັນທີ
19 ສິງຫານີ້, ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງສີສັດຕະນາກ, ນະຄອນຫລວງວຽງຈັນ, ໄດ້ຈັບເປົ້າໝາຍຊື້-ຂາຍຢາເສບຕິດຢູ່ເສັ້ນທາງວົງວຽນຈີ່ນາຍໂມ້ ເມືອງສີສັດຕະນາກ ໄດ້ຜູ້ຕ້ອງຫາຄື:ທ້າວບຸນເພັງອາຍຸ 35 ປີ ຢູ່ບ້ານດົງສ້າງຫີນ ເມືອງໄຊທານີ ນະຄອນຫລວງວຽງຈັນມາດຳເນີນຄະດີ.
ເຈົ້າໜ້າທີ່ໃຫ້ຮູ້ວ່າ: ກ່ອນໜ້ານີ້ຄືໃນວັນທີ 18 ສິງຫາເຈົ້າໜ້າທີ່ໄດ້ລົງແກ້ໄຂເປົ້າໝາຍຄ້າຂາຍຢາເສບຕິດຢູ່ເສັ້ນທາງບ້ານພ້າວ ເມືອງຫາດຊາຍຟອງ ສາມາດຈັບຕົວຜູ້ຖືກຫາໄດ້ 1 ຄົນຄື: ທ້າວ ລຳຄະບວນ(ແກ່ນ)ອາຍຸ 35 ປີຢູ່ບ້ານແກ້ງປາຢ້າງ ເມືອງຫາດຊາຍຟອງ ພ້ອມຂອງກາງຢາບ້າ 100 ເມັດ ແລະ ກວດຄົ້ນເຮືອນຜູ້ກ່ຽວໄດ້ພົບເຫັນຢາບ້າຊຸກເຊື່ອງໄວ້ຢູ່ຫ້ອງນອນອີກຈໍານວນ 14.700 ເມັດ, ເງິນ 20 ພັນບາດ(ສະກຸນເງິນໄທ),15 ລ້ານກີບ, ໂທ
ລະສັບໜຶ່ງໜ່ວຍ ແລະ ລົດຈັກໜຶ່ງຄັນ, ຈຶ່ງໄດ້ຍຶດໄວ້ເປັນຫລັກຖານໃນການດໍາເນີນຄະດີ ແລະ ຜ່ານການສືບສວນ-ສອບສວນທ້າວ ແກ່ນ ໄດ້ຊັດກທອດວ່າ: ຢາບ້າດັ່ງກ່າວໄດ້ຊື້ນຳທ້າວ ບຸນເພັງ ແລະ ມາຮອດວັນທີ
19 ສິງຫາຜ່ານມານີ້, ເຈົ້າໜ້າທີ່ຈິ່ງຈັບຕົວຜູ້ກ່ຽວມາດໍາເນີນຄະດີໄດ້ໃນຂະນະທີ່ຜູ້ກ່ຽວມີການນັດຊື້ຂາຍຢາບ້າຢູ່ວົງວຽນດັ່ງກ່າວ, ແຕ່ຜູ້ກ່ຽວບໍ່ຍອມຈຶ່ງໄດ້ຂັບລົດຕຳລົດເຈົ້າໜ້າທີ່ເພື່ອຫລົບໜີຈາກນັ້ນເຈົ້າໜ້າທີ່ໄດ້ໃຊ້ປຶນຍິງຕີນລົດເຮັດໃຫ້ຢ່າງລົດແຕກ ແລະ ຂັບລົດໄປໄດ້ປະມານ 500 ແມັດ ເປົ້າໝາຍໄດ້ຈອດລົດໄວ້ຂ້າງທາງແລ້ວແລ່ນໄປລີ້ຢູ່ເຮືອນປະຊາຊົນຈຶ່ງຖືກເຈົ້າໜ້າທີ່ເຂົ້າຈັບຕົວໄດ້, ປັດຈຸບັນຄະດີດັ່ງກ່າວພວມຢູ່ໃນຂັ້ນຕອນການສືບສວນ-ສອບສວນຂະຫຍາຍຜົນຫາຜູ້ຮ່ວມຂະບວນການມາລົງໂທດຕາມກົດໝາຍໃຫ້ໄດ້.
No comments:
Post a Comment