ບັນດາພະນັກງານ,
ສະມາຊິກພັກ, ລັດຖະກອນທົ່ວກະຊວງວິທະຍາສາດ ແລະ
ເຕັກໂນໂລຊີໄດ້ເຊື່ອມຊຶມມູນເຊື້ອ,ປະຫວັດຄວາມເປັນມາຂອງວັນສ້າງຕັ້ງແນວລາວສ້າງຊາດຄົບຮອບ 65 ປີ(13/08/1950-13/08/2015)
ແລະວັນຊາດ ສສ
ຫວຽດນາມ ຄົບຮອບ70
ປີ(02/09/1945-02/09/2015) ໃນວັນທີ16 ກັນຍານີ້,
ທີ່ກະຊວງດັ່ງກ່າວ, ພາຍໃຕ້ການເປັນປະທານຂອງທ່ານ ຫຸມພັນ
ອິນທະຣາດ ລັດຖະມົນຕີຊ່ວຍວ່າການກະຊວງວິທະຍາສາດ ແລະເຕັກໂນໂລຊີ.
ໃນໂອກາດນີ້,
ທ່ານນາງບົວວອນອ່ອນຈັນຫອມຮອງປະທານສູນກາງແນວລາວສ້າງຊາດໄດ້ທົບທວນຄືນເຖິງປະຫວັດແລະ ມູນເຊື້ອແຫ່ງການເຕີບໃຫຍ່ຂະຫຍາຍຕົວຂອງແນວລາວສ້າງຊາດໂດຍເລີ່ມແຕ່ໄລຍະສ້າງຕັ້ງເປັນແນວລາວອິດສະຫລະໃນວັນທີ13 ສິງຫາ1950 ແລະ ໄດ້ປ່ຽນຊື່ມາເປັນແນວລາວຮັກຊາດໃນປີ1956, ມາຮອດວັນທີ 16-20 ກຸມພາ1979
ຄະນະກຳມະການສູນກາງແນວລາວຮັກຊາດໄດ້ຮຽກຮ້ອງ ແລະ ໄຂ
ກອງປະຊຸມໃຫຍ່ແນວລາວລາວຮັດຊາດສະໄໝທີ IV ຂຶ້ນທີ່ນະຄອນຫລວງວຽງຈັນ, ກອງປະຊຸມໄດ້ມີມະຕິປ່ຽນຊື່ແນວລາວຮັກຊາດມາເປັນແນວລາວສ້າງຊາດຈົນເຖິງປັດຈຸບັນ. ຕະຫລອດໄລຍະ 65 ປີຍາມໃດແນວລາວສ້າງຊາດກໍໄດ້ຍົກສູງບົດບາດໃນການເປັນຂົວຕໍ່ທີ່ດີລະຫວ່າງມະຫາຊົນກັບພັກ ແລະ ລະຫວ່າງປະຊາຊົນກັບລັດທັງເຮັດໜ້າທີ່ເຕົ້າໂຮມກ້ອນກຳລັງສາມັກຄີປອງດອງທົ່ວປະເທດ, ໂຄສະນາ-ສຶກສາອົບຮົມປະຊາຊົນລາວບັນດາເຜົ່າຢ່າງກວ້າງຂວາງເພື່ອປະຕິບັດ 2 ໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ.
ຈາກນັ້ນ,
ທ່ານ ຫຸມພັນ
ອິນທະຣາດ ກໍໄດ້ຍົກໃຫ້ເຫັນເຖິງໄຊຊະນະ ແລະ ຜົນງານທີ່ປະຊາຊົນຫວຽດນາມ ຍາດມາໄດ້ຕະຫລອດໄລຍະ 70 ປີທີ່ຜ່ານມາພາຍໃຕ້ການນຳພາຂອງປະທານໂຮ່ຈີມິງ
ແລະ ພັກກອມມູນິດອິນດູຈີນ ກໍຄື
ພັກກອມມູນນິດຫວຽດນາມ ໃນປັດຈຸບັນໂດຍສະເພາະໄລຍະການຕໍ່ສູ້ຍາດເອົາອຳນາດການປົກຄອງແຕ່ປີ1930-1945; ໄລຍະປົກປັກຮັກສາ ແລະ ຂະຫຍາຍໝາກຜົນຂອງການປະຕິວັດເດືອນສິງຫາ, ດຳເນີນການຕໍ່ສູ້ປົດປ່ອຍຊາດ, ທ້ອນໂຮມປະເທດຊາດເປັນເອກະພາບແຕ່ປີ1945-1975 ແລະ ໄລຍະການປະຕິວັດສັງຄົມນິຍົມ, ປະຕິບັດພາລະກິດປ່ຽນແປງໃໝ່, ກໍ່ສ້າງລັດທິສັງຄົມນິຍົມຢູ່ຫວຽດນາມແຕ່ປີ1975 ເປັນຕົ້ນມາ. ພ້ອມກັນນີ້ທ່ານຍັງໄດ້ຍົກໃຫ້ເຫັນການພົວພັນຮ່ວມມື, ຄວາມສາມັກຄີພິເສດລາວ-ຫວຽດນາມ
ແລະ ບັນຫາສຳຄັນອື່ນໆຈຳນວນໜຶ່ງ.
No comments:
Post a Comment