ຜູ້ຈັດການທົ່ວໄປຂອງສູນອະນຸລັກຊ້າງລາວ
ໄດ້ແຈ້ງໃຫ້ຮູ້ໃນ ວັນທີ 8 ກັນຍານີ້, ຢູ່ສະມາຄົມນັກ
ຂ່າວແຫ່ງ ສປປ ລາວ ທີ່ນະຄອນຫລວງວຽງຈັນວ່າ: ຄາດວ່າໃນລະຫວ່າງວັນທີ 27 ຕຸລາຫາ 17 ທັນວາ
2015ນີ້, ສູນອະນຸລັກຊ້າງ ຂອງຕົນຈະຈັດຂະບວນແຫ່ງຊ້າງ ຈຳນວນ
20 ເຊືອກ ຈາກແຂວງ ໄຊຍະບູລີໄປຫາແຂວງຫລວງພະ ບາງ, ໂດຍຈະໄຊ້ເວລາປະມານ
45 ວັນໃນການເດີນທາງດັ່ງກ່າວ, ໃນນີ້ຈະມີຊ້າງຈາກແຂວງໄຊຍະບູລີ
12 ເຊືອກ ແລະ ແຂວງຫລວງພະບາງ 8 ເຊືອກເຂົ້າຮ່ວມງານຄັ້ງນີ້ຈັດຕັ້ງຂຶ້ນເປັນປີທີ 2 ແລ້ວ
ເພື່ອລະດົມທຶນ ແລະ ປຸກຈິດສຳນຶກຂອງປະຊາຊົນໃນການອະນຸລັກຮັກສາ ແລະ ຊ່ວຍເຫລືອຊ້າງ
ທີ່ມີຈຳນວນຫລຸດໜ້ອຍຖອຍລົງໃນແຕ່ລະປີ. ປັດຈຸບັນນີ້ ຢູ່ລາວເຮົາມີຊ້າງທັງໝົດພຽງ 900
ເຊືອກ ເທົ່ານັ້ນ, ເຊິ່ງມັນອາດຈະຫລຸດລົງຕາມລຳດັບຖ້າພວກເຮົາບໍ່ຫັນມາຮັກສາ
ແລະ ອະນຸລັກຊ້າງນຳກັນ.
No comments:
Post a Comment