ທິບພະຍະປະກັນໄພເຜີຍແຜ່ຄວາມຮູ້ດ້ານປະກັນຊີວິດ

ໃນວັນທີ 27 ກັນຍາຜ່ານມາ, ຢູ່ໂຮງແຮມລາວພລາຊາ ນະຄອນຫລວງວຽງຈັນ ບໍລິສັດທິບ ພະຍະປະກັນໄພຈໍາກັດ, ໄດ້ຈັດ ການບັນຍາຍຄວາມຮູ້ກ່ຽວກັບ ການປະກັນຊີວິດຫົວຂໍ້ “ສ້າງໂອກາດໃນອາຊີບໃໝ່ທີ່ສົດໃສ” ຊຶ່ງມີ ພະນັກງານ, ແຂກຖືກເຊີນ ແລະ ລູກຄ້າບໍລິສັດດັ່ງກ່າວເຂົ້າຮ່ວມ ເປັນຈໍານວນຫລາຍ, ໂດຍການ ບັນຍາຍຂອງຜູ້ຊ່ຽວຊານດ້ານປະກັນໄພຈາກປະເທດໄທ, ໄດ້ມາໃຫ້ ຄວາມຮູ້ກ່ຽວກັບຄວາມສໍາຄັນຂອງການເຮັດປະກັນໄພ, ປະກັນ ຊີວິດ ແລະ ການສ້າງໂອກາດໃນ ການສ້າງລາຍໄດ້ໃໝ່ໃຫ້ຕົນເອງ. ພາຍໃນງານຍັງໄດ້ມອບໃບຍ້ອງຍໍແລະ ລາງວັນສາຍຄໍຄໍາໃຫ້ແກ່ຕົວ ແທນຈໍາໜ່າຍທີ່ມີຍອດຂາຍດີເດັ່ນແລະຕົວແທນທີ່ໄດ້ເລື່ອນຕໍາແໜ່ງໃໝ່ອີກດ້ວຍ ແລະ ການບັນຍາຍຝຶກອົບຮົມດ້ານທຸລະກິດປະເພດດັ່ງກ່າວຍັງມີຂຶ້ນອີກແຕ່ວັນທີ 27-30 ກັນຍານີ້ ແລະ ຜູ້ສົນໃຈເລື່ອງການ ປະກັນໄພຫລືຕ້ອງການສ້າງລາຍໄດ້ເສີມຈາກທຸລະກິດປະກັນໄພກໍສາມາດພົວພັນໂດຍກົງກັບບໍລິສັດທິບພະຍະປະກັນໄພຈໍາກັດ, ໝາຍເລກໂທລະສັບ 021-455101-6 ໃນໂມງລັດຖະການ.