ທີ່ປະຊຸມໄດ້ຮັບຟັງການລາຍງານກ່ຽວກັບການຈັດຕັ້ງປະຕິບັດວຽກງານປິ່ນອ້ອມສວນສະໜາມໃນໄລຍະຜ່ານມາ,
ຊຶ່ງໂດຍລວມແລ້ວແມ່ນສາມາດປະຕິບັດໄດ້ດີພ້ອມທັງໄດ້ມີການລາຍງານຄວາມຄືບໜ້າໃຫ້ທີ່ກອງປະຊຸມໄດ້ຮັບຊາບເປັນແຕ່ລະໄລຍະໂດຍສະເພາະແມ່ນການກະກຽມກຳລັງປ້ອງກັນອາວຸດ
ແລະ ວຽກງານອື່ນໆທີ່ປິ່ນອ້ອມວຽກງານສວນສະໜາມ.
ນອກນີ້, ບັນດາທ່ານທີ່ເຂົ້າຮ່ວມກອງປະຊຸມໄດ້ປືກສາຫາລື
ປະກອບຄຳຄິດຄຳເຫັນຢ່າງກົງໄປກົງມາໃສ່ບັນດາໜ້າວຽກທີ່ຍັງຂໍ້ຄົງຄ້າງ,
ຜ່ານການລົງຕິດຕາມການຝຶກແອບຕົວຈິງໃນໄລະຍະຜ່ານມາ ເຊັ່ນ: ຮູບຖັນແຖວ,
ຮູບການນຸ່ງຖື ແລະ ຮູບແບບການປະດັບປະດາເປັນຕົ້ນຄວາມເປັນເອກະພາບຂອງເຄື່ອງນຸ່ງ,
ການນຳໃຊ້ທຸງຊາດ, ພັກຂອງແຕ່ລະກ້ອນກຳລັງ ແລະ ວຽກງານອື່ນໆ ທີ່ປິ່ນອ້ອມ.
ນອກນີ້ ຜູ້ເຂົ້າຮ່ວມກອງປະຊຸມ
ຍັງໄດ້ມີການເປັນເອກະພາບກັນກ່ຽວກັບການກຳນົດ ວຽກງານໃນຕໍ່ໜ້າເປັນຕົ້ນປຶກສາຫາລື
ຮູບແບບຂອງພິທີການ, ການຈັດລຽງຄືນລຳດັບຂອງແຕ່ລະກ້ອນກຳລັງ, ກຳນົດບ່ອນນັ່ງຂອງການນຳ,
ບັນດາແຂກທີ່ຖືກເຊີນ ທັງພາຍໃນ ແລະ ຕ່າງປະເທດ
ລວມທັງຈຸດຢືນຂອງມວນຊົນເຂົ້າຮ່ວມຊົມ, ລະບົບເຄື່ອງສຽງ
ປະກອບການສວນສະໜາມ. ຈາກນັ້ນ,
ບັນດາທ່ານ
ທີ່ເຂົ້າຮ່ວມກອງປະຊຸມໄດ້ເປັນເອກະພາບຕໍ່ການນຳສະເໜີໃນຄັ້ງນີ້
ເພື່ອໄປປັບປຸງ, ແກ້ໄຂໃຫ້ທ່ວງທັນເວລາ ແລະ
ເໝາະສົມ ຕາມຕົວຈິງ ຂອງແຕ່ລະກ້ອນກຳລັງ.
No comments:
Post a Comment