ຮອງຫົວໜ້າພະແນກສືບສວນ-ສອບສວນ ນະຄອນຫລວງວຽງຈັນ ໃຫ້ຮູ້ວ່າ: ໃນເວລາປະມານ 9
ໂມງເຊົ້າຂອງວັນທີ 29 ສິງຫານີ້, ໄດ້ຮັບແຈ້ງເຫດຈາກເຈົ້າໜ້າທີ່ເມືອງສີສັດຕະນາກ ວ່າ: ໄດ້ພົບສົບຄົນເສຍຊີວິດຟູຢູ່ແຄມນ້ຳຂອງ, ບໍລິເວນຫລັງຫໍພັກນັກສຶກສາ
ວິທະຍາໄລການຊ່າງລາວ-ເຢຍລະມັນ, ເຂດບ້ານວັດນາກ, ເມືອງສີສັດຕະນາກ ນະຄອນຫລວງວຽງຈັນ, ເຊິ່ງຊາກສົບດັ່ງກ່າວ
ເປັນເພດຍິງ, ບໍ່ຮູ້ຊື່ ແລະ ທີ່ຢູ່ ຍ້ອນຜູ້ຕາຍບໍ່ມີເອກກະສານຕິດຕົວໃດໆ, ອາຍຸປະມານ
35-40 ປີ,
ບໍ່ມີຈຸດຕຳນິພິເສດໃດໆ ຍ້ອນຊາກສົບດັ່ງກ່າວ
ບວມ ໄຄ ແລະ ຄາດວ່າຈະເສຍຊີວິດມາແລ້ວ 1 ອາທິດ ສ່ວນສະພາບສົບແມ່ນບໍ່ມີຮ່ອງຮອຍການຖືກທຳຮ້າຍໃດໆ, ໃນເບື້ອງຕົ້ນ ປະຊາຊົນຢູ່ເຂດດັ່ງກ່າວ
ລົງໄປຫາປາ (ຊິດເບັດ) ຢູ່ຕາມແຄມນ້ຳຂອງໃນບໍລິເວນຈຸດ ດັ່ງກ່າວ
ຈິ່ງໄດ້ໄປພົບຊາກສົບດັ່ງກ່າວ ຈຶ່ງໄດ້ຮີບຮ້ອນໄປແຈ້ງເຈົ້າໜ້າທີ່ເມືອງ ເພື່ອລົງໄປກວດກາ ແລະ ສືບສວນ-ສອບສວນ ແລະ ໃນເວລາປະມານ 1
ໂມງຂອງວັນດຽວກັນ ກໍໄດ້ຮັບແຈ້ງຈາກເຈົ້າ
ໜ້າທີ່ ເມືອງນາຊາຍທອງວ່າ: ພົບສົບຄົນເສຍຊີວິດ
ຢູ່ໜອງປາ ບ້ານນາຂ່າ, ເມືອງນາຊາຍທອງ ນະຄອນຫລວງວຽງຈັນ,
ເຊິ່ງຊາກສົບດັ່ງກ່າວ ເປັນເພດຊາຍ, ບໍ່ຮູ້ຊື່ ແລະ ທີ່ຢູ່, ອາຍຸປະມານ 50ປີຂຶ້ນໄປ, ຜູ້ຕາຍໃສ່ເສື້ອຢືດສີຂາວ,
ແຂນສັ້ນ ແລະ ຄາດວ່າຈະເສຍຊີວິດມາແລ້ວ 1-2 ວັນ. ມາຮອດປັດຈຸບັນນີ້
ຊາກສົບທັງສອງເຈົ້າໜ້າທີ່ໄດ້ເກັບໄວ້ໂຮງເຢັນຂອງໂຮງໝໍມະໂຫສົດ, ດັ່ງນັ້ນ ຈຶ່ງແຈ້ງຫາຍາດພີ່ນ້ອງຜູ້ເສຍຊີວິດທັງສອງນີ້ຮູ້ຂ່າວໃຫ້ໄປຕິດຕໍ່ເຈົ້າໜ້າທີ່
ສືບສວນ-ສອບສວນ ນະຄອນ ຫລວງວຽງຈັນ ໄດ້ທຸກເວລາ.
No comments:
Post a Comment