ທ່ານນາງ ສີໄສ ລືເດດມູນສອນ ປະທານສູນກາງສະຫະພັນແມ່ຍິງລາວ ໄດ້ຖະແຫລງຕໍ່ສື່ມວນຊົນວ່າ: ກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ
VII ທີ່ຈະໄດ້ຈັດຂຶ້ນໃນກາງເດືອນຕຸລານີ້ ທີ່ນະຄອນຫລວງວຽງຈັນເພື່ອຕີລາຄາຄືນຂະບວນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VI ຜ່ານມາ ແລະ ເວົ້າສະເພາະກໍແມ່ນການພັດ ທະນາອົງການຈັດຕັ້ງແມ່ຍິງລາວໃນໄລຍະ 5 ປີຜ່ານມາ ແລະ ການຈັດຕັ້ງຜັນຂະຫຍາຍ 6 ແຜນງານ, 32 ໂຄງການ, ການປະຕິບັດຂໍ້ແຂ່ງຂັນ 3 ດີ ແລະ ຈໄດ້ສຸມໃສ່ຕີລາຄາຄືນການນຳພາເຕົ້າໂຮມຄວາມສາມັກຄີຂອງເອື້ອຍນ້ອງແມ່ຍິງລາວ ບັນດາເຜົ່າ, ການປັບປຸງກົງຈັກການຈັດຕັ້ງ, ການຊີ້ນຳໆພາ, ແບບແຜນວິທີເຮັດວຽກ ແລະ ອື່ນໆ, ພ້ອມທັງ ວາງວິໄສທັດ ແລະ ຍຸດທະສາດໃນການພັດທະນາແມ່ຍິງ 10 ປີຕໍ່ໜ້າ 2015-2025 ແລະ ແຜນພັດທະນາແມ່ຍິງແບບແຜນງານ 34 ໂຄງການ ສຳລັບປີ 2016-2020 ໃຫ້ປະສົບຜົນສຳເລັດ, ພ້ອມດຽວກັນນີ້ ກໍຈະໄດ້ປັບປຸງກົດລະບຽບສະບັບປັດຈຸບັນຄືນໃໝ່ໃຫ້ສອດຄ່ອງກັບຄວາມຮຽກຮ້ອງຕ້ອງການຂອງວຽກງານ,
ສອດຄ່ອງກັບກົດໝາຍວ່າດ້ວຍສະຫະພັນແມ່ຍິງລາວ ແລະ ທັງເປັນການຕອບສະໜອງໜ້າທີ່ການເມືອງ
ໃນໄລຍະໃໝ່
ແລະ ຈະໄດ້ກຳນົດຄຳຂັວນ ແລະ ຂໍ້ແຂ່ງຂັນຂອງສູນກາງສະຫະພັນແມ່ຍິງລາວຕື່ມອີກ ເນື່ອງຈາກວ່າກອງປະຊຸມໃຫຍ່ຄັ້ງທີ
VI, ໄດ້ກຳນົດແຕ່ຂໍ້ແຂ່ງຂັນ 3 ດີຄື:
ເປັນພົນລະເມືອງດີ, ພັດທະນາດີ ແລະ ສ້າງຄອບຄົວດີມີຄວາມສຸກ ແລະ ໃນກອງປະຊຸມໃຫຍ່ຄັ້ງທີ
VII ນີ້, ສູນກາງສະຫະພັນແມ່ຍິງລາວ ຈະໄດ້ກຳນົດໃຫ້ມີຄຳຂັວນ ເພື່ອເປັນທິດສູ້ຊົນຂອງແມ່ຍິງລາວທົ່ວປະເທດ ມີຄວາມຜິດຊອບຮ່ວມກັບຂອງທຸກພາກສ່ວນໃນສັງຄົມ, ພ້ອມທັງເລັ່ງໃສ່ການພັດທະນາຄວາມສະເໝີພາບຍິງ-ຊາຍ ໃຫ້ຕິດພັນກັບການພັດທະນາສ້າງສາປະເທດຊາດນຳດ້ວຍ.
No comments:
Post a Comment